Dɛnnda cɔɔmuanndan 16:7 - BII BILA

⁷ O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Dɛnnda cɔɔmuanndan 16:7 Referans Kwoze

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Esai 6:6

Kɛ mí mɛlɛkaa Seerafɛŋaa kan o pilɛ hun o ya lo, dɛngulten le va ndu o ba, o fonda-loamaa-lasálàá coo ndóò cua dɛngulte len a kpaɲala pɔmbɔlan ni.

Dɛnnda cɔɔmuanndan 14:18

Mí mɛlɛkanɔ celen fula, ndóò nɔ kpaayaa yinnden coo ni. Mó yondal vana ndóò nɔ vɔlɔtɔɔ o ba-o aa: «Baa vɔlɔtɔ luɛyaa nɔmndo mà keenduu kpɔ̀nyɔ̀la n'rɛsɛnnda co o lɛŋnden coo lan, kani rɛsɛŋun ndɔn n diw.»

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Esekiɛl 10:7

Mí mɛlɛkanɔɔ pilɛ siɛndi baa nda pila mɛlɛkaa tɛɛn, nɛɛ yinnden le va nda tɛɛn-nda, mó cua yinnden, mó vow len langbanɔ va kon a kola keesoo lekɔɔ-o o laba. Mí langbanɔɔ bii len, mó fula.

Esekiɛl 10:2

Mí Mɛlɛka dimul langbanɔ va a kola keesoo lekɔɔ-o aa: «Luɛi o hoeyii felenfelennde nin o bɛngula tiilannda mɛlɛkaa kanda ɲɛm Hala-on-nda bɛngu, mà kɔ kɔndu dɛngulta biyaalan, mà pei lan balan ca. A kɔndu lan pɛ, a kɔ saŋ ndan o kobio nin.» O kon, mí ca, mí langbanɔ kon kɔa.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»