Dɛnnda cɔɔmuanndan 14:14 - BII BILA

¹⁴ Yáà tofaa, mí ca yumbuyumbu humboo, vanndo va icali o yumbuyumbu kon coo, velanndo ndu a Po vanacieo. Ndóò nɔ mɔsil lemasaa n'sianio o lebol, vɔlɔtɔ luɛyaa va ndu o ba.

Dɛnnda cɔɔmuanndan 14:14 Referans Kwoze

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Esai 19:1

Sɔɛi dimin o lɛŋnde Esipte len coo-e yɔŋnun hee ni: La tofa vɔ, Mɛlɛka hel o yumbuyumbu felun-felunndo coo, o co hunɔɔ o lɛŋnde Esipte len nin. Piɔmaa co o lɛŋnde Esipte len nin-nda co ɲiiyaa ndu laci, kɔlta Esiptea la fula yoomuan po.

Dɛnnda cɔɔmuanndan 1:13

ɲɔɔ pum va isisi o ɲɛla-kɛsiaa-lafitinala lan tɛɛn maa vanaciee. Doma va ndu lekɔɔ-o ndóò tol háá o pelon, a yáwle n'sianilen o takpa.

Hebreea 2:9

Kɛ ɲɛ naa n co taasi dɔvɔɔ-o co ni maa, mí Yeesu ndóò dɔɔnian hiovɔɔ mɛlɛkaa coo le telen bingi, kɛ sunsun, o sɔla biiloo a bɛɛlen le sanga o sanga mó vu-o. Le kɛndɛi Hala-e, mó vu le vanndacieea kpow.

Luke 21:27

O kon, vannda canin Po vanacieo hunɔɔ o yumbuyumboo nin a kpaaya bɛndoo a á biilu bɛndoo.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Condii lisai 97:2

Yumbuyumboo a ɲumndan ma co ndu ma balaa. O toɲaa a o sandei coo kpɛŋɛ lemasa ndɔɔ kɛsi tumndo ni.

Dɛnnda cɔɔmuanndan 6:2

Mí tofa, mí ca so humboo. Kpaasiaa va vana va lecoo-o o ba, mí mɔsil lemasaa kennun ndu, mó kɔa maa vana tiw ba-o le nɔlaa.

Dɛnnda cɔɔmuanndan 1:7

Tofa vɔ, o co hunɔɔ o yumbuyumboo nin. Vana-vana canin ndu, hali vanaa cuku ndu-a, vanaa-mangalaa-isɔɔa o lɛŋnden coo kpow a cɛɛŋunnin le ndu. A toɲa, lende i yɔŋnunnin ni. Amiina.

Esekiɛl 1:26

O ɲɛ tɛngɛ̀-tɛngɛ̀ va kon nda o bolle coo-o lekɔɔli, ɲɔɔ pum va lon velanndo a pow safir, vanáà ca ko ndu aa kpɛŋɛ lemasaa ni, ɲɔɔ pum va maa vanaciee o ɲɛ va kon maa kpɛŋɛ lemasaa-o coo.

Condii lisai 21:3

Kani a ke ndu ɲɛ kɔl ndɔɔ ndóò yeema-o, a kɛɛ le ndu ɲɛ o va nɔm piɛiyo-o yɔngoo le.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Dɛnnda cɔɔmuanndan 19:12

Hɔlta ndɔlan la va sandei maa leyin, mɔsilta lemasalan taw la va ndu o lebol. Ndóò nɔ diolan lapum lasɛvaa, vana-vana ndóò sina lan te, mɛɛ ndu pila.

Dɛnnda cɔɔmuanndan 11:17

Má va dimio aa: «N mel nɔm balika, Mɛlɛka Hala nɔ kpaayaa kpow-vo, nɔm co-o, nɔm va-o, le tùú n cɛn a kpaaya nɔm bɛndoo, má cua masalen-ndo.

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.

Marke 4:29

Te kullon diw dɔ́ɔ́ pɛ, a kɔ baa vɔlɔtɔɔ, kani telen koavaa co kon ni.»

Matie 13:30

La mal lende mò sul latulu vellaa-velle háá o telen koavaa. Te kovɔɔ tiiya pɛ, i dimulnin vanaa koavaa mà sungu fɔlɔn bil vɔɔn kalaa, mà yiw ndu kpɔŋndan le ndu lomɔɔ, o kon à mɔɔsiaa niko maalon, a vow mun o konda.›»