Dɛnnda cɔɔmuanndan 16:12 - BII BILA

¹² Mí mɛlɛkanɔ ŋɔmpumndɔɔ cuiŋi ɲɛ va o taala kólaa ndɔɔ nin-ndo o pee bɛndoo Efrate. Mí mɛnndan ma vela le masaa co fulaa a ba paalen le can-ndo-a nɛiyo toosiallo.

Dɛnnda cɔɔmuanndan 16:12 Referans Kwoze

Dɛnnda cɔɔmuanndan 9:14

mó dimul mɛlɛkanɔ ŋɔmpundɔ bulu hɔŋaa va o ba-o aa: «Tiimbuu mɛlɛkaa hiɔɔlua co haa a yiyaa a yɔlɔn o pee bɛndoo Efrate kɔngɔ-a.»

Yeremi 51:36

Lelan diom Mɛlɛka dimi a Yerusalɛm o kɔɔ-o co hoo ni aa: ‹I co isɔɔ le niaa, ya co màá mingi le niaa ni! I co mɛmma pee bɛndoo Babilɔn veeliaa, mì veesiaa soonnda ndala mamɛnndan.

Esai 44:27

I dimul soon bɛndu co o lɛŋnden bɛngu-o aa: ‹Vesa kékélé! I veeliaanin peela nɔmndan!›

Esai 41:25

I cua vanndo pum o lɛŋnde maluaŋlen nin mó hun nanu. O co ya diolan veeloo nɛɛ paalen le can-nda dí. O co vanaa kpaayaa nɛwvo a labɛngu maa looli, maa puulu bɔ́w vana cɔavaa n'kpɛɛnɔɔ co nɛwvo-o.

Esai 42:15

I tɛɛmbuunin pembun bɛndon a pembun pɔmbɔn, mì veesiaa yondo puiyaa co lecoo-o. I mangalanin peelan mì la siŋnun maa kɔngɔla vesɛi, mì veeliaa mɛnndan o dalalan nin.

Esai 11:15

Mɛlɛka veesiaanin tɛyii mɛmma ihɛllan Esipte, o heelunin ba ndɔɔ o pee bɛndoo coo, mò hul ndu a hoeyii ndɔɛi taw-taw, mì pee bɛndu kon piɔwnun tɛiyon mún ŋɔmmɛw n vana nɔla taŋɔɔ a soli samtalan te-on.

Dɛnnda cɔɔmuanndan 17:15

Mó dimul-la aa: «Mɛmma n ce man mí cua suundɛiyo ho va icali lecoo-an, man ma co vannda, sɛ́lɔ́ɔ́, vanaa-mangalaa-isɔɔa a vanaa soaa sɔɔn yɛ́-yɛ́ɔn-nda ni.

Dɛnnda cɔɔmuanndan 7:2

Mí ca vɛlɛ mɛlɛkanɔ celen helɔɔ a ba paalen le can-ndo, pondale Hala nɔ yoomoo o ba len le va ndu o ba. Mó yonda coocoo, mó dimul mɛlɛkaa hiɔɔlua ndáà dimul le lɛŋnden a mɛmma ihɛllan dɛnɛ palaa tuisio coo-a aa:

Esai 46:11

Ya veelu yow biyaa ni, fulaa a ba paalen le can-ndo. Ya veelu langbanɔ kɛsii kálàá pum fulaa nɛɛ levil le hunɔɔ tuula nilan peeloo ni. I dimi sɔɛi ken a sondo, nduyɛ i peelunnin ndi vɛlɛ. I cii tuu, lelan fɔ mi tosa lende.

Dɛnnda cɔɔmuanndan 11:14

Mí dɛnɛ palaa diinndɔɔ hiaw. Kɛ tofa vɔ, dɛnɛ palaa yàándɔɔ co nin le tiiya.

Esai 8:7

lelan la canin, Maalii co nda mɛmma pee bɛnduan, mɛmma kpaayama bɛnduan hulɔɔ coo. Mɛmma man ma co masaa Asiri a kpaaya ndɔɔ kpow ni. Ma fulanin o pee kɔ́llo mì ma hel o kɔngɔlan kpow coo.