Dɛnnda cɔɔmuanndan 17:4 - BII BILA

⁴ Kola keese siaŋa sɔɔtɔtɔɔ va vanalanɔ kon lekɔɔ, mó kɛɛmian a sianion, powta báà kàlàlan a yɔɔva báà kalaa. Taala kólaa n'siani va ndu o ba-o va o piaa cá a mààlan, la o sɔla o suundaa lan.

Dɛnnda cɔɔmuanndan 17:4 Referans Kwoze

Dɛnnda cɔɔmuanndan 18:16

A diminin aa: «Kpòkóó! Má cè dɛnɛ palaa le kobi bɛndoo ho! Kobi va hoo o cuɛinanndo a kola keese fɛtufɛtoo, kola siaŋa vólotótoo, a kolala siaŋala sɔɔtɔtɔɔlan-ndo, o va hoo o kɛɛmiaa a sianion, a powta báà kàlàlan a á yɔɔva kɛndɛ-kɛndɔɔ-o kɛí dɛ!

Yeremi 51:7

Maa taala kólaa n'siani Babilɔn va Mɛlɛka o ba ni, o va ceendo kpow hɔlla hiŋndo. Vanaa-mangalaa-isɔɔa va mɔima ndɔan kolɔɔ háá mí maa hiŋ nda bolle.

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 18:12

sianion, volin latámán, powta báà kàlàlan, yɔɔvala báà kalalan, kolala keesela fɛtufɛtulan, kolala keesela siaŋala sɔɔtɔtɔlan, kolala nda toosiaa a pamboei lan, kolala siaŋala vólotótolan, yɔmii kendu saalɔnnde, ɲɛla kɛ́-kɛ̀ nda toosiaa a ciŋun kamaa, la kɛ́-kɛ̀ nda toosiaa a yɔmii báà kalɛi, la nda toosiaa a daɲan-ndan, la nda toosiaa a cilinndon-ndan a la nda toosiaa a powta ŋɛlɛngi-ŋɛlɛngilan-ndan,

Cɛɛŋɔnnda Yeremi lan 1:9

Nɔ́ɔ́ dɛnɛ nɔɔlɛi ndɔɔ co ndu o domaa. O ve kɔl o ɲɛ va ndu hunɔɔ komal-lo le. Mí delɔɔ ndɔɔ dɔaw ndu kɔndɔfili. Nduyɛ vana-vana ve le ndu ɲɔɔlu le. Mó dimi aa: ‹Éé Mɛlɛka! Tofa vɔ siɛmbula ya co nin-ndan, bau yaamɔɔ nuu nɔla ya.›

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Daniɛl 11:38

Yɔŋii o biilu halaa kan, o biilunin hala kobi nda kunga a kpakio-o, o fuɲaa ndɔa mamaa sina loo, mò yɔngu ndu sianion, volin humbon, powta báà kàlàlan a ɲɛm vɔngu bɛndon.

Esekiɛl 24:13

Nɔm Yerusalɛm, dɛnɛ nɔɔlɛiyo mingi nɔm maa kpɛɛnɛi sɔvɛi, mì yeema le nɔm dindio kɛ a cɛl te pɛ! Lelan a sɔla lɛnin dindio a dɛnɛ nɔm nɔɔlɛiyo le, háá mì cii kɔltuw nuu cuiŋi nɔm coo.

Esekiɛl 24:11

O kon kɔɔli, mà handu kpɛɛnɛi fondoei o dɛngultan coo, haliko mi i tuulu, mì daɲɛi diw vaŋ, o kon mì sɔva co lenin-ndo cɛɛlun.

1Masaa 14:24

Hali vanaa va o kaannde suundaa len-nda, a va o lɛŋnde len nin. Má kɔ vow balan o dɛnnda vɔɔnnda kɛ́-kɛ̀ vanaa-mangalaa-isɔaa Mɛlɛka ndóò tow Israɛlla laci-a va tosaa lan nin.

