Dɛnnda cɔɔmuanndan 14:2 - BII BILA

² Mí tuɛi diomndo pum o halataala maa diom mɛmma bɛndu, maa piɔndi bɛndu letaŋ. Diom ya va yɛ tueyɔɔ-o, vanáà ca ko bɛɛ aa bangalan vanaa lɔaa labangaa va lɔɔ ni.

Dɛnnda cɔɔmuanndan 14:2 Referans Kwoze

Dɛnnda cɔɔmuanndan 5:8

Ndóò sɔlaa sɛbɛ kalaa, mí ɲaa yoomaa hiɔɔlua a bɛndua yuuvɛiyaa bidiin a à hiɔɔlua baŋ vulan Saa téndóó o labɛngunin. O nda tɛɛn, vana-vana ndóò nɔ bangaa a taalala kólaala n'sianilan la piaa cá a ansan, lan la co yɛ piɛile vanaa diandaa ni.

Dɛnnda cɔɔmuanndan 1:15

pelon maa daɲan diw o yin-ndon, diom ndɔɔ maa diom mɛmma bɛndu.

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Esekiɛl 43:2

Mí ca biilu Hala Israɛlla va sɔɔnguuo fulaa a ba paalen le can-ndo. Diom ndɔɔ va maa diom mɛmma bɛndu, mí lɛŋnden le va tengaa a biilu ndɔ kon.

Condii lisai 33:2

La lisa Mɛlɛka a bondomaa, la sangala ndu a banga nɔ yoei tɔ́-o.

2Samiɛl 6:5

David nda Israɛlla kpow a va ɲaaloo dɔwnɔnndo Mɛlɛka o hɔl, má va ɲɛm-caan súú-súù ka lɔɔ, ɲɛm-caan nda toosiaa a yɔmii siprɛsiei-yon, bɔ̀linndan, bangalan, dundulan, bondomalan a kɛ́ŋndon.

Fulaa 19:16

Mɛɛ paale yàándɔle len le tiiya, idiiyo púŋ, mí taŋndan ma kandu deŋio, mí piɔɔ kandu volio iŋuanndi-ŋuanndiei, mí kumii tiŋii bɛndu-bɛnduei kumbu pembii ken mɔku-mɔku. Mí diom bulu bɛndoo soaa, mí siòònde bii vanaa va o dɔ́ɔ́ngɔ́ɔ̀ nin-nda kpow, háá má ɲiiya.

Dɛnnda cɔɔmuanndan 18:22

O kon vana tui lɛnin vanaa lɔaa labangaa, vanaa ɲɛ-caa, vanaa hɔŋaa masɛ̀ŋnda a vanaa hɔŋaa labulua diom lon te. Vana seelun ndɛnin vana baala laba kɛ́-kɛ̀ lon te, vana tui lɛnin diom iciee lon te.

Dɛnnda cɔɔmuanndan 11:12

Má tuɛi diom bɛndoo pum o halataala nda dimullo aa: «La hel nanu!» Má hel o halataala o yumbuyumboo nin, yaamɔaa ndaa va nda tofaa ciŋ.

Dɛnnda cɔɔmuanndan 6:1

Mí mɛɛndan, telen Saa téndóó va tɔɔmasele tasoo kumbio-o, mí tuɛi ɲaa yoomaa kan o pilɛ deŋio a diomndo maa diom letaŋ aa: «Hun!»

Dɛnnda cɔɔmuanndan 1:10

Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Condii lisai 93:4

Kɛ nɔm, a hiow diom mɛmma bɛndu kon, a hiow iyokpanyokpaŋii mɛmma ihɛl-lo. Mɛlɛka co coocoo-o nɔ kpaayaa.

Condii lisai 92:3

O naŋ mì vana cɔm vannda kɛndɛi nɔmnde idii púŋ, mì vana cɔm vɛlɛ nda kaola nɔmndo icɔl

Condii lisai 57:8

Kɔl nuu sim yili, òó Hala, kɔl nuu sim yili. I solinin condon mì lɔɔ ɲɛ-caa.

Dɛnnda cɔɔmuanndan 8:7

Mí mɛlɛkanɔ tasoo hɔŋ buloo. Mí loeon delian a yinnden le bingulan a koovan, mí ɲɛla lan la toal o lɛŋnden coo. Mí lɛŋnden piɔwvo kundalan tan yáá, o pilɛ ŋɔa, mí yɔmnde piɔwvo kundalan tan yáá, o pilɛ ŋɔa, mí bil oo bil ŋɔa.

Sakari 9:14

«Mɛlɛka fulanin nda coo fɛlɛmɛndɛn, mì kɔɛi ndɔɛi kɔɛ a kiltan maa piɔɔ-volia, Maalii, o co Mɛlɛka-o hɔŋnin buloo, mò hinul nda o hoeyii fùkù-fùkùi fula a ba too-e nin.

Esai 17:13

Vanaa-mangalaa-isɔɔa a co tombolaa, ivóólun-vóólunnde mɛɛ mɛmma bɛnduan ma soli diomndo nuaa yɛ. Kɛ Mɛlɛka vueinun nda ma ɲaanun polon. A sɛŋin mɛɛ hoeyii fula o pembei coo-e saŋ foeende nuaa yɛ, mɛɛ hoeyii felenfelennde saŋ cundoo nuaa yɛ.

Condii lisai 149:3

La biilu ndu a yolan, la lɔɔ dundulan a bondomalan.

Condii lisai 98:5

La lɔɔ bangaa le Mɛlɛka, mì la soli condon a ɲɛm-caan.

Fulaa 20:18

Vannda kpow a va diom mataŋndo a diom bulu bɛndoo tueyɔɔ, a va piɔɔ cɔu volio iŋuanndi-ŋuanndiei a kumii bɛndu-bɛndui kumbu pembii ken mɔku-mɔku-e. Mɛɛ nda ce lende, má ɲiiya a siòònde, má sim kɔɔli-kɔɔli.

Condii lisai 147:7

La solul Mɛlɛka condun malaa balikan, la lisa Hala naa a bondomaa.

Condii lisai 43:4

I kɔanin o fonda-loamaa-lasálà nɔmndo, nɔm pila ikɛi, nɔm Hala co kɔlkɛndɛ nuu a ɲaale nuu-o. Òó Hala, i lisanin nɔm a bangaa, nɔm Hala nuu!

1Korɛntea 13:1

I soo bɛɛ o sɔɔn mangalan vanndacieea a o sɔɔn mɛlɛkaa nin, te kaolaa co ya o kɔl te, mɛɛ i siŋnun maa diom ibamba, te kon te maa diom kɛ́ŋii comulaa.

2Dɛnnda lemasalan 20:28

Má luɛi Yerusalɛm ciee, má kɔa o Cɛi-Hala-o, a va bɔ̀linndan a bondomalan lɔɔ, a bululan hɔŋndo.