Dɛnnda cɔɔmuanndan 12:9 - BII BILA

⁹ Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

Dɛnnda cɔɔmuanndan 12:9 Referans Kwoze

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

Nsaŋ 12:31

Sunsun, yamɛi ceendo hin kiolɔn, mà soli vana co masalen tosaa o ceendo ho coo-o o bɛ́ɛ̀.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

1Nsaŋ 5:19

N sínà maa a Hala-a naa n co ni, mì ceendo kpede va o kpaaya Vana Vɔɔndo bɛngu.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

Esai 14:12

Nɔm ɲɛ diandaa bɛndoo, nɔm ɲɛ-tengaa idiiyo, vɛɛ nɛ n looku yɛ fula o halataala ma del? Nɔm va vanaa-mangalaa-isɔɔa nɔlaa-o, a del má toal lɛŋ dí!

O Kandɔɔ 3:1

Kɛwvo ndóò hiow visia yondoa Mɛlɛka Hala cɔw-va kpow kɔlkalu vɔɔndo ni. Mó ɲuna vanalanɔɔ aa: «Bàà nuaa Hala dimul niaa ni aa niaa dia kɔmnde yɔmii co o nakɔɔ ho nin-nde le?»

Dɛnnda cɔɔmuanndan 12:7

Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Esai 65:25

Tun yondoo a saa téndóó a dianin o fonda pilɔɔ, yàlàá dianin billo maa naw. Kɛwvo ndu ndu, cundoo vanin ɲɛdiaa ndɔɔ ni. Dɛnɛ vɔɔndo a dɛnɛ kɔlvesɛi tosan ndɛnin o pembii diandɛi coo le». Mɛlɛka soo lende ni.

Dɛnnda cɔɔmuanndan 20:8

mò fula le vanaa-mangalaa-isɔɔa co o lɛŋnden kpengun hiɔɔlon-nda lueiyo o pɔwlan nin, Kɔk a Makɔk pɛɛn, haliko mo mɔɔsiaa nda le cɔwvo tosaa. A vanin sɛ́lɛ́ maa sióóndon o mɛmma ihɛllan nin.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Dɛnnda cɔɔmuanndan 2:24

Kɛ niaa vanaa tɔ̀a kɛ́-kɛ̀ lo Tiatir lá vow n'pelu o pɛɛku kon nin te-a, maa mɛɛ nda pila dimi yɛ, niaa síná yingila dɛnnda Setana lan te-a, i co niaa dimul, i siiluu lɛnin niaa volɔɔla celen te.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

2Korɛntea 11:14

Kɛ kon dow vana kɔndɔfili le, kani Setana pila bɛɛ co handɔnndo o hɔl maa mɛlɛkanɔ ɲɛ-tengaa o co ni.

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Luke 22:31

Mí Yeesu dimul Simɔn-Piɛr aa: «Simɔn, Simɔn, yaŋnun! Setana ɲuna Mɛlɛka mì ndu Setana hɛi niaa maa mɛɛ vana hɛi maalon nuaa yɛ.

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

Luke 22:3

O kon, mí Setana luɛi Yuda nin, o ndáà veelu vɛlɛ aa Iskariɔt-o pɛɛn, ó va vana pilɛ o kaandeŋaa tɔ́ a à ŋiɔnda tɛɛn-ndo.

Luke 8:12

Kulun deli o nɛiyo lekɔɔ-on, mun co vanaa tuɛi sɔɛi Hala-e-a ni, kɛ mí masa ɲinaa vɔɔnda hun soli ndi nda o lakɔl, haliko a laalan mà sɔla cindaa le.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Matie 4:8

Mí masa ɲinaa vɔɔnda kɔa vɛlɛ a ndu o pembii bɛndu-bɛnduei pum tullo, mó cɔm ndu masɛi co o ceendo coo-e a biilu ndɔɔ kpow,

Matie 4:5

Mí masa ɲinaa vɔɔnda kɔa a ndu o kobi diandaa Yerusalɛm nin, mó kɔ kɛsi ndu o Cɛi-Hala-o tullo,

Matie 4:1

O kon kɔɔli, mí Kɔl Hala-o kɔa a Yeesu o lɛŋnde veselɛilen nin, haliko mi masa ɲinaa vɔɔnda ndóò dɛɛniaa ndu.

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 16:14

Ɲinaa vɔɔŋaa tosa dɛnnda kɔndɔfiltan-nda co kan ni, a co kɔlan o masaa co o lɛŋnden kpow coo-a lo, haliko ma mɔɔsiaa nda le cɔlɔbaa o paale bɛndule Vana-kpaayaa-Kpow len coo.

Dɛnnda cɔɔmuanndan 13:14

Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.

Dɛnnda cɔɔmuanndan 9:20

Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

Yude 1:9

Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

Hebreea 2:14

Le tùú cuavaa kan a co cuavaa n'falua a cuavaa kooma vanacieo-vo, mí Yeesu bɛɛ siŋnun maa nda, mó cua dialun ivanacieeyan. O kon mó pial ɲina vɔɔn nɔ kpaaya piɔ́mndo o ba-o o piɔ́m ndɔɔ nin.

2Timote 3:13

Kɛ vanaa vɔɔnda a vanaa leyalaa hiawnin laci a dɛnɛ vɔɔndo tosaa, a huinin caanda, mì caanda bɛɛ a hui nda.

1Timote 2:14

O co vɛlɛ Adam te nda hiŋ hɔlla le, vanalanɔɔ nda hiŋ hɔlla ni, mó tɛɛmbuu tɔŋ Hala-o.

2Tesalonikea 2:3

La cɛ̀l mì vana-vana hui niaa o nɛi oo nɛi coo le. Kani fɔ mì vannda kɛɛ laalanndo malan paale len le tiiya. O kon mì vana tɛɛmbua fula, o bɛnda le lou o ɲánndávàà-o pɛɛn.

Efɛsea 4:14

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Rɔmnda 16:20

O lo cobe mì Hala ke vana kɔlɲuloo-o pusu Setana niaa o labɛngunin. Màá kɛndɛi Maalii naa Yeesu-e va niaa coo.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Nsaŋ 16:11

A co o pɔwlan nin a yamɛi o kɔɔ, kani yamɛi vana co masalen tosaa o ceendo ho coo-o cuu kiolɔɔ.

Nsaŋ 14:30

I suu lɛnin sɔɔn bɔɔ o niaa lo le, kani vana co masalen tosaa o ceendo ho coo-o co hunɔɔ. O nɔ kpaaya ya coo le.

Luke 13:16

Vuɛɛn fula yɛ hoo niko o polale Abraham-nden coo-o, o Setana ndóò yii o vɔsilan tɔ́ a laŋɔmaa bɛngu-o, bàà ndu ya kɛɛnin singi o paale pɛngiaalen coo ni?»

Matie 24:24

Kani kristaa lacòòvaa a vanaa-tɛɛngaa-diom Hala-a lacòòvaa cannin, mà tosa dɛnnda kɔndɔfilta bɛndulan a kaamaalan, mà kɔɛ bɛɛ hali le vanaa sɔla hɛlio-a lueiyo o pɔwlan nin, taa tiw pɛ ba.

Matie 13:39

Yaamɔɔ saŋ ndu-o, ndu co masa ɲinaa vɔɔnda ni. Telen kovɔɔ, ndu co mɛɛlula ceendo ni. Vanaa koavaa, nda co mɛlɛkaa ni.

1Dɛnnda lemasalan 21:1

Paale pilɛ, mí Setana can le Israɛlla tɛɛmbuuo. Mó luei David yiyanndo nin le Israɛlla diolan sɛvaa.

Dɛnnda cɔɔmuanndan 18:2

Mó deŋi aa: «O del fɔ́! Babilɔn bɛndoo del! O siŋnun calta ɲinaa vɔɔnda, nɛɛ vana saalun ɲinaa nɔɔlɛyaa súú-súù ka-a, a fonda vana komal yovaa nɔɔlɛyaa nɛinun Hala-a-o!

Esekiɛl 28:16

Kɛ le yulale va nɔm yelelallo len, má pia a kɔlvesɛiyo, má tosa hakio. Le hee, mí faŋa nɔm o pembii Hala-e coo, nɔm mɛlɛkanɔ kanda ɲɛm Hala-on-ndo, mí soli nɔm o powta ŋɛlɛngi-ŋɛlɛngilan tɛɛn po.

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Condii lisai 109:6

A co dimio aa: «La mal ndu vanaa yɔŋ vɔɔnda o ba, la simi vana hɛɛnduaa n'sɔɔ ndu o ba kɛndɔɔ coo.

Dɛnnda cɔɔmuanndan 12:8

kɛ a tiwba le, o kon fonda sɔlan ndɛ o halataala le nda le.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»

2Dɛnnda lemasalan 18:21

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, ma kɔ tosa mɛɛ n dimi nuaa yɛ!›