Dɛnnda cɔɔmuanndan 16:5 - BII BILA

⁵ Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.

Dɛnnda cɔɔmuanndan 16:5 Referans Kwoze

Dɛnnda cɔɔmuanndan 11:17

Má va dimio aa: «N mel nɔm balika, Mɛlɛka Hala nɔ kpaayaa kpow-vo, nɔm co-o, nɔm va-o, le tùú n cɛn a kpaaya nɔm bɛndoo, má cua masalen-ndo.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Condii lisai 145:17

Mɛlɛka sandu o nɛila ndɔlan kpow coo, o lo o lediom coo o dɛnnda o co tosaa lan kpow nin.

Dɛnnda cɔɔmuanndan 4:8

Ɲaa yoomaa hiɔɔlua kan kpow, o kɛ́-kɛ̀ ndóò nɔ kumbanndan tan ŋɔmpum, nda kpow ndáà nɔ hɔltan lativaa nda lekɔɔ sɔ́. Paalen a ɲumndan a ve pɛngi dimio le aa: «O-Diandaa, O-Diandaa, O-Diandaa Mɛlɛka Hala, Vana-Kpaayaa-Kpow co ni, o va-o, o co-o a o co hunɔɔ-o.»

Rɔmnda 2:5

Kɛ le tùú n co nila kalulan tosaa mà va kɛɔ dɛnnda lan bilaa biyɔɔ-o, kɔltuw bɛndu Hala-o hun toalnin nɔm coo o paale kɔltuwlen coo, paale yamɛi sandɛi Hala-e fulanin ceen-nden.

Condii lisai 129:4

Vanaa yɔŋ vɔɔnda ndáà cii ya nin kayakaya. Kɛ, vana sandaa Mɛlɛka co ni, o cii yɔlɔn ndan kilikili.

O Kandɔɔ 18:25

A bɛnda ma tosa kon te. A bɛnda ma tosa a vana sandaa mɛɛ n tosa a vana vɔɔndo yɛ le. A bɛnda ma dii vana sandaa nda vana kɔlvesɛiyo latulu le. Nɔm vana co yamɛi ceendo kiolɔɔ-o, tosa mɛɛ dɛnɛ sandaa co yɛ.»

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Rɔmnda 3:5

Kɛ te sandii nɛi lepɛŋnde tosa pɛ mì sandii Hala-e sinan, vɛ̀ɛ̀ naa n dimi yɛnin ken? Vɛ̀ɛ̀ vana sandaa lepɛŋndo Hala va le kɔllo tuuloo a naa ni? (O vanacieeyɛi nin ya co sɔɛi nuaa ni.)

Daniɛl 9:14

Lelan, nɔm Mɛlɛka, má tuisi naa dɛnɛ palaa coo. Kani a sandu o dɛnnda n tosa lan kpow nin, kɛ naa, n bii diom nɔmndo le, nɔm Hala naa pɛɛn.

Cɛɛŋɔnnda Yeremi lan 1:18

Mɛlɛka nɔ dí le ɲɛ o tosa hoo-o, kani nila kalulan ya tosa a silala ndɔlan ni. Niaa vanndacieea kpow la yaŋnun-ndɔ, la tofa vɔ dɛnɛ palaa del-la coo-o. Cuaambɔa lemboa nia a langbaa felengia nia kɔɛ o biyɔɔ nin.

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 16:4

Mí o yàándɔɔ cuiŋi ɲɛ va o taala kólaa ndɔɔ nin-ndo o peela bɛndulan a o peela leboltan, mí la siŋnun koovan.

Nsaŋ 17:25

Pua Sandaa, ceendo sina nɔm te, kɛ ya, i sina nɔm, vannda sina maa nɔm vem ya ni.

Dɛnnda cɔɔmuanndan 6:10

A va yoondiaa coocoo kpélén aa: «Vana naa bɛndu diandaa toɲaa sei, vɛ́ cumndo ho, lɔ́ɔ́ kuɛɛ n co yɛ yamɛi kiolɔɔ, mà mingi màá nda dii naa-o o vanndacieea co o lɛŋnden coo-a lo?»