Osee 9:10

«Maa rɛsɛŋun co o lɛŋnde veselɛilen nin-ndon lende ya komal Israɛlla ni, maa voosun tasen voosoo koam-ndon ya ce fuɲaa niaa mamaa ni. Kɛ mɛɛ nda tiiya dɔ́ɔ́ Baal-Peɔr, má luei balan o piɔm nɔɔlɛi kon sooloo, mí nda pila siŋnun ɲɛ vɔɔn bɛndoo ya Mɛlɛka o hɔl maa piɔm ndáà kaola kon sɛnɛi-yo.

Ɛsdras 9:11

Tɔŋnda nɔm óò yɔngu vanaa nɔmaa baalaa, vanaa-tɛɛngaa-diom Hala-a nɔmnda le naa lan tɛɛngullo lan pɛɛn. Mí nɔm óò dimul naa o tasendɔ aa: Lɛŋnde niaa co lakɔ le calle nin-nden le cuu nɔɔliaa, kani vanaa co o lɛŋii ken nin-nda cuu nɔɔlian. Kandɔɔ o tumndo háá o bollen, a cii len pei a dɛnnda vɔɔnndan.

Esekiɛl 20:30

Lelan dimul cuavaa Israɛlla aa nuaa Maalii Hala ɲuna ni aa: «Vɛ̀ɛ̀ o co lɔngɔlianndo le niaa co nuaa maa fuɲaa niaa le? Vɛ̀ɛ̀ o co balan te niaa vow nuaa o laasianndo nin a suundaa nɔɔlɛi nda va tosaa-o nin te?

2Masaa 21:2

Mí Manase tosa ɲɛ hɛnan Mɛlɛka loo, mó luɛinun o dɛnnda nɔɔlɛila vanaa-mangalaa-isɔaa Mɛlɛka ndóò tow Israɛlla laci-a va tosaa lan tosaa.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Tɔŋ miingua 29:17

Lelan o niaa tɛɛn, vanapɔnɔ ni, vanalanɔ ni, leyungu ni, lepola ni, vana-vana fáŋà kɔl ndɔɔ o Mɛlɛka Hala niaa lo hau le kɔlan piɔmaa vanaa kan co sooloo-a sooloo le. La caa taw yɔŋii dumbule yɔmndo pum le va niaa tɛɛn, le solì bɔ̀tàá a ɲɛ lolɛiyo len.

Esai 66:3

Vana kelu pɛ nawvo bololan le ndu sálàá solio, mɛɛ o dii vɛlɛ vanacieo. Vana soli pɛ saa téndóó sálà, mɛɛ o yem vɛlɛ tunndo kɛsɛi. Vana heelu pɛ sálà ɲɛm vàá le ndu cɔmndo, mɛɛ o fasaŋiaa kooma pewvan. Vana lom pɛ ɲɛ loonan lasikɔlɔ ansan, mɛɛ o tosa dɛnɛ nɔɔlɛiyo le piɔmndo sooloo. Vanaa kan kpede a co kɔllo naŋɔɔ o kela ndaa nin, ɲɔɔ co nda hɛnanndo o dɛnnda nɔɔlɛila lan nin.

Esekiɛl 28:13

A va icali Edɛn, o nakɔ Hala-o nin, a va o kumbaa a powta báà kàlàla súú-súù ka: sarduan, topas, diamannde, krisolite, onikse, yaspe, safir, pow siaŋa báà kalaa a emerɔd. Kelan nɔmndon va n'cɔavaa a sianion, paale n cɔwnun-nden kelan mun bɛɛndian ni.

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.

Dɛnnda cɔɔmuanndan 21:21

Diola luɛyaala tɔ́ a latiɔnndan la va yɔɔvala baala kalala tɔ́ a latiɔnndan ni. Falii kobi kalaa ndi, a sianin diandan i va ni, maa tofan vana tofa ma ce lekɔɔli-o.