Dɛnnda cɔɔmuanndan 14:11 - BII BILA

¹¹ Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»

Dɛnnda cɔɔmuanndan 14:11 Referans Kwoze

Dɛnnda cɔɔmuanndan 19:3

Má dimi vɛlɛ o kon kɔɔli aa: «Halelu-ya! Màá kumii kobi ŋɔɛ-o va helɔɔ le fɛɛn a fɛɛn!»

Esai 34:10

O ɲumnin ipala le, o ɲumnin vɛlɛ icɔl te. Kumnde vanin cɔnɔnndo lon mì i va helɔɔ coo tukpe-tukpe. Lɛŋnde len le lonin letambɛilen le fɛɛn a fɛɛn. Le fɛɛn a fɛɛn, vana kei lɛnin lenin te.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Matie 25:46

Vanaa kan nda nda, dɛnɛ palaa fɛɛn-fɛɛndo toalnin nda coo, kɛ vanaa sandaa kɔanin o yoomu fɛɛn-fɛɛndo nin.»

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Dɛnnda cɔɔmuanndan 18:18

Telen nda va kumii va cɔnɔnndo telen kobi kalaa va ŋɔw-ve tofaa-o, má va deŋio aa: «Kabi bɛɛ kobi yɔŋnun maa kobi bɛndoo ho le!»

Dɛnnda cɔɔmuanndan 14:9

Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

O Kandɔɔ 19:28

Mó tofa a kpengii Sodɔm a Komɔr-e, mó tofa vɛlɛ a ba tàndá va o dɛɛlaa nin-ndo, mó ca kumii bɛndu-bɛnduei helɔɔ coocoo mɛɛ kumnde fula o pollo lomɔɔ nuaa yɛ.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 7:12

má va dimio aa: «Amiina! Sangalaa, biiloo, kɔlkaloo, balikaa, bɛɛlen, kpaayaa a yoomuan ma co le Hala naa le fɛɛn a le fɛɛn! Amiina.»

Hebreea 1:8

Kɛ le po ndɔɔ mó dimi aa: «Àá Hala! Masale nɔmnden le co le lɔ́ɔ́-lɔ́ɔ̀. O sandei nin n co vanaa nɔmnda masalen tosaa coo ni.

Condii lisai 145:1

Condii lisai, í fula o condun David-on nin-nde. Hala nuu, masa nuu, i yeema mì lisa nɔm, mì sina kɛndɛi nɔmnde le lɔ́ɔ́-lɔ́ɔ̀.

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Fulaa 15:18

Mɛlɛka co masaa le fɛɛn a fɛɛn ni.»

Dɛnnda cɔɔmuanndan 22:5

Ɲumma ve lɛnin te, a nɔ lɛnin mako a ɲɛ-tengaa fitina le, a nɔ lɛnin mako a ɲɛ-tengaa lepaa le, kani Mɛlɛka Hala teengiaanin nda ni, mà tosa masalen le fɛɛn a fɛɛn.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Matie 11:28

Niaa volɔɔlan la co o lebol mì la va o sangaa nin-nda kpow, la hun o ya lo, mì ke niaa pɛngio.

Esai 57:20

Kɛ vanaa kɔlvesɛiya nda nda, maa mɛmma ihɛlma co hiilɔnndo, mà nɔla simndan yili le-an nda co ni, maa mɛmma ihɛlma co yeelioo a loolio kaaliaa-an.

Tɔŋ miingua 28:65

La venin a nila ɲulu vanaa-mangalaa-isɔaa kan tɛɛn te. Hali fonda pɛngiaa la nɔnin le bɛngula niaalan kɛsio le. Mɛlɛka lueinin kɔl yulan-yulanndo niaa nin, mì hɔlta niaalan la yɔŋnun yifidii, mì niaa pila fula yoomuan po.

Esai 34:8

Kani paale mingiaa màálen le co len le Mɛlɛka ni, vɔsi tɛinanndo co kon ni le màá Siɔn-ndo mingio.

Daniɛl 3:6

Vana-vana tundun mò sooluu piɔm kon te, a co vana kon viovɔɔ fɔ́ɔ́fɔ̀ o tóndó bɛndu leyinndo nin.»

Dɛnnda cɔɔmuanndan 13:15

Mí kpaayaa kennun ndu haliko mi tuula visi kon ndóò biŋin a ba ndɔ, mì ndóò soo, o kon mì vanaa-vanaa aa beŋ vulan tuula visi kon o labɛngunin te-a ndáà sɔla piɔ́mndo.

Dɛnnda cɔɔmuanndan 13:17

o kon vana-vana pindu ɲɛ le, vana-vana pisi ɲɛ le, te o co mò nɔ tɔɔmasele kon te, diola visi kon, te kon te sɛva velan a diola ndɔlan-ndo le.

Dɛnnda cɔɔmuanndan 18:9

Masaa kɛ́-kɛ̀ co o lɛŋnden coo, má del ndu kɔɔli o laasianndo a o ɲɛm ndɔn kɛndɔn nin caŋnin mà cɛɛŋun le ndu telen nda canin kumnde helɔɔ o ndu lomɔɔ-o.