Dɛnnda cɔɔmuanndan 12:17 - BII BILA

¹⁷ Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Dɛnnda cɔɔmuanndan 12:17 Referans Kwoze

Dɛnnda cɔɔmuanndan 14:12

Nuaa biuvɔn vanaa diandaa co le Hala-a cɔ̀mnun ni, a co tɔŋnda ndɔlan biyɔɔ mà laalan Yeesu-a pɛɛn!

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 11:7

Telen nda ciinin seilen tɛnda-o, visi tɔɔma fulanin o soon yingilaa nɔ lamɛɛlu loo nin-ndo cɔlɔbanin nda, mò nɔla nda, mò diw nda.

Dɛnnda cɔɔmuanndan 6:9

Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

1Nsaŋ 5:10

Vana laalan pɛ Po Hala-o, ndu nɔ seile len ndu o kɔl. Vana laalan yɛ Hala le, mɛɛ o siinguu ndu vana lacòòvaa, kani o kɛɛ seile Hala co tɛndaa a Po ndɔɔ o kɔɔ len laalanndo.

1Nsaŋ 5:2

O Hala kaolaa a o kelaa o tɔŋnda ndɔlan coo naa n sínà ni maa n kaola cuavaa Hala-a.

1Nsaŋ 2:3

Te n bii pɛ tɔŋnda Hala lan, n nɔla mì n laalan maa n sínà Hala.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 19:19

Mí ca visio, masaa co o lɛŋnden coo-a a vanaa ndaa cɔwva, a va a cuungiannda le vana va o sow coo-o a vanaa ndɔa cɔwva kuello a cɔwvo.

Dɛnnda cɔɔmuanndan 18:20

Nɔm halataala, dɔwnun ɲaale le tambii ndɔɛi! Niaa vanaa diandaa, niaa kiilaa a niaa vanaa-tɛɛngaa-diom Hala-a, la dɔwnun ɲaale! Kani Hala ke niaa di le dɛnɛ palaa kobi kon ndóò tuisi niaa coo-o.

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

1Korɛntea 2:1

Puapilɛa nia, lɔ́ɔ́ ya kɔɛ o niaa lo le niaa Yoongu kɛndɔɔ tiiyallo-o, i dimul niaa isɔɔ oo isɔɔ o sɔɔn bɛndu nin te, te kon te a kɔlkalu bɛndu le.

Daniɛl 11:36

Masaa tosanin ɲɛ hɛnannin kɔl ndɔɔ-o, o kuundiannin háá mo cennun maa ndu hiow halaa kpow ni. O diminin sɔɔn yongan a Hala-Hiow-Ɲɔɔn-Kpow-vo. O nɔlanin ɲɛ hɛnannin kɔl ndɔɔ-o tosaa háá telen kɔltuw Hala-o fulanin ceen-ndo. O kon, Hala peelunin sɔɛi o kelu-e.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Dɛnnda cɔɔmuanndan 12:16

Kɛ mí lɛŋnden le mala cuaa, mɛɛ le kumbi sondoo, mí le mial pee bɛndu tambálakáà ndóò susul kon-ndo.