Dɛnnda cɔɔmuanndan 14:8 - BII BILA

⁸ Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Dɛnnda cɔɔmuanndan 14:8 Referans Kwoze

Esai 21:9

Tofa vɔ, i co ɲɛ ɲaanan soa nan-ndo cɔu hunɔɔ, vanaa ɲaanun a soa-a co o soa coo a ŋiɔn-ŋiɔn! Vana co o ɲɛ ɲaanan kon coo-o cua sɔɛi mo va dimio aa: «O del fɔ, Babilɔn del! Tuuliaala ndalan a piɔmaa ndaa deli lɛŋ mà piɔsi!»

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Dɛnnda cɔɔmuanndan 11:8

Mà lo a vílɛ́iya o falii kobi bɛndoo, o nda veelu o letale nin aa Sodɔm a Esipte-o, lon kpeekpei nda baŋ vana nda bɛndoo o yɔm singafilaa coo ni.

Dɛnnda cɔɔmuanndan 19:2

kani yaman ndɔn co yaman toɲa, n sandu. O kelu vanalanɔ suundɛi va lɛŋnden lueiyo o laasian ndɔɔ nin-ndo iyama, o mingi màá le vanaa ndɔa baalaa nda diw lon-nda.»

Dɛnnda cɔɔmuanndan 17:18

Vanalanɔ n ce-o, ndu co kobi bɛndu co masalen tosaa masaa co o lɛŋnden coo-a coo ni.»

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»

Daniɛl 4:30

O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.

Yeremi 51:64

O kon a dimi aa: ‹Nuaa Babilɔn co hunɔɔ lo ni pɛ, yukpɛɛ bɛɛ o cuenin bollen o dɛnɛ palaa Mɛlɛka tuisinin ndu coo-o bɛngu le.› Sanga fondoo fúú vanndacieea co ni.» Nanu sɔɔn Yeremi-on mɛɛlu ni.

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Yeremi 50:1

Diom Mɛlɛka dimi le kobio Babilɔn a le lɛŋnde Babilɔn-nden kpede a sondo Yeremi vana-tɛɛngaa-diom Hala-o co hoo ni.