Dɛnnda cɔɔmuanndan 12:14 - BII BILA

¹⁴ Kɛ mí kumbannda kovɛ bɛndoo tan tiɔn la kennun vanalanɔ kon, haliko mo cɛn coocoo, mo kɔɛ o lɛŋnde veselɛilen nin, o fonda toosian le ndu-o. O kon mò kɔ va baloo sɔlaa lon o vɔsilan tan yáá a tala bɛngu, mò kɔ va tambálakáà levil polon.

Dɛnnda cɔɔmuanndan 12:14 Referans Kwoze

Fulaa 19:4

‹Niaa pila ce mɛɛ ya tosa a Esiptea yɛ a mɛɛ ya cua niaa o kumbannda kovɛa coo mí hun a niaa o ya lo yɛ.

Esai 40:31

kɛ vanaa tiindan Mɛlɛka-a vanin yoomuma sɛnɛiyan sɔlaa o n'dial. A vanin cɔnɔnndo coocoo maa n'kovɛ, a vanin ɲaanɔnndo, a vinin n'dial te, a vanin kɔlan a labɛɛla, a venin sanga le.

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Condii lisai 55:6

Siòònde a buulanndo simbu ya, misimisio tiw ya o n'dial kpede.

Dɛnnda cɔɔmuanndan 17:3

O kon mó kɔa a ya o kɔllo nin o lɛŋnde veselɛilen nin. Mí ca vanalanɔɔ pum icali o visi siaŋa sɔɔtɔtɔɔ coo, kɔɔle visi kon le va le pooɲɛilen poosoo a sɔɔn tanan, ndóò nɔ bolle ndii ŋɔmmɛw a leelan tɔ́.

Daniɛl 8:14

Mó mulul-la aa: «Fɔ mì telenndan, icɔl a idii, vàálan tan tiɔn kɛmɛ leyáá la cuu. O kon kɔɔli, cɛi-kola-toandaa diandaa Mɛlɛka-o muungu vɛlɛ o diandaa Mɛlɛka o hɔl.»