Dɛnnda cɔɔmuanndan 16:1 - BII BILA

¹ Mí tuɛi diom bɛndoo pum fulaa o Cɛi-Hala-o nin, mó dimul mɛlɛkaa ŋɔmmɛvaa kan aa: «La kɔ cuiŋi ɲɛ co o taalala kólaala ŋɔmmɛwla kɔltuw Hala-o nin-ndan o lɛŋnden coo.»

Dɛnnda cɔɔmuanndan 16:1 Referans Kwoze

Sofoni 3:8

Lelan, Mɛlɛka dimi aa: ‹La cum-ndɔ! La cum paale ya cannin le seilen tɛndaa len. Lɔ́ɔ́ ya cuungiaanin vanaa-mangalaa-isɔɔa le yamɛi nii kiolɔɔ-o. I mɔɔsiaanin masɛi le kɔl ni tuwvo tuisio ndi coo, a le ndi fukpaa a kɔl ni fulaa. Kani i loamnin lɛŋnden kpow a yinnde nile paŋalaalen.›»

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Dɛnnda cɔɔmuanndan 16:17

Mí mɛlɛkanɔ ŋɔmmɛwndɔɔ cuiŋi ɲɛ va o taala kólaa ndɔɔ nin-ndo o hoeiye nin, mí diom bɛndoo pum soaa o fonda diandaa fulaa o kpeŋɛ lemasaa aa: «I cuu tosan!»

Condii lisai 79:6

Tuisi kɔltuw nɔmndo vanaa-mangalaa-isɔaa coo, à sina kan nɔm te-a pɛɛn, tuisi ndu masɛi pel hee diola nɔmndan tei coo.

Esekiɛl 10:2

Mí Mɛlɛka dimul langbanɔ va a kola keesoo lekɔɔ-o aa: «Luɛi o hoeyii felenfelennde nin o bɛngula tiilannda mɛlɛkaa kanda ɲɛm Hala-on-nda bɛngu, mà kɔ kɔndu dɛngulta biyaalan, mà pei lan balan ca. A kɔndu lan pɛ, a kɔ saŋ ndan o kobio nin.» O kon, mí ca, mí langbanɔ kon kɔa.

Dɛnnda cɔɔmuanndan 14:18

Mí mɛlɛkanɔ celen fula, ndóò nɔ kpaayaa yinnden coo ni. Mó yondal vana ndóò nɔ vɔlɔtɔɔ o ba-o aa: «Baa vɔlɔtɔ luɛyaa nɔmndo mà keenduu kpɔ̀nyɔ̀la n'rɛsɛnnda co o lɛŋnden coo lan, kani rɛsɛŋun ndɔn n diw.»

Dɛnnda cɔɔmuanndan 14:15

Mí mɛlɛkanɔ celen fula o Cɛi-Hala-o nin, mó yondal vana va icali o yumbuyumboo coo-o kpélén aa: «Baa vɔlɔtɔ nɔmndo mà kow, telen koavaa tiiya, kani lɛŋnden le vesa le kovɔɔ.»

1Samiɛl 15:3

Lelan, kɔ sisa, mà kɔ del nda coo a cɔwvo, mà tɛɛmbuu ɲɛm ndan kpow. Mɛi ɲɛ-ɲɛ yoomu le, diw vanpiaandua a vanlaandua, cuaambɔa a cɛlɛkpɛa, nawva a saa, ɲɔɔmɛɛa a sofɛlɛa.›»

1Samiɛl 15:18

Nduyɛ, Mɛlɛka cɔm nɔm ɲɛ n bɛnda le tosaa-o, mó dimul nɔm le kɔlan Amalɛkea lahakia ha delɔɔ coo a cɔwvo a le nda ciiyo diwvo kpede.

Esekiɛl 22:31

Lelan ya co kɔl ni tuwvo cucɔɔ nda coo ni, i co yinnde kɔl ni fulaa kpow tuisi nda coo, i co dɛnnda ndalan tuisi nda pila o lebol.» Sɔɛi fula Maalii o sondo-e co ken ni, Mɛlɛka pɛɛn.

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.