Dɛnnda cɔɔmuanndan 14:1 - BII BILA

¹ Yáà tofaa, mí ca saa téndóó isisi o pembei Siɔn coo, vanaa ndáà nɔ diola saa téndóó a diola Fuɲa ndɔlan o n'tendu-a va ndu isisi ikɛi, a va vannda vaalan kɛmɛ belehiɔɔlu a lahiɔɔlu (144 000).

Dɛnnda cɔɔmuanndan 14:1 Referans Kwoze

Dɛnnda cɔɔmuanndan 3:12

Vana nɔlanin-ndo, i siinguunin ndu sungbulen o Cɛi-Hala nuu nin, o fula lɛnin lɔ́ɔ́-lɔ́ɔ̀ le. I sɛvanin diola Hala nuu a diola kobi Hala nuu, Yerusalɛm sɛnɛi co fula o halataala o Hala nuu lo-o a diola nila sɛnɛilan ndu coo.

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Rɔmnda 9:33

maa mɛɛ i co i sɛvaa yɛ aa: «Má cè ya pow boŋaa kɛsio Siɔn! Pow kpova mal vana-o. Kɛ vana laalan pɛ ndu, o luusian te.»

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Dɛnnda cɔɔmuanndan 14:14

Yáà tofaa, mí ca yumbuyumbu humboo, vanndo va icali o yumbuyumbu kon coo, velanndo ndu a Po vanacieo. Ndóò nɔ mɔsil lemasaa n'sianio o lebol, vɔlɔtɔ luɛyaa va ndu o ba.

Dɛnnda cɔɔmuanndan 15:5

O kon kɔɔli, mí ca Cɛi-Hala-o o kumbia o halataala, o co cɛi-kola-toandaa leseiyo-o pɛɛn.

Esai 49:14

Vannda Siɔn va dimio aa: «Mɛlɛka mal naa, Maalii pɔɛɛnun naa pɔ́lì!»

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Sakari 4:2

Mó ɲuna ya aa: ‹Yɛɛ nɛ n co yɛ cɔu?› Mí muli aa: ‹Ɲɛ kɛsiaa lafitina cɔwnun kpow a sianion-ndo ya co cɔu ni. Kpufɔɔ co o bolle ndɔlen coo déŋ. Fitinalan la co lecoo tan ŋɔmmɛw a kolikolima cuɛiyan ma kei nin-ndan man ŋɔmmɛw, le fitinala co lan lecoo lan.

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Daniɛl 12:5

«Ya Daniɛl, i va tofaa, mí ca mí vanaa celen fula nda ŋiɔn, a va isisi o kɔngɔla tiɔnnda pee bɛndoo coo.

Esekiɛl 44:4

Mí langbanɔ kon kɔa vɛlɛ a ya o dio bɛndu va a maluaŋ-ndo, o Cɛi-Hala-o laci. Mɛɛ ya tofa, mí ca mí biilu Mɛlɛka-o pia o Cɛi-Mɛlɛka-o nin ca, o kon, mí del lɛŋ o kuumbuan o kɔl coo.

Esekiɛl 10:1

Mɛɛ ya tofa vɛlɛ, mí ca ɲɔɔ pum maa pow safir o ɲɛ tɛ́ngɛ̀-tɛ́ngɛ̀ va o toandaa mɛlɛkanɔ kanda ɲɛm Hala-on-ndo o bollen coo maa halataala. Vanáà ca ko ɲɛ va kon maa pow safir-o aa kpɛŋɛ lemasaa ni.

Esekiɛl 8:7

O kon kɔɔli, mó kɔa a ya o dio bɛ́ɛ̀ Cɛi-Hala-o sondoo. Mɛɛ ya tofa, mí ca tɛɛngei o kpakio.

Esekiɛl 2:9

I va tofaa, mí ca ba vanacieo o siɛndiaa nɛɛ ya va icali-a, sɛbɛ simbulaa va o ba kon.

Esekiɛl 1:4

I va tofaa, mí ca hoeyii fùkù-fùkùei cɔnɔnndo a ba luaŋ-ndo, mí yumbuyumbu bɛndu-bɛndoo a yinnden le va hunɔɔ ndi laci, mí ɲɛ-tengaa balu tengaa pindo. Ɲɔɔ va piɔndio lenin o siaŋa mɛɛ tɛ́ngɛtɛ́ngɛla leyinndan la piɔndi nuaa yɛ, o va piɔndio o yinnden tɛɛn.

Yeremi 1:11

Mí diom Mɛlɛka-o dimulun ya aa: «Yeremi, yɛɛ n co yɛ cɔu?» Mí mulul ndu aa: «Lɛvii yɔm amanndiee ya co cɔu ni.»

Esekiɛl 10:9

Mɛɛ ya tofa, mí ca bɛngula tiilanndan tan hiɔɔlu mɛlɛkaa kanda ɲɛm Hala-on-nda ikɛi. Mɛlɛkanɔ oo mɛlɛkanɔ bɛngu tiilanndo o pilɛ va ndu ikɛi ni. Bɛngula tiilannda lan la va iŋɛlɛngi-ŋɛlɛngiei maa pow krisolite.

Esekiɛl 9:4

mí Mɛlɛka dimul ndu aa: «Balu kobio Yerusalɛm kpow, mà kei pondalen handɔɔ vanaa sɔɛi co palaa má va cɛɛŋɔnndo le dɛnnda nɔɔlɛila co lan tosanndo lan-nda o itendu.»

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Dɛnnda cɔɔmuanndan 22:4

A canin ndu hɔlla, diola ndɔlan la vanin la lasɛvaa nda o n'tendu.