Dɛnnda cɔɔmuanndan 14:4 - BII BILA

⁴ Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Dɛnnda cɔɔmuanndan 14:4 Referans Kwoze

Dɛnnda cɔɔmuanndan 3:4

Kɛ nduyɛ, a nɔ vannda pum Sarde, a nɔɔliaa volɔɔla ndala cuɛinanndan te-a. Nda nda, n kɔanin naa ndaa latulu o volɔɔla humbulan nin, kani nda bɛnda le ken ni.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Nsaŋ 10:27

Saa nia tuɛi ya diom. Ya, i sina nda, a co ya kɔɔli.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Condii lisai 74:2

Loonun a vanaa nɔmnda o kɔɔ, vanaa n kɛsi le nɔm pila o co nin hau lɔ́ɔ́ levil-la. Loonun a vanaa fula o polama co kɛ́ nɔmndo-an nin-nda, vanaa kan pɛɛn à n baŋa-a. Loonun a pembei Siɔn o kɔɔ, nɛɛ n kila caltan nɔmndan-nda.

1Korɛntea 6:20

Hala pendu niaa a vɔngu bɛndoo ni. Lelan la biilu ndu a dialun nian a á kɔlta niaalan.

Nsaŋ 8:12

Mí Yeesu soaa vɛlɛ o nda lo, mó dimul nda aa: «Ya co ɲɛ-tengaa ceendo ni, vana del-la kɔɔli pɛ, ndu kela o maɲum nin te, kɛ o sɔla ɲɛ-tengaa cindaa.»

Yeremi 2:3

Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Efɛsea 1:14

Kɔl-Diandaa kon co tɔɔmasele ɲɛm kɛndɛn o kɛsul naa-on ni, háá mi vanaa Hala-a a sɔla baŋaa. N sɔlanin mun kɛ́ɔ tuma naa n sɔlanin baŋanndo kpede le hakio-o. Lelan, n lisan bɔɔbɔɔyɛi Hala-e.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Nsaŋ 13:37

Mí Piɛr ɲuna ndu aa: «Le kɔlɔ yɛɛ ya kɛɛ yɛnin tiwba nɔm kɔlan kɔɔli sunsun? Te vuo ni, i vi le nɔm.»

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Matie 8:19

Mí vana pɛɛkaa latɔŋndo pum sɔɔnguu, mó dimul ndu aa: «Kɔɔfa, ba-ba n kɔɛ pɛ, i kɔanin nɔm kɔɔli.»

Condii kɛndɛ-kɛndɛi 1:3

Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

1Timote 4:3

Vanaa kan a co vannda pɛɛkoo maa o niŋ mì vana yil lanɔ, te kon te mì vana cal pɔnɔ o ba o nɔ̀u nin te, maa vana dia vɛlɛ ɲɔɔn pum te. Nduyɛ, Hala soli ɲɛm mun haliko mi vanaa laalannda piɛi ndu Hala, mà de mun, mà mel ndu balika, nda vanaa laalaŋaa sina toɲaa-a pɛɛn.

1Korɛntea 7:28

Kɛ taa yil pɛ vanalanɔɔ o nɔ̀u nin, a tosa haki le. Kɛ vanaa cɛlan pɛ le nɔu, sangala co o ceendo coo lan taw la komal nda ni. Nduyɛ, i hɛnan mì la sɔla sangala lan te.

Amɔs 6:1

Dɛnɛ palaa co niaa cum, niaa connun icali o ba niaa coo yili Siɔn-nda, a niaa connun icali o ba niaa coo o pembon Samari coo-a. A toɲa, dɛnɛ palaa co niaa cum, niaa vanaa bɛndua co o lɛŋnde co lɛŋnde taselen o lɛŋii tɔ̀i tɛɛn-nde nin-nda. O niaa lo cuavaa Israɛlla co kɔlan a kiltan ni.

Condii kɛndɛ-kɛndɛi 6:8

Laandaa masaa co belaŋɔmmɛw, sámáá ndɔa co belaŋɔmaa a cuaambɔa laanduasɛ́lɔ́ɔ́ taw, vana cii nda cɔm te.

Condii lisai 45:14

Cua masaa co a biiloo o cɛi lemasaa nin, sianin nda sɔɔluu doma ndɔ bɛndoo-on co volio ŋɛlɛngi-ŋɛlɛngi.

Matie 19:12

Kɔlɔla kuuna vanapɔnɔɔ lanɔɔ yilɔɔ lan la co yɛ́-yɛ́. Vannda pum, kabi nda fula kalaa ndaa o ladembe, a hin n'vanpiaandu le. A pum nda, vanndacieea dii nda lɛmbɛ. A pum yɛ, nda pila kɛɛ le laandua cuaa ni, le masale Hala len. Vana bii pɛ bila, ndu bii bila!»

Efɛsea 5:27

Kani ndu pila ndóò yeema mì ndóò ce kunda vanaa laalannda o diandaa, o biilu ndɔ bɛndoo nin, o ve a isɔw le, o ve a sɔŋ te, o ve o ɲɔfɔliaa le, te kon te tambii súú oo súù.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.

Dɛnnda cɔɔmuanndan 21:22

I ci Cɛi-Hala o kobi kalaa nin te, kani Mɛlɛka Hala nɔ kpaayaa kpow-vo a Saa téndóó va Cɛi-Hala ndɔɔ ni.

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.