Dɛnnda cɔɔmuanndan 14:10 - BII BILA

¹⁰ ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

Dɛnnda cɔɔmuanndan 14:10 Referans Kwoze

Esai 51:17

Tiondu, tiondu se! Cɔn, nɔm Yersusalɛm, kol o taala kólaa kɔltuw Mɛlɛka-o nin, o co kon Mɛlɛka kalaa o ba-o, nɔm Yerusalɛm kol, ma cii ɲɛ va o taala kólaa hɔlaa hiŋaa nin-ndo!

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Condii lisai 75:8

Kɛ Hala co Vana kialaa n'yamaa ni, o tuisi pɛ vana pilɛ tootoo, o heelu o pilɔɔ.›»

Condii lisai 11:6

Mɛlɛka co dɛngulta biyaalan, yinnden a fungoo tuisio vanaa kɔlvesɛiya coo maa piɔɔ. Hoeyii tuw-tuwve ndi, ndi o co nda koesio ni, kɛ̀ ndaa vanin kon le lɔ́ɔ́-lɔ́ɔ̀ ni.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 18:6

La tosal ndu mɛɛ ndu tosal caanda yɛ, la mingul ndu dɛnnda o tosa lan vangalaa lediin. La bingulan mɔima nɛyaa-nɛyan súúlan tan tiɔn o taala ndu va caanda talallo-o nin.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

SƐBƐ YƆB-O 21:20

Vana kɔlvesɛiyo pila bɛnda ni mò ce tambii ndɔɛi a lehɔl, o kon mò kol kɔltuw Vana-Kpaayaa-Kpow.

Tɔŋ miingua 29:23

vanaa kan ɲunannin aa: ‹Le kɔlɔ yɛɛ nɛ Mɛlɛka tuisi yɛ sangalan ndan vannda ha coo? Yɛɛ nɛ yɔŋ yɛ mó tuulu kɔl a nda nuaa taw-taw?›

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.

Yude 1:7

Lende koni, vannda Sodɔm, haa Komɔr a vanaa va o kobilaa balu lan-ndan nin-nda tosa ni, má vow balan o dɛnnda nɔɔlɛilan nin, a o kelala suundɛila vɔɔn-vɔɔnndan nin. Mí Mɛlɛka tɛɛmbuu vanaa kan kpow o yinnde fɛɛn-fɛɛn nden nin, mí ken va maa sila le vana-vana.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Dɛnnda cɔɔmuanndan 18:3

Kani vanaa-mangalaa-isɔɔa kpow a kol mɔima kɔltuwma dɛnɛ laasiɛi ndɔɔ. Masaa co o lɛŋnden coo-a vow balan o dɛnɛ laasiɛi ndɔɔ nin, mì yulaa co o lɛŋnden coo-a sul a kpaaya co o bolofaa dɔ́ɔ́ nin-ndo.»

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Esai 34:9

Mɛnndan o peela pɔmbɔlan Edɔm nin ma siŋnunnin maa dukpa, cundoo o lɛŋnde len nin o siŋnunnin fungoo, lɛŋnde len le vanin maa dukpa co ŋɔu-vo.

Esai 29:9

La voolu mì la dɔwnun kɔndɔfili! La kinda hɔltan mì la suma, la lo a sumɛiya lende! La yɔŋnun yingo-yingo, kɛ o va a mamɔi o hɔl te, la va boŋiboŋio kɛ, o va mɛɛ vana kol man taw yɛ le!

Matie 26:39

O kon mɛɛ o kɔɛ tiŋ laci, mó del o kuumbuan lɛŋ, mó piɛi Hala aa: «Pua, too nɔla pɛ tosan, cɛl mi i kol a taala kólaa sangaa ho le. Kɛ nduyɛ, o va mɛɛ ya i yeema yɛ le, tosa mɛɛ o hɛnan nɔm yɛ.»

Matie 20:22

Mí Yeesu mulul ndu aa: «La sínà ɲɛ niaa co piɛiyo-o le. La nɔla pá kolɔɔ a taala kólaa ya co kolɔ̀ɔ̀-o?» Má muli aa: «N nɔla!»

Cɛɛŋɔnnda Yeremi lan 4:21

Niaa Edɔmnda, la dɔwnun ɲaale alɛ. Niaa vanaa co icali o lɛŋnde Ut len nin-nda, niaa bɛɛ, taala kólaa iyamaa co niaa komal mì la kol lenin, mò bii niaa maa mamɔi, mì la fulan tum fondo kpedekele.

Yeremi 51:57

I co simlacia ndaa a vanaa dɛnɛ sinaa ndaa, masaa n'bungaa ndaa, vanaa ndaa kialaa n'yamaa a kuubaa ndaa hɔlla hiŋ. A lɔlnin le lɔ́ɔ́-lɔ́ɔ̀, nduyɛ le fɛɛn a fɛɛn nin a tindu lɛnin te.» Sɔɛi fula masa bɛndoo o sondo-e co ken ni, o nɔ diolan aa Mɛlɛka-Nɔ-Kpaayaa-Kpow-vo-o pɛɛn.

Yeremi 49:12

Kani diom Mɛlɛka dimi-o co hoo ni aa: «La yaŋ nilan ɲɛkɛndɛi, vanaa yáà beŋ le taala kólaa kɔltuw nuu kolɔɔ le-a, má kol ndu. Yee niaa yungu Edɔm-ndo ya mɛinin ndon ni? Kɛì-kɛì bɛɛ! Mɛɛ mì la kol ndu kangalan.

Condii lisai 91:8

Hɔlla kínɛí n kumbunin ni, mà ce mɛɛ vanaa yɔŋ vɔɔnda vanin tambei yɛ.

Condii lisai 60:3

Éé Hala! A mal naa má puusiaa naa. O co bɛɛ a kɔl tuwvo a naa, kɛ mingi naa simi.

Condii lisai 37:34

Tiindan Mɛlɛka, ma kela o nɛi ndɔɔ coo. O heelunin nɔm, ma sɔla lɛŋnden kɛ́ɔ. O kon, nɔm pila canin vanaa kɔlvesɛiya ɲumndo bòmbò.

SƐBƐ YƆB-O 18:15

Cɛi ndɔɔ ve lɛnin le ndu le, vana celen nɔla mò koma luɛinun lenin. A saŋnin fungoo o yondola ndɔlan coo.

Condii lisai 73:10

Lelan vannda co mulinndo o nda lo nuaa ni, má va sɔɔn ndan kolɔɔ maa mamɛn.

Condii lisai 52:6

Sɔɔn nɛyaa-nɛyaan hɛnan nɔm dimio ni, sondo huiyaa n'vanndo sondo nɔmndo co ni.

Esekiɛl 38:22

I kialunin yamɛi ndɔɛi, mì tuisi ndu nàà n'kɔnyaa coo, mì diw vanaa ndɔa. I tuisinin piɔɔ pɔ̀lɔ̀-pɔ̀lɔ̀ɔ́, loeon delian, yinnden a fungoo ndu pila coo, vanaa ndɔa cɔwva coo a vanaa sɛ́lɛ́ bɛndua vanin a ndu latulu-a kpow coo.

Marke 8:38

Kani vana tosa pɛ siɛmbulan le ya a le sɔɔn nun dimio vanndacieea co haa vaalio ho tɛɛn, a sina haa Hala le-a, a co haa hakilan tosaa-a, Po vanacieo bɛɛ tosanin siɛmbulan a vana kon telen o hunnin o biilu Fuɲa ndɔ-o nin a mɛlɛkaa ndɔa diandaa-o.»

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 19:15

Mɔɛi cɔvii luɛyɛi va fulaa ndu o sondo le vanaa-mangalaa-isɔɔa diwvo a ndi. O tosanin nda masalen coo a sionnde icilinnden, mó vayia rɛsɛnndon o doola kɔltuw bɛndu Hala, Vana-Kpaayaa-Kpow-vo nin.

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Marke 9:44

[Lon ndu, dɛlua vanin nda dioo-a vinin te, yinnde nda vanin nin-nden le ɲumnin te].