Dɛnnda cɔɔmuanndan 18:13 - BII BILA

¹³ kamadolaa, ɲɛm cun kɛndɔn, ansan, mirte, mɔiyan, cuɛiyan, kpeyanndo, maalon, nawva a saa laandua, soa, ɲɛla ɲaanannda soa nan-ndan, cɛa a vanndacieea yoomaa.

Dɛnnda cɔɔmuanndan 18:13 Referans Kwoze

Esekiɛl 27:13

Vannda Yavan, haa Tubal a haa Mesɛk va yulalen tosaa a nɔm, a va cɛa a ɲɛm cɔwnun a daɲan-ndon yɔngoo le singaa a vɔngula nɔmndan.

Amɔs 2:6

Nuaa Mɛlɛka soo ni aa: «Le yɔŋnda vɔɔnnda yàála Israɛlla tosa lan, le yɔŋnda vɔɔnnda nda tosa háá tan hiɔɔlu lan, ɲɛ ya kelu le nda tuisio coo-o, i faŋannin lecoo le! Kani a co vanaa sandaa pisio le volion, ma va vanaa bala fondoa pisio o samtalan bɛngu.

2Piɛr 2:3

A co niaa tɔnɔɔ dioo a sondola yeelɛilan le mɛɛ nda nɔ hɔlte bolofaalen yɛ. Kɛ o co lɛhau le yamɛi ndɛi cuu kiolɔɔ ma sɔla yaalaa le, tambii ndɛi nɔ lɛ bɛɛ lɔ́ɔ́ le.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Tɔŋ miingua 24:7

Te Israɛlnɔɔ ciimbuu pɛ vanaciee yoomaa o pilacieaa ndɔa Israɛlla tɛɛn, mò siinguu vanaciee o ciimbuu kon-ndo cɛ ndɔɔ, te kon te mò pisi ndu, vana ciimbuu ndu kon-ndo bɛnda mò sɔla piɔ́mndo kangalan. Lende niaa bɛnda ni mi la faŋa dɛnɛ vɔɔndo niaa tɛɛn.»

Fulaa 21:16

Te vanndo ciimbuu pɛ vanacieo, o bɛnda mò sɔla piɔ́mndo. Hali o pisi bɛɛ vanaciee o ciimbuu kon-ndo maa cɛ, te kon te a saalun bɛɛ vanaciee kalaa ndu o ba, vana ciimbuu ndu kon-ndo bɛnda mò sɔla piɔ́mndo kangalan.

1Timote 1:10

le vanaa tosaa dɛnnda nɔɔlɛiya a vanaa co laasianndo-a, le vanaa co yulale n'cɛlen-nda, le vanaa co còòlan dimio-a, le vanaa co mɛɛniannda lacòòvalan-nda a le vanaa-vanaa co pɛɛku toɲaa simullo.

Amɔs 8:6

O kon kɔɔli, n piandunin vanaa ikɔɔa a volion, mì n pendu vana bala fondoo o pilɛ o samtalan bɛngu. Hali kefun n'mallon, n pisinin mun.»

Amɔs 6:6

La co mɔiyan kolɔɔ a taalala humanndan. La co cuɛima kɛndɛ-kɛndɛan suunɔnndo, kɛ la co buulan le dɛnɛ palaa co polale Yosɛf len mɛngɛlaa-o le.

Condii kɛndɛ-kɛndɛi 5:5

O kon, mí can le kɔlan ndu dioo kumbillo, mí mir nɔ cun kɛndɔɔ-o va cɔnɔnndo ya o laba, mó va delio tue-tue, mó can ya o n'su, mó va delio o sɔkɔle kindaa dio len coo.

Talelan 7:17

I cucu ɲɛla cun kɛndɛlan o kpele nuu coo: mir, aloɛs a sinamɔm.

2Dɛnnda lemasalan 9:9

O kon kɔɔli, mó yɔngu masaa Salomɔn sianion kilolan vàálan layàá a tálá, ansan taw-taw a powta báà kàlàlan. Kabi bɛɛ vana ci lɛ ansan maa ansan masa laandu fula Saba-o ndóò yɔngu masaa Salomɔn-ndo-o le.

1Masaa 10:25

Vɔsi oo vɔsi, vannda va kɔlan a ɲɛm cɔwnun a volion-ndon, n cɔwnun a sianion-ndon, volɔɔla cuɛinanndan, ɲɛm cɔwvon, ɲɛm cun kɛndɔn, soa piaandua, te kon te milɛɛa o Salomɔn ndo.

1Masaa 10:15

handɔɔ o mulu ndóò bii vanaa hun a vɔngulan o lɛŋnden nin-nda a yulaa o ba-o coo, handɔɔ niko o mulu masaa n'bungaa ndáà bii mialla o ba-o coo.

1Masaa 10:10

O kon, mó cua sianion kilolan vàálan tan yáá a kɛmɛ leŋuɛɛnu, cuɛima cun kɛndɛan taw a powta báà kàlàlan, mó ke masaa. Kabi paale len, vana hin-ndɛ a cuɛima súú vaa lende o lɛŋnde Israɛl-ten nin maa ma masa laandoo Saba yɔngu ɲinkon Salomɔn-ndan te.

Tɔŋ miingua 28:68

Mɛlɛka minginin niaa Esipte o dɛ̀ndɛ̀lan nin. La muungunin o nɛi yáà dimul niaa aa la muungu lɛ o nɛi kon too coo. Lon niaa pila yeemanin le pisinndo yaamɔaa niaa o ba le siŋnɔnndo cɛa ndaa a buɛyaa ndaa ni. Kɛ vana-vana venin le niaa piondɔɔ le.»

Condii kɛndɛ-kɛndɛi 1:3

Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

1Dɛnnda lemasalan 5:21

Má hialu cɔlua ndaa: ɲɔɔmɛɛa vàálan tan ŋuɛɛnu, saa vaalan kɛmɛ lediin beleŋuɛɛnu, sofɛlɛa vàálan tan tiɔn a vanndacieea vaalan kɛmɛ.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Dɛnnda cɔɔmuanndan 18:14

Ɲɛm kɔl nɔmndo va yeema-on kɔɛ nɔm levil, ɲɛm sɔvɛɔn a n nɔ ɲamaa-on hɛlun nɔm, vana ci lɛnin mun le fɛɛn a fɛɛn te.

Dɛnnda cɔɔmuanndan 18:15

Yulaa o suili a bolofaa o yulalen-nda simnin kɔɔli-kɔɔli a siòòŋii biinin nda a dɛnɛ palaa ndɔɔ-e, mɔnɛi biinin nda mà caŋ.