Dɛnnda cɔɔmuanndan 16:6 - BII BILA

⁶ Kani vannda cuiŋi kooma vanaa diandaa a kooma vanaa-tɛɛngaa-diom Hala-a, mí nɔm ke nda koovan le kolɔɔ, ken bɛnda a nda ni.»

Dɛnnda cɔɔmuanndan 16:6 Referans Kwoze

Esai 49:26

I miaanin vanaa dɔw nɔm yɛɛvɛ-a visin ndan nda pilan ma de mun, a kolnin kooma ndan mi ma bii nda, mɛɛ mɔima yɛngian ma bii vana yɛ. O kon, vanndacieea yoomaa kpow sinanin maa ya co Mɛlɛka ni, vana nɔm ciindiaa, vana nɔm baŋaa, Vana Kpaaya Yakɔb-o pɛɛn.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.

Dɛnnda cɔɔmuanndan 13:15

Mí kpaayaa kennun ndu haliko mi tuula visi kon ndóò biŋin a ba ndɔ, mì ndóò soo, o kon mì vanaa-vanaa aa beŋ vulan tuula visi kon o labɛngunin te-a ndáà sɔla piɔ́mndo.

2Masaa 24:4

a le kooma vanaa ndóò diw mí ndóò pei Yerusalɛm a man-ndan. Nduyɛ vanaa kan ndáà tɛɛmbuu isɔɔ le. Mɛlɛka cɛl le haki kon malɔɔ le few.

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Matie 7:2

Kani yamɛi niaa co caanda kilullo-e kilulunnin niaa ni. A ɲɛ niaa co tuuvo nda tuunin niaa ni.

Yeremi 26:16

O kon mí simlacia a sɛ́lɔ́ɔ́ kpow a dimul vanaa-solia-lasálàá a vanaa-tɛɛngaa-diom Hala-a aa: «Langbanɔɔ ho bɛnda mò sɔla piɔ́m te, kani Mɛlɛka Hala naa lekɛ́ndɛi vem ndu le naa sɔɔn mun dimullo ni.»

Yeremi 26:11

Mí vanaa-solia-lasálàá a vanaa-tɛɛngaa-diom Hala-a dimul simlacia a vanaa va lon-nda kpede aa: «Langbanɔɔ ho bɛnda mò sɔla piɔ́mndo le sááléla o dimi a Yerusalɛm-ndan. Niaa pila tuei ndu diom kpedekele.»

Yeremi 2:30

I diw poaa niaa, kɛ sangan fondo fúú, kani a bii sila nuu le. Mí la diw vanaa-tɛɛngaa-diom Hala-a niaa maa yàlàá kɔltuw.

Luke 12:48

Kɛ te buɛiyo sina hɛnan vana ndɔ bɛndoo le, mò tɛɛmbuu, ndu sɔlanin lɔɔ bɔɔ le. Vana nda ke pɛ taw, a ɲuna ndu taw. Vana nda yɔngu yɛ pɛ ɲɔɔn taw mandaa, a ɲuna ndu vɛlɛ taw-taw.»

Fulaa 7:17

Lelan, Mɛlɛka dimi maa o laan ndu, a co sina válán maa ndu co Mɛlɛka ni. I co mɛmma co o pee bɛndoo Nil-lan lɔɔ a tinda co hoo ya o ba-o mì ma mangalan koovan.

Fulaa 21:24

Vana pɛl pɛ vanndo hɔlten, ndu bɛɛ a piɔl ndu hɔlten. Vana bɛŋi pɛ vanndo ciŋnde, ndu bɛɛ a bɛŋi ndu ciŋnde. Vana yem pɛ vanndo baa, ndu bɛɛ a yem ndu baa. Vana yem pɛ vanndo pelei, ndu bɛɛ a yem ndu pelei.

Esekiɛl 32:6

I pɔɔliaanin lɛŋnden a kooma vanin fulaa nɔm lekɔɔ o pembon coo-an, mì kooma man ma pɛ o peela pɔmbɔlan kɔllo ca.