Dɛnnda cɔɔmuanndan 16:2 - BII BILA

² Mí o tasoo kɔa, mó kɔ cuiŋi ɲɛ va o taala kólaa ndɔɔ nin-ndo o lɛŋnden coo. Mí pavii nɛyɛi vɔɔn-vɔɔnde fula vanaa ndáà nɔ pondale visio, mì ndáà va vulan baŋɔɔ tuula ndɔɔ o labɛngunin-nda.

Dɛnnda cɔɔmuanndan 16:2 Referans Kwoze

Dɛnnda cɔɔmuanndan 8:7

Mí mɛlɛkanɔ tasoo hɔŋ buloo. Mí loeon delian a yinnden le bingulan a koovan, mí ɲɛla lan la toal o lɛŋnden coo. Mí lɛŋnden piɔwvo kundalan tan yáá, o pilɛ ŋɔa, mí yɔmnde piɔwvo kundalan tan yáá, o pilɛ ŋɔa, mí bil oo bil ŋɔa.

Dɛnnda cɔɔmuanndan 16:11

Má dimi sɔɔn tanan a Hala co o halataala-o, le ɲɛ nɛyaa va nda-o a le pavii ndɛi, kɛ a mel kela nda vɔɔndo mà mangalan te.

Tɔŋ miingua 28:27

Mɛlɛka tuisinin piɔŋndan niaa coo mɛɛ o tuisi Esiptea lan coo yɛ. O soaŋnin niaa a nààla bondokpalan, huinndon a tɛɛnndan, la nɔlanin siongɔɔ a nààla lan te.

Dɛnnda kiilaa 12:23

Fɔ́ɔ́fɔ̀, le tùú ndu pila cennun maa Hala-o, mí mɛlɛkanɔ Hala-o lɔaa Herɔde, mí càá del ndu, mó vu.

Esai 3:17

Ya Mɛlɛka, i co nda tembeltan sendi, mì soli nda tumnda fondo fúú!

2Dɛnnda lemasalan 21:18

O dɛnnda lan kpow kɔɔli, mí Mɛlɛka lɔaa Yoram a nàà dembe vana nɔla cɛw loo.

2Dɛnnda lemasalan 21:15

Nɔm pila bɛɛ, nààla súú-súù ka la biinin nɔm, kɛ nàá o pilɛ lonin nɔm palaa lepalaa-lepala háá mì pulon fula nɔm.»

1Samiɛl 5:9

Kɛ ndáà tiiyaa dɔ́ɔ́ a ndu lon, mí Mɛlɛka tuisi vanaa va o kobi kon nin-nda kpow sangalan a kɔlta yulan-yulanndan coo. Mí nàà bondokpaa fula nda, kandɔɔ a cuaambɔa kɔ bii a kaasonnda kpede.

1Samiɛl 5:6

Mí Mɛlɛka tuisi vɛlɛ vannda Asdɔd sangalan coo, mó luei nda siòònde taw, mó tuisi nda nàà bondokpaa coo, kandɔɔ Asdɔd ciee kɔ bii o cieon balu lon-ndon kpow.

Tɔŋ miingua 7:15

Mɛlɛka faŋanin niaa nààlan kpow ikɛi, o tuisinin nààla halimala o tuisi Esiptea coo lan niaa coo le. Nduyɛ, niaa pila sina nààla lan válán. Kɛ o tuisinin vanaa nɔ nɛyɔn niaa-a kpow nààla lan coo.

Esai 3:24

O kon, cun kɛndɛ malasikɔlɔ ve lɛnin fula le, fɔ cun vɔɔn ɲɛ siovɛiyo. A yiinun ndɛnin ikolacoo le, fɔ yoei fondoei. A nɔ lɛnin lavɔɔ kɛndɛ o lebol te, fɔ tembeltan. A nɔ lɛnin volɔɔla cuɛinannda sɔvɛ le, fɔ yalala yuululan. A niŋ ndɛnin tofa le, a vanin a vɔɔn koloɲan!»

Condii lisai 78:26

Mó soli hoeiye a ba paalen le can-ndo fulaa o halataala, mó cuu vɛlɛ hoeiye fulaa a ba too a kpaaya ndɔɔ.

Dɛnnda cɔɔmuanndan 14:16

O kon mí vana va icali o yumbuyumboo coo-o baa vɔlɔtɔ ndɔɔ o lɛŋnden, mó koaw lɛŋnden.

Tɔŋ miingua 28:35

Mɛlɛka tuisinin piɔŋnda cɛ̀wnun te lan niaa coo, mì la fula niaa o vulan a o lɔlulan, la siŋnunnin a piɔŋnda lan te. La tìwnin niaa lekɔɔ kpow: kandɔɔ o bɛngu ninndo háá o lebol.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Dɛnnda cɔɔmuanndan 14:9

Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,

Dɛnnda cɔɔmuanndan 16:1

Mí tuɛi diom bɛndoo pum fulaa o Cɛi-Hala-o nin, mó dimul mɛlɛkaa ŋɔmmɛvaa kan aa: «La kɔ cuiŋi ɲɛ co o taalala kólaala ŋɔmmɛwla kɔltuw Hala-o nin-ndan o lɛŋnden coo.»