Dɛnnda cɔɔmuanndan 15:5 - BII BILA

⁵ O kon kɔɔli, mí ca Cɛi-Hala-o o kumbia o halataala, o co cɛi-kola-toandaa leseiyo-o pɛɛn.

Dɛnnda cɔɔmuanndan 15:5 Referans Kwoze

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Kundalan 1:50

Yɔngu nda vallo o Calta Mɛlɛka lan nin, nɛɛ sɛbɛ kpemaa co-a, mà tosa vallo a ɲɛm-laandun co o cɛi kon nin-ndon a á ɲɛm ndɔn vallon kpow. Nda bɛnda ni mà vili ɲɛm nda tangul Calta Mɛlɛka la lan-ndon a ɲɛm ndɔn valin co lenin-ndon kpow, nda bɛnda vɛlɛ le vallo tosaa o Calta Mɛlɛka la lan nin ni.

Matie 27:51

O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa,

Kundalan 1:53

Leviia balunin calle o Calta Mɛlɛka la sɛbɛ kpemaa co kon nin-ndan ikɛi ni sɔ́, yɔŋii kɔl ni tuwvo tol Israɛlla coo. Leviia bɛnda ni mà tosa vallo o Calta Mɛlɛka la kpemala lan nin.»

Fulaa 38:21

Ɲɛ-sɔlaa luɛi o Calta Mɛlɛka lan tangullo nin-ndo yɔŋnun hoo ni, Calta Mɛlɛka la powta yɛ́ndɛ́la kpema diandaa la va nin-ndan pɛɛn, ɲɛ-sɔlaa Moise dimul polale Levii len le cɔmndo-o. Itamar, po Aarɔn-ndo sim nda laci le bolofaa kon cɔmndo ni.

Fulaa 25:21

Ma handu kumbu kalaa o kesu kpema kon coo, ma kɛsi sɛbɛ kpema ya co nɔm yɔngu-o o kesu kon nin.

Hebreea 8:5

Vanaa-solia-lasálàà kan co vali kon tosaa o Cɛi-Hala-o nin. Kɛ vali nda co kon tosaa-o co macoaa maa vundule ɲɛ co tosanndo o halataala-o. Kani hali telen Moise va cɛi-kola-toandaa tangullo-o, mí Hala dimul ndu aa: «Toosiaa ndu ɲɛkɛndɛi mɛɛ ya tuulul nɔm ndu o pembei coo yɛ kpafii.»

Dɛnnda cɔɔmuanndan 13:6

Mó kumbi sondoo le sɔɔn tanan dimio a Hala, mó dimi sɔɔn tanan a diola ndɔlan, a fonda ndɔ diandaa a á vanaa co o fonda ndɔ diandaa kon nin o halataala-a.