Dɛnnda cɔɔmuanndan 14:13 - BII BILA

¹³ O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Dɛnnda cɔɔmuanndan 14:13 Referans Kwoze

Dɛnnda cɔɔmuanndan 20:6

Dɛnɛ kɛndɔɔ co le vanaa tendul tendul tase kon, má muungu yoomu-a. Vanaa diandaa nda co ni. Piɔ́m diinndɔɔ nɔ lɛ nda kpaaya coo le. Nda vanin vanaa-solia-lasálàá le Hala a le Krista ni. A tosanin masalen nda ndaa latulu o vɔsila vaa pilɛlan bɛngu.

1Tesalonikea 5:10

O fonda naa o vi ni, haliko mi n va yoomu lɔ́ɔ́ o hunnin-ndo.

1Tesalonikea 4:16

Kani telenndo tiiya pɛ, n tuɛinin diomndo fulaa o halataala, mì n tuei bulu Hala-o diom, o kon mì Maalii pila tol. Vanaa vi o diola Yeesu lan-nda fɔlɔn a tendulnin ni.

1Korɛntea 15:58

Lelan, puapilɛa nia hɛnan ya taw-va, la sim yili. La kpeeŋian te. La yɔngun lɔ́ɔ́-lɔ́ɔ̀ o baala Maalii-o nin, mì la sínà maa baala niaa co tosaa o Maalii nin-ndo co fúú le.

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Dɛnnda cɔɔmuanndan 6:11

Mí doma bɛndu humboo yɔngun vana-vana o nda tɛɛn, o kon má dimul nda maa a cum ɲɛ-pɔmbɔ, háá mi caaŋaa ndaa nda tosa baala pilɔɔ-a a puapilɛa ndaa nda va hunɔɔ diyɔɔ maa nda-a ndáà siow bɔŋa.

2Korɛntea 5:8

Dialun fulan co naa taw, nduyɛ n nɔ yeemɛi mi n mɛi dialun naa n nɔ mun ceen nanu-on, mì n kɔɛnnun o Mɛlɛka lo.

Dɛnnda cɔɔmuanndan 16:17

Mí mɛlɛkanɔ ŋɔmmɛwndɔɔ cuiŋi ɲɛ va o taala kólaa ndɔɔ nin-ndo o hoeiye nin, mí diom bɛndoo pum soaa o fonda diandaa fulaa o kpeŋɛ lemasaa aa: «I cuu tosan!»

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Condii lisai 19:11

Mun hiow vaa n'sɔvɛ a sianion, n hiow siani diandan naŋɔɔ, n hiow lɛma co fulaa o vàálan nin-ndan yeelaa.

Condii lisai 85:13

Mɛlɛka bɛɛ yɔngunin dɛnɛ kɛndɔɔ, mì lɛŋnde naalen le naŋ tɔlɔɔlan.

1Tesalonikea 4:14

N laalan maa Yeesu vi mó tendul. Lende koni, n laalan vɛlɛ maa Hala minginin vanaa laalan má vu-a yoomu nda Yeesu-a latulu.

1Korɛntea 15:18

Vanaa ndáà laalan Krista má vu-a bɛɛ a lo.

Rɔmnda 14:8

Kani te n co pɛ yoomu, le Maalii naa n co yoomu ni. Te n vi yɛ pɛ, le Maalii naa n co vuo ni. Lelan n va yoomu, n vu, le Maalii naa co ni.

Luke 16:9

Mì dimul niaa, la nuwviaa canyan a bolofaa ceen hui ho vana-o, haliko lɔ́ɔ́ o cuunin niaa o ba-o, caaŋaa niaa kan a luei niaa o calta fɛɛn-fɛɛnndan nin.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 10:4

Mɛɛ taŋma ŋɔmmɛwma man ma deŋi, i va le ɲɛ ma dimi-o sɛvaa, kɛ mí tuɛi diomndo pum dimio o halataala aa: «Mandan sɔɔn taŋndan man ma dimi-on o kɔl, sɛva mun te.»

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

Luke 16:25

Mí Abraham dimul ndu aa: ‹Po nuu, loonun maa telen n va yoomu-o, má sɔla dɛnɛ kɛndɔɔ, mí Lasar ndu sɔla dɛnɛ palaa. Sunsun yɛ, ndu co o kɔlɲuloo nin nanu, mì nɔm co o mɔnɛi nin.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Daniɛl 12:13

Nɔm Daniɛl-lɛ, lo lecoo háá ma kɔ pɛngi ciee-piɔ́m. O kon kɔɔli, a tendulnin o telen mɛɛlaa le vɔ̀ngɔ̀ nɔmndo a kɛ́ nɔmndo sɔlaa.›»

1Korɛntea 15:20

Kɛ nihau, Krista tendul, ndu yɔŋnun vana tasoo fulaa vanvílɛ́iya tɛɛn ni.

1Timote 5:24

Vanaa pum a co, lɔ́ɔ́ pá mì hakila ndalan la kelun iyama, la cɔmnun vakpa. A pum yɛ, a cii nin fɔlɔn ndan iyama kiolɔɔ, malan la koma cɔmnun.

1Timote 5:25

Lende koni, dɛnnda kɛndɛlan bɛɛ, cɔmnɔmndo la cɔmnun ni vakpa, la co yɛ la kɛndɛ le, lan bɛɛ la lo la vianaa le.

Dɛnnda cɔɔmuanndan 2:7

Vana nɔ pɛ nilan, mɛɛ ndú tuéi ɲɛ Kɔl-Diandaa co kundala vanaa laalannda dimullo-o. Vana nɔlanin-ndo, i kenin ndu kɔmnde yɔm ciindaa le dioo, yɔm cindaa co o nakɔ Hala-o nin-ndo pɛɛn.›»

Dɛnnda cɔɔmuanndan 22:17

Mí Kɔl Hala-o a lanɔɔ Saa téndóó va dimio aa: «Hun!». Vana tuei pɛ ndu bɛɛ veelu aa: «Hun!». Vana kolɔɔ bii pɛ, o hun. Vana yeema pɛ, o hun kɔndu mɛmma yooman, o co a vɔngu le.