Dɛnnda cɔɔmuanndan 14:6 - BII BILA

⁶ Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Dɛnnda cɔɔmuanndan 14:6 Referans Kwoze

Marke 16:15

O kon kɔɔli mó dimul nda aa: «La kɔ o ceendo coo nɛɛ-nɛɛ ka, mì la kɔ yonda Yoongu Kɛndɔɔ o ɲɛm cɔwnun-ndon kpede lo.

Dɛnnda cɔɔmuanndan 8:13

Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Esai 51:8

Kani a kɔwnin maa kola, mà tambu, fɛlɛkpɛkpɛa dianin nda maa kola toosian a yiiŋii saa-o, kɛ dɛnɛ ni sandaa viawnin le fɛɛn a fɛɛn, cinda nuu pɛngɛlannin le lambilan o lambilan nin.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Condii lisai 139:24

Tofa te o nɛila vɔɔnndan coo ya co kelaa ni, ma yɛɛ ya o nɛi cinda fɛɛn-fɛɛndo coo.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Condii lisai 145:13

Masale nɔmnden le nɔ lamɛɛlu le, sul nɔmndo vanin le fɛɛn a fɛɛn. Mɛlɛka lo o lediom coo-o n co ni, naŋɔɔ nɔmndo co o ɲɛm n cɔwvon nin kpow.

2Tesalonikea 2:16

Màá Maalii naa Yeesu Krista pila a Fuɲa naa Hala, o kaola naa mó luei naa yoomuan a kɛndɛi ndɔɛi le fɛɛn a fɛɛn-ndo cɛl, mò ke naa vɛlɛ tiindanndo,

Daniɛl 9:21

mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Hebreea 13:20

Hala yɔngù naa kɔlɲuloo ni. Mó mingi Maalii Yeesu, vana mandaa n'saa bɛndoo, yoomu fulaa vanvílɛ́iya tɛɛn. Mí kooma sálà ndɔɔ ma siŋnun sabuo le kpema fɛɛn-fɛɛndo.

Kolɔsea 1:23

Kɛ nduyɛ mɛɛ mì la lo o laalanndo nin, mì la sim lecoo yili, la faŋan o tiindan niaa sɔla kabi niaa tuei Yoongu Kɛndɔɔ-o coo le. Yoongu kɛndɛ kon tiiyalannin ɲɛm cɔwnun-ndon kpow, vana baala yoongu kon ya Pol siŋnun nuaa ni.

Matie 10:27

O ya co niaa dimullo o ɲumndan nin-ndo, la dimi ndu ipala déŋ. O niaa co tueinɔnndo o lani ɲiimu-ɲiimu-o, la yonda ndu o cɛilan coo.

Dɛnnda cɔɔmuanndan 10:11

O kon má dimul-la aa: «Fɔ ma tɛɛnguu vɛlɛ diom Hala-o a ɲɛ ndu Hala tuu le tosaa le vanaa-mangalaa-isɔɔa bɔɔ-bɔɔ, lɛŋnde, sɔɔn mangalan a masaa-o kɔɔ.»

Daniɛl 4:1

«Ya Nebukanɛsar, i vannun icali yili o ya lo cɛinin, i va a kɔlkɛndɔɔ o cɛi ni lemasaa nin.

Esekiɛl 1:14

Ɲaa yoomaa kan va kɔlan a hunɔɔ a kiltan maa mɛɛ taŋnden le keleŋa nuaa yɛ.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Condii lisai 119:142

Sandii nɔmnde co le fɛɛn a fɛɛn, toɲaa tɔŋ nɔmndo co ni.

2Samiɛl 23:5

Lende Hala co tosaa a yungu nuu ni: kani o yiilu ya kpema fɛɛn-fɛɛndo, o co o bɛɛndiaa ɲɛkɛndɛi, o co vɛlɛ o mandaa ɲɛkɛndɛi. O co cinda nuu a ɲɛ hɛnan ya-o solio mɛɛ ɲɛ và vulɔɔ.

Esai 40:8

Billo nɔla mò vesa, mì yandɔɔ ndɔɔ cɛɛlun, kɛ sɔɛi Hala naa ndi vanin o fonda ndɔɔ le fɛɛn a fɛɛn.

O Kandɔɔ 1:6

Mí Hala dimi vɛlɛ aa: «Ɲɛ pandonndo fulá tɛ́ngɛ̀-tɛ́ngɛ̀ le mɛnndan sɛiyo tɛɛn kundala bɛndulan tan tiɔn.»

Esai 6:2

Mí mɛlɛkaa leyinnda va isisi ndu coo, mɛlɛkaa kan, o kɛ́-kɛ̀ ndóò nɔ kumbanndan tan ŋɔmpum, kumbanndan latiɔn la va le hɔlaa ndaa kumbɔɔ, latiɔn le pelun ndan kumbɔɔ, latiɔnnda pilɛlan le hiŋnɔnndo coocoo.

1Piɛr 1:25

Kɛ sɔɛi Mɛlɛka-e ndi co le fɛɛn a fɛɛn. Sɔɛi ken yɛ, ndi co Yoongu Kɛndɛ tiiyalan niaa-o ni.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Dɛnnda cɔɔmuanndan 10:7

maa palɛi nda tuɛinin mì mɛlɛkanɔ ŋɔmmɛwndɔɔ kanndu buloo hɔŋndo-e, dɛnɛ kaamaa Hala-o peelunnin, maa mɛɛ ndóò dimul vanaa ndɔa baalaa yɛ, vanaa-tɛɛngaa-diom Hala-a pɛɛn.