Dɛnnda cɔɔmuanndan 11:3 - BII BILