Dɛnnda cɔɔmuanndan 14:7 - BII BILA

⁷ Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Dɛnnda cɔɔmuanndan 14:7 Referans Kwoze

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Dɛnnda cɔɔmuanndan 11:18

Vanaa-mangalaa-isɔɔa ndáà cɛn a yolɛi, mì kɔltuw nɔmndo cɔmnun, mì telenndo tiiya le yamɛi vanvílɛ́iya kiolɔɔ, le vanaa baalaa nɔmnda, vanaa-tɛɛngaa-diom Hala-a, vanaa diandaa a vanaa vo diola nɔmndan-nda, cuaambɔa a kaasonnda salaa, le vanaa co lɛŋnden tɛɛmbuuo-a tɛɛmbuuo.»

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Condii lisai 33:6

A sɔɛi sondoei Mɛlɛka cɔw halataalaa ni, mí hoeyii fula ndu o sondo-e cɔaw loeon co kundaa lon-ndon.

Dɛnnda cɔɔmuanndan 18:10

A simnin kɔɔli-kɔɔli a siòòŋii dɛnɛ palaa ndɔɔ, mà dimi aa: «Kpòkóó! Má cè dɛnɛ dɛ́! Éé Babilɔn, nɔm kobi bɛndu kpaayaa ho! O lɛɛlɔɔ ndu pilɛ kpé bɛngu yamɛi nɔmnde kiolu ni!»

Dɛnnda cɔɔmuanndan 16:9

Mí vanndacieea ŋɔa a hangul vɔɔn-vɔɔndo. Má dimi sɔɔn tanan a diola Hala nɔ baa o dɛnnda palaala lan coo-o, a cɛl le mangalanndo mà biilu ndu le.

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Condii lisai 124:8

Mɛlɛka pila o ba mala naa co fulaa ni, o cɔw halataalaa a lɛŋnden-ndo.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Esai 40:6

Diomndo pum co dimio aa: «Tɛɛnguu yoongoo!» Mí ɲuna aa: «Yoongu yɛɛ nɛ ya tɛɛnguu yɛ?» Vanndacieea kpede maa bil nda co ni, naŋɔɔ ndaa kpow, maa yandɔɔ bil co yondoo nin-ndo o co ni.

Dɛnnda cɔɔmuanndan 19:5

Mí diomndo pum fula a ba kpɛŋɛ lemasaa aa: «La lisà Hala naa, niaa kɛ́-kɛ̀ co vanaa ndɔa baalaa, niaa vanaa co ndu bɛɛlen keu-va, cuaambɔa a kaasonnda.»

Osee 8:1

«La hɔŋ lee saa! Dɛnɛ palaa tol o cɛi Mɛlɛka-o coo maa kovɛ, kani vannda kpakpala kpema nuu, à del kasi a tɔŋ nuu.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Esai 42:12

O bɛnda mì Mɛlɛka sɔla biiloo, mi vannda tiw tɔ́ɔ́ ndɔɔ a ndu lisaa o lɛŋii co o mɛnndan tɛɛn-nde nin!

Condii lisai 89:7

Nduyɛ, nɛ̀ɛ́ co yɛ o halataalaa maa Mɛlɛka? Ɔ́ɔ̀ vana siiman a ndu o vanndacieea tɛɛn-ndo?

Condii lisai 36:1

Condii David vana balaa Mɛlɛka-o-e, í fula o condun simlacinɔ vanaa n'condua nin-nde.

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

Dɛnnda cɔɔmuanndan 8:10

Mí mɛlɛkanɔ yàándɔɔ hɔŋ buloo. Mí loei bɛnduei pum fula coocoo, mí i del, mí i va sandei maa tɛngɛ. Peelan piɔwvo kundalan tan yáá, mí loei ken del kundaa pilɛ coo a o soonnda mamɛnndan coo.

Luke 17:18

A tɔ̀a kpede, vana-vana hin mò hun mel Hala balika le, fɔ miallo ho!»

Daniɛl 8:19

Mó dimul-la aa: ‹I co nɔm cɔm ɲɛ yɔŋnunnin o mɛɛlula kɔltuwvo-o, kani telenndo kelun le mɛɛlulan.

Esekiɛl 7:6

Mɛɛlulan la tiiya dɛ! Lan la tiiya nuaa ni, mɛɛlulan pɛɛn! La cɛn ɲaali, mì la va niaa hinullo, má cè lan hunɔɔ se!

Esekiɛl 7:2

«Nɔm Po vanacieo sei, nuaa Maalii, o co Mɛlɛka-o soo o vanaa co o lɛŋnde Israɛl-ten coo-a ni aa: ‹Mɛɛlulan la tiiya fɔ́! Mɛɛlulan la tiiya o kpengun hiɔɔlun lelɛŋndon coo!

Esai 58:1

Deŋi coocoo kpélén a yoomuan, mei le dɛ! Kungula diomndo maa diom bulu, mà yondal vanaa niaa le yɔŋ vɔɔn ndaa, mà cɔɔmul cuavaa Yakɔb-a hakila ndalan!

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Esai 40:3

Diomndo pum co yondaa aa: «La tɛɛnuu nɛi Mɛlɛka-o o lɛŋnde veselɛilen nin, la siimian nɛiyo peeloo le Hala niaa o fondala vesɛilan.

Condii lisai 95:5

Ndu nɔ mɛmma ihɛllan ni, kani ndu toosiaa man ni. Ndu nɔ vɛlɛ lɛŋnden ni, a laba o cɔw len ni.

1Samiɛl 6:5

Lelan, la tuuliaa hindɔɔla ipawla niaala lan mì la tuuliaa vɛlɛ bɛlaa co kan lɛŋnde niaalen tɛɛmbuuo-a, o kon mì la biilu Hala Israɛlla. Bɔɔle mò faŋa niaa pila, piɔmaa niaa a lɛŋnde niaalen kpede sangaa coo!

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

Dɛnnda cɔɔmuanndan 18:19

Má va loolio dɔwnɔnndo o lebol, má va caŋndo a mɔnɛi biyɔɔ a deŋio aa: «Kpòkóó! Dɛnɛ palaa co hoo ni dɛ! Kobi bɛndu ke hoo vanaa ladɛ̀ndɛ̀a va baalaa o mɛmma ihɛllan coo-a kpow tɔnɔɔ a bolofaa ndɔɔ-o cuu itambu o telen bingi-bingio bɛngu!»

Dɛnnda cɔɔmuanndan 18:17

Ndu bolofaa ndɔ bɛndoo tambu o telen bingi-bingio bɛngu nuaa ni!» Mí vanaa kɔa a dɛ̀ndɛ̀la bɛndulan o mɛnndan coo-a, vanaa dɛ̀ndɛ̀lan la cua mì la yɛɛ nda o fondala yɛ́-yɛ́lan-nda, vanaa tosa baalaa o dɛ̀ndɛ̀lan nin-nda a vanaa-vanaa tosa vallo o mɛmma ihɛllan coo le balo ndaa sɔlaa a va isisi lándán.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Matie 25:13

Lelan, la va o lapɔɛyɔn nin te, kani la sina paale len te, la sina telen kon te.»

Malasi 2:2

Te la yeŋ nilan o sɔɛi nii mì la handu kɔllo le diola nilan biiloo le, i tuisinin niaa dɛnɛ palaa coo, mì siinguu duaa niaa dangaa. A toɲa, lende ya tosanin ni, kani la hendu kɔllo o sɔɔn nun coo le. Ya Mɛlɛka-Nɔ-Kpaayaa-Kpow-vo dimi lende ni.

Condii lisai 115:15

Màá la sɔla duaa fulaa Mɛlɛka o ba, Mɛlɛka cɔw halataalaa a lɛŋnden-ndo pɛɛn!