Dɛnnda cɔɔmuanndan 16:10 - BII BILA

¹⁰ Mí mɛlɛkanɔ ŋuɛɛnundɔɔ cuiŋi ɲɛ va o taala kólaa ndɔɔ nin-ndo o kpɛŋɛ lemasa visio coo. Mí masale ndɔlen le muungu yim-yim, mí vanndacieea va diɛɛmuei kisikisinndo a ɲɛ nɛyaa.

Dɛnnda cɔɔmuanndan 16:10 Referans Kwoze

Dɛnnda cɔɔmuanndan 9:2

Mí loei ken kumbi soon kalaa, mí kumnde pum i can lenin maa kumii tóndó bɛndu leyin, mí paalen a hoeiye i piimiaa kpilo a kumii va ken fulaa o soon kon nin-nde.

Matie 8:12

Kɛ mà viow vanáà bɛnda le masalen loo kɛɔ-va o ɲumndan nin o bɛ́ɛ̀, nɛɛ vannda vanin caŋndan a ciŋndon sɔmndo-a.»

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Matie 22:13

O kon mí masaa dimul buɛiya aa: ‹La yii ndu pelon a balan, mì la viow ndu o ɲumndan nin o bɛ́ɛ̀, nɛɛ caŋndan a ciŋndon sɔmndo vanin-nda.›

Dɛnnda cɔɔmuanndan 18:21

O kon mí mɛlɛkanɔ kpaayaa pum cua pow va maa ciei lusulaa bɛndu-o, mó mal ndu o mɛmma ihɛllan nin, mó dimi aa: «Nuaa Babilɔn kobi bɛndoo viawnunnin fakolo ni, o kon vana ci lɛnin ndu le.»

Luke 13:28

O kon la caŋnin mì la sɔm ciŋndon, telen niaa canin Abraham, Isaak, Yakɔb a vanaa-tɛɛngaa-diom Hala-a kpow o Masale Hala len nin, mà viow niaa o dio-o pɛɛn.

Matie 24:51

O pesinin ndu, mò tosal ndu mɛɛ vana tosal vanaa muuluannda yɛ. Mò yɛɛ ndu nɛɛ caŋndan a ciŋndon sɔmndo vanin ni.»

Condii lisai 78:49

O mɛɛlulan, mí Hala tuisi niko Esiptea dɛnndan ndan coo: kɔltuw bɛndoo, kɔlfulaa, yolɛi a kɔl yulan-yulanndo. Mó tuisi mɛlɛkaa hun a dɛnɛ palaa-a taw nda coo.

Dɛnnda cɔɔmuanndan 17:9

Nanu ndu, mɛɛ mì vana nɔ kɔlkaloo a taasio: bolii ŋɔmmɛwve co pembun ŋɔmmɛvun cuaa ho co icali coo-on ni.

Matie 13:50

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.»

Matie 13:42

mà viow nda o tóndó leyinndo nin, nɛɛ caŋndan a ciŋndon sɔmndo vanin-nda.

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Dɛnnda cɔɔmuanndan 11:10

Vanndacieea co o lɛŋnden coo-a dɔawnunnin ɲaale le piɔ́m nda kon, mà tuisi kafolan, mà yɔngan ɲɔɔn vellaa-velle le tùú vanaa-tɛɛngaa-diom Hala-a ŋiɔŋaa kan a co vanndacieea co o lɛŋnden coo-a yɛɛvɔɔ dɔvɔɔ-o.

Dɛnnda cɔɔmuanndan 11:8

Mà lo a vílɛ́iya o falii kobi bɛndoo, o nda veelu o letale nin aa Sodɔm a Esipte-o, lon kpeekpei nda baŋ vana nda bɛndoo o yɔm singafilaa coo ni.

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

1Piɛr 2:17

La ke vana-vana bɛɛlen, la kaola puapilɛa niaa vanaa laalannda, la vo Hala mì la ke masaa bɛɛlen.

Dɛnnda cɔɔmuanndan 8:12

Mí mɛlɛkanɔ hiɔɔlundɔɔ hɔŋ buloo. Mí paalen piɔwvo kundalan tan yáá, kundaa pilɛ piimiaa. Mí paangei piɔwvo kundalan tan yáá, kundaa pilɛ piimiaa, a loeon piɔwvo kundalan tan yáá, kundaa pilɛ piimiaa, mí ɲɛ-tengaa lepalaa baa pilɔɔ o kundala yàálan nin piimiaa, mí i tosan lende a ɲumndan.