Dɛnnda cɔɔmuanndan 12:7 - BII BILA

⁷ Mí cɔwvo tosan o halataala. Mí Misɛl nda mɛlɛkaa ndɔa cɔlɔba tambálakáà. Mí tambálaká kon bɛɛ cɔlɔba a mɛlɛkaa ndɔa,

Dɛnnda cɔɔmuanndan 12:7 Referans Kwoze

Yude 1:9

Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

2Piɛr 2:4

Kani Hala mɛi mɛlɛkaa tosa hakio-a lon te, kɛ mó ɲindu nda o soonnda maɲumndan nin, nɛɛ nda co a mandaa le telen kialaa iyamaa-a.

Efɛsea 6:12

Kani o co n'vanndaciee le naa co cɔlɔba le, kɛ kpaayala maɲumndan, vanaa mayoomua, masɛi a ɲinaa vɔɔŋaa co o halataala-a.

Dɛnnda cɔɔmuanndan 20:2

Mó bii tambálakáà, kɛwvo sindɛ, o co masa ɲinaa vɔɔnda-o, Setana pɛɛn, mó yii ndu le vɔsilan vàá pilɛ.

Daniɛl 10:21

Kɛ i co nɔm ɲɛ sɛvan o Sɛbɛ Toɲaa nin-ndo dimul. Vana-vana mala ya o sɔɔn mun nin te, fɔ Misɛl, simlacinɔ niaa.›»

Daniɛl 10:13

Mɛlɛkanɔ kandà lɛŋnde Pɛrse len-ndo simul-la o palɛi bidiin a lepilɛ bɛngu, kɛ mí Misɛl, o co simlacinɔ pilɛ o mɛlɛkaa tɛɛn-ndo, hun mala ya. Mí lo lon masaa Pɛrse ikɛi.

Dɛnnda cɔɔmuanndan 12:9

Má viaw ndu tambálaká bɛndu kon, ndu kɛwvo sindɛ pɛɛn, o nda veelu aa masa ɲinaa vɔɔnda te kon te Setana-o. O hiŋ vanaa co icali o lɛŋnden coo-a kpow hɔlla-o, má viaw mɛlɛkaa ndɔa a ndu latulu o lɛŋnden coo.

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Matie 13:41

Po vanacieo viamnin mɛlɛkaa ndɔa, mà hun suingi vanaa co caanda lueiyo o pɔwlan nin-nda a vanaa tosaa dɛnnda vɔɔnda,

Condii lisai 78:49

O mɛɛlulan, mí Hala tuisi niko Esiptea dɛnndan ndan coo: kɔltuw bɛndoo, kɔlfulaa, yolɛi a kɔl yulan-yulanndo. Mó tuisi mɛlɛkaa hun a dɛnɛ palaa-a taw nda coo.

Matie 26:53

Sina pɛngu maa te yáà dimul pɛ Fuɲa nuu le ya malaa, ndóò nɔla mì ndóò yɔŋ ya mɛlɛkaa cɔwva kundalan tɔ́ a latiɔn.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Esai 34:5

Mɔɛi cɔvii nii hin yingo-yingo cɔnɔnndo o halataala, tofa vɔ, mɔɛi nii cɔvii ken i toalnin Edɔmnda coo, i toalnin vanaa ya kɛsi kan le nda diwvo-a coo, le nda yamɛi kilullo.

Hebreea 2:10

Hala cɔw ceendo ni, le ndu o co ni. Nduyɛ o yeema mi cuavaa ndɔa bɔɔ-bɔɔ a sɔla biilu ndɔɔ a ndu latulu. Kani Yeesu co vana nda ciindiaa ni, mɛɛ mì ndóò sanga haliko mi Hala ndóò peelu ndu o dɛnndan kpow nin.

Dɛnnda cɔɔmuanndan 12:8

kɛ a tiwba le, o kon fonda sɔlan ndɛ o halataala le nda le.