Dɛnnda cɔɔmuanndan 12:1 - BII BILA

¹ Mí tɔɔmasele bɛndoo pum cɔmnun o halataala: vanalanɔɔ a volɔɔlan lekɔɔ maa lepala, paangei va ndu o pelon bɛngu, ndóò nɔ mɔsil lemasa nɔ loeon tɔ́ a n'miun-ndo o lebol.

Dɛnnda cɔɔmuanndan 12:1 Referans Kwoze

Luke 21:25

«Tɔɔmaselan la tosannin o paalen, o paangei a o loeon nin. O lɛŋnden coo, sanga bɛndoo toalnin vanaa-mangalaa-isɔɔa coo. À sinanin mɛɛ nda yɔŋnin a ɲɛ vuu bɛndu vanin cɔnɔnndo o mɛmma ihɛllan nin a o tindima mɛmma ihɛllan nin-ndo le.

Efɛsea 5:32

Toɲa bɛndoo co o vianaa o sɔɛi he nin. Le Krista a le kunda vanaa laalannda ya co ndu dimio ni.

Esai 62:3

A vanin maa mɔsil lemasa kɛndɛ o ba Mɛlɛka-o nin, a vanin maa mɔsil ivanabɛnduya Hala nɔmndo o ba kɔllo nin.

Marke 13:25

loeon fulanin coocoo mì n deli, mì kpaayala co halataala lan la hiilun.

Condii kɛndɛ-kɛndɛi 6:10

‹Nɛ̀ɛ́-nɛ̀ co yɛ hoo fulaa muɲɛɛ maa ɲɛ-tengaa paale siaa? Vanndo ho naŋ maa ipaangu, o dendu maa lepala, kɛ o vueinun bɔɔ maa vanaa cɔw›.

Luke 21:11

Lɛŋnden le ɲiiyanin taw, mì nààla halimaalan a yima fofolan ma luɛi o fondalan lapum. Dɛnnda kɔndɔfiltan a kaamaala bɛndulan la cɔmnunnin o halataala.»

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

Condii lisai 84:11

Paalen ten pilɛ tosaa o cɛi nɔmndo nin co fisa a palɛi vàá pilɛ tosaa nɛɛ celen. Éé Hala, o co fisa mì va vana mandaa cɛi nɔmndo a calle o cɛila-kolala-toandaala vanaa yɔŋ vɔɔnda ha nin.

2Dɛnnda lemasalan 32:31

Kɛ nduyɛ, telen simlacia Babilɔn a vem kiilaa le ndu ɲunaa a dɛnɛ kɔndɔfili óò tosan o lɛŋnde len nin-ndo o kɔɔ-o, mí Hala mal ndu le ndu tɔɔndanndo, haliko mo sina yiyan va Esekia o kɔl-lo kpow.

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.

Dɛnnda cɔɔmuanndan 12:3

O kon kɔɔli, mí tɔɔmasele celen cɔmnun vɛlɛ o halataala: tambálakáà, o siaŋaa maa leyin, ndóò nɔ bolle ndii ŋɔmmɛw a leelan tɔ́ a mɔsilta lemasalan tan ŋɔmmɛw o lebol oo lebol coo.

Dɛnnda cɔɔmuanndan 11:19

Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Dɛnnda kiilaa 2:19

I tosanin dɛnnda kɔndɔfiltan coocoo o halataalaa nin, mì tosa tɔɔmaselelan o lɛŋnden coo nanu: koovan, yinnden a tindile ikumnden le vanin.

Matie 24:30

O kon tɔɔmasele Po vanacieo fulanin o halataala. Vannda súúlan kpow o lɛŋnden coo a somisominnin, mà ce Po vanacieo hunɔɔ o yumbuyumboo nin cɔnɔnndo o halataalaa a kpaaya bɛndoo a á biilu bɛndoo.

Sakari 9:16

Mɛlɛka Hala ndaa ciindiaanin nda paale len. O ciindiaanin nda mɛɛ vana mandaa n'cɔloo ciindiaa cɔlua ndɔa yɛ. A volinin ŋɛlɛngi-ŋɛlɛngi o lɛŋnde ndɔlen nin maa powta báà kàlàla nda hol o mɔsil lemasaa lan.

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

Kalatea 6:14

Ya le ya, i sangalannin le ɲɛ-ɲɛ celen te, te o co le yɔm singafilaa Maalii Yeesu Krista-o le, o yɔm kon coo ceendo baŋnun le ya ni, mi ya i baŋnun ndon le ceendo.

Matie 12:38

O kon mí vanaa sɛvaa latɔŋnda pum a Faliisia cua sɔɛi, má dimi aa: «Kɔɔfa, n yeema ma tosal naa dɛnɛ kaamaa pum, mì n ce.»

Dɛnnda cɔɔmuanndan 21:14

O powtan tɔ́ a latiɔn coo kpaki kobi kalaa ndóò kilan ni, diola kilaa tɔ́ a à ŋiɔŋaa Saa téndóó la va lasɛvaalan o powta lan coo.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Kalatea 3:27

Niaa kɛ́-kɛ̀ sɔla yinɔɔ o Krista nin, la cuu siŋnɔn velan ndɔɔ.

2Korɛntea 11:2

I kaola niaa mì va paŋalaa le niaa, Hala o ba kon co fulaa ni. Kani i dɔw niaa fulu le vanapɔnɔɔ ndu pilɛ kpé, Krista pɛɛn, haliko mi la kɔ fula ndu o hɔl maa felengi sina vɔ dɛnɛ vanapɔnɔ loo, o dendu Mɛlɛka o hɔl-lo pɛɛn.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Nsaŋ 3:29

Vana co lanɔɔ cuaa sɛnɛi-yo, le ndu lanɔ sɛnɛi kon co ni. Kɛ te caaŋoo vana co lanɔɔ cuaa sɛnɛi-yo tuei pɛ ndu vana co kon lanɔɔ cuaa-o sɔɛi, ɲɔɔ hɛnan ndu taw. Lende koni ɲaale bɛndoo co ya o kɔl ni.

Rɔmnda 13:14

Kɛ n vownun Maalii Yeesu Krista maa doma. N malnun falon o ba le yeemɛi ndɔɛi vɔɔnde tosaa le.

Kalatea 4:26

Kɛ Yerusalɛm co coocoo-o, ndu co o ba ndɔɔ coo, ndu co kala naa ni.