Dɛnnda cɔɔmuanndan 16:15 - BII BILA

¹⁵ … Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Dɛnnda cɔɔmuanndan 16:15 Referans Kwoze

Dɛnnda cɔɔmuanndan 3:18

Lelan i co nɔm sila mà pendu ya sianin nda dindi o yin-ndon o ba, haliko ma sɔla bolofaa a volɔɔla humbulan, haliko ma cuɛinun, o kon a ve lɛnin a fɛ́lio mì siɛmbula bii nɔm te. Piondu koovan le malnɔnndo o lahɔl, haliko ma ce.

2Piɛr 3:10

Paale Maalii hunnin-nden le komalnin naa maa vui. Paale len, halataalaa hiawnin a diom bɛndoo, mì ɲɛm co o halataala-on tambu a yinnden, o kon mì lɛŋnden a ɲɛm co lecoo-on ŋɔɛ.

Matie 25:13

Lelan, la va o lapɔɛyɔn nin te, kani la sina paale len te, la sina telen kon te.»

2Korɛntea 5:3

Nduyɛ a cɛinin naa volɔɔlan, o venin kɔɔle fondo le.

Marke 14:38

La tiondu mì la piɛi Hala, yɔŋii niaa del o tɔɔndanndo nin. La nɔ̀ yiyanndo le tosaa lende, kɛ dialun vílɛ́iyon co niaa.»

Dɛnnda kiilaa 20:31

Lelan, la va lahɔl mì la loonun maa vɔsilan tan yáá co hoo ni, niinoo a lɔan, i va niaa kanalanndo, hali a mɛmɛan o hɔl.

1Tesalonikea 5:6

Lelan, n lɔlnùn maa vanaa tɔ̀a le. Kɛ n vannùn lahɔl yékén mì n vannùn vanaa bii kɔlta ndalan-nda.

Luke 21:36

La lɔl te, la va piɛilen lɔ́ɔ́-lɔ́ɔ̀. O kon, mì la sɔla yoomuan le dɛnnda hun tosannin-ndan kpow biuvɔnndo, le simndan Po vanacieo o hɔl.»

Matie 26:41

La tiondu mì la piɛi, yɔŋii niaa del o tɔɔndanndo nin. La co yiyanndo le tosaa lende, kɛ dialun vílɛ́iyon co niaa.»

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Esekiɛl 16:37

i co sámáá nɔmaa n va tiɔmɔɔ-a kpede mɔɔsiaa, vanaa n kaola-a kpow a vanaa n nɔ nɛyɔn ndaa-a kpede. I cuunin nda fulaa nɛɛ-nɛɛ ka, mì cuungiaa nda le nɔm cɔlɔbaa, mì yunga nɔm nda o hɔl, mì mal nɔm tum fondo fúú, mì nda kpow a ce tum fondo nɔmndo kpendekele.

Habakuk 2:15

Dangaa co le niaa! Le niaa vanaa co puapilɛa niaa mɔiyan keo le kolɔɔ-a, a le niaa vanaa co man talaa le caanda koesio háá mì ma bii nda, haliko mi la va a nda-a.

Osee 2:3

Lelan, la veelu puapilɛa niaa aa Ammi (kon co dimio ni aa «Yungu nuu»), mì la veelu yemaa niaa aa Ruhama (kon co dimio ni aa «Kaolaa»).»

Fulaa 32:25

Mí Moise sina maa vannda co a malnannda, má va yeemɛi nda pila-e tosaa, kani Aarɔn léndu nda hɔlla coo le, o mal nda má cuu labɛɛ yaamɔaa ndaa o hɔl.

1Tesalonikea 5:4

Kɛ puapilɛa naa, niaa niaa, la co o maɲum nin te, paale len le voolunin niaa maa mɛɛ vuiyo voolu vana nuaa yɛ le.

Dɛnnda cɔɔmuanndan 3:11

I co hunɔɔ sunsun. Bii ɲɛ n nɔ-o kpáŋ, haliko vana cua mɔsil lemasa nɔmndo le.

Dɛnnda cɔɔmuanndan 22:7

Mí Yeesu dimi aa: «Yaŋ nilan, i co hunɔɔ sunsun! Dɛnɛ kɛndɔɔ co le vanaa co sɔɔn Hala-n co o sɛbɔɔ ho nin-ndon biyɔɔ balan tan tiɔn-nda!»