Biblia Todo Logo
Bib sou entènèt

- Piblisite -




Dɛnnda cɔɔmuanndan 13:12 - BII BILA

12 Ndóò nɔ masale kɛ́-kɛ̀ visi tɔɔma ndóò nɔ-o coo, mó va len tosaa visi tɔɔma tase kon o hɔl. Mó va tosaa, mí lɛŋnden a vanndacieea co lecoo-a a va vulan baŋɔɔ visi tasoo o labɛngunin, o bolin bɛndoo va o lebol kɛ mó siangu-o!

Gade chapit la Kopi




Dɛnnda cɔɔmuanndan 13:12
12 Referans Kwoze  

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.


Kumii dɛnɛ palaa ndaa i co helɔɔ lɔ́ɔ́-lɔ́ɔ̀. Pɛngi co le nda ipala le, pɛngi co vɛlɛ le nda icɔl te, nda vanaa co kan visi kon a tuula ndɔɔ, a vana-vana sɔla pondale diola ndɔlan-nda.»


Mí mɛlɛkanɔ celen, o yàándɔ hin o kan kɔɔli-o hiaw laci a dimio coocoo aa: «Vana-vana baŋ pɛ vulan visio ho a tuula ndɔɔ o labɛngunin, mò sɔla pondale ndɔlen o itendu te kon te o ba,


Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.


Vanáà ce pɛ visi ya ce kon-ndo aa tambillo ni, pelon va ndu maa pelun kɔ́lɔ́vúlu a sondoo ndu maa sondo yàlà. Mí tambálakáà ke ndu kpaaya ndɔɔ, kpɛŋɛ lemasa ndɔɔ a masale ndɔle bɛndulen.


Vanndacieea co o lɛŋnden coo-a kpow a baŋnin ndu vulan o labɛngunin, vanaa diola ndalan láà sɛvan kabi o ceendo kilaa o sɛbɛ cindaa saa téndé nda dii-o nin te-a pɛɛn!


Mí o tasoo kɔa, mó kɔ cuiŋi ɲɛ va o taala kólaa ndɔɔ nin-ndo o lɛŋnden coo. Mí pavii nɛyɛi vɔɔn-vɔɔnde fula vanaa ndáà nɔ pondale visio, mì ndáà va vulan baŋɔɔ tuula ndɔɔ o labɛngunin-nda.


Visi n ce hoo-o va paandu, kɛ o co lɛ le. O co helɔɔ mò fula o soondo nin, mò kɔɛnnun o ɲánndávàà. Mì vanaa co o lɛŋnden coo, diola ndalan la sɛvan o sɛbɛ yoomaa nin kabi o ceendo kandɔnndo le-a dɔwnun kɔndɔfili le visi kalaa cɔu, kani o va paandu yoomu, kɛ o co lɛ le, o kon kɔɔli mì fula vɛlɛ.


Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.


Swiv nou:

Piblisite


Piblisite