Dɛnnda cɔɔmuanndan 13:15 - BII BILA

¹⁵ Mí kpaayaa kennun ndu haliko mi tuula visi kon ndóò biŋin a ba ndɔ, mì ndóò soo, o kon mì vanaa-vanaa aa beŋ vulan tuula visi kon o labɛngunin te-a ndáà sɔla piɔ́mndo.

Dɛnnda cɔɔmuanndan 13:15 Referans Kwoze

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 16:2

Mí o tasoo kɔa, mó kɔ cuiŋi ɲɛ va o taala kólaa ndɔɔ nin-ndo o lɛŋnden coo. Mí pavii nɛyɛi vɔɔn-vɔɔnde fula vanaa ndáà nɔ pondale visio, mì ndáà va vulan baŋɔɔ tuula ndɔɔ o labɛngunin-nda.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Dɛnnda cɔɔmuanndan 14:11

Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»

Dɛnnda cɔɔmuanndan 14:9

Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Dɛnnda cɔɔmuanndan 18:24

Babilɔn ndon nda saalun kooma vanaa-tɛɛngaa-diom Hala-a ni, ma vanaa diandaa a kooma vanaa-vanaa nda kelu bololan o lɛŋnden coo-a-an.

Dɛnnda cɔɔmuanndan 17:17

Kani Hala mal nda o kɔl le yiyan ndɔɔ tosaa, mà nɔ yiyannda pilɛlan le visi kon masale ndalen yɔngoo, háá mi sɔɔn Hala dimi-on peelun.

Yeremi 51:17

Vannda kpow a sim silɔn, a dɔwnun kɔndɔfili, a bii ɲɛ-ɲɛ bila le. Siɛmbulan la bii vanaa teengiaa cilinndon má toosiaa piɔmnda-a, kani ɲɛ fondoo fúú piɔmaa kan co ni, a yoomu le.

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

Yeremi 10:5

Maa ɲɛla nda lɛɛnduu o ciɛi nin le yowva tovɔɔ lan halaa ndaa co ni, a suu le. Fɔ ma cua nda, kani a nɔ pelun kɔaa le. La vo nda le, kani a nɔla vana ɲɛ yɔŋ te, a nɔla vɛlɛ vana mala le.»

Condii lisai 115:5

A nɔ sondolan, kɛ a co isɔɔ le, a nɔ hɔltan, kɛ a co cɔ le.

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 16:5

Mí tuɛi mɛlɛkanɔ va mɛnndan bollen-ndo dimio aa: «A sandu, nɔm o diandaa, nɔm co má va paandu-o. A cii yamɛi nɔmnde kiolɔɔ.

Nsaki 2:26

Mɛɛ dialun yoomu co nin toon co n'vílɛ́iyon yɛ, lende koni laalan dɛnndan la co nin too co o vílɛ́iyo ni.

Habakuk 2:19

Dangaa co le niaa! Niaa co yɔm nda sɛl-lo dimullo aa: «Cɔn»-nda, mì la va vɛlɛ pow nɔla isɔɔ loo dimullo aa: «Cɔn». O kɛ́-kɛ̀ kindi vana kɔl te, vana yikpa bɛɛ nda a sianion te kon te a volion, sanga fondoo fúú.

Daniɛl 7:20

Mí ɲuna ndu vɛlɛ le ya tɛɛsiallo a sɔɛi leela tɔ́la visi kon ndóò nɔ o lebol tan o kɔɔ. O kon kɔɔli, a sɔɛi lee pɔmbɔ fula kon, mí leela bɛndulan tan yáá la suingin-ndo. Lee kon ndóò nɔ hɔltan a sondo va sɔɔn yongan dimio-o. O va vɛlɛ lee kaamaa hiovɔɔ leela taselan coo.

Dɛnnda cɔɔmuanndan 13:1

Mí ca visi tɔɔma bɛndoo pum fulaa o mɛmma ihɛllan nin, ndóò nɔ leelan tɔ́ a bolle ndii ŋɔmmɛw. Mɔsilta lemasalan tɔ́ la va o leela lan coo, mí diolan lapum la va lasɛwviaalan o bolii ken coo le Hala yiowlan.

Dɛnnda cɔɔmuanndan 13:12

Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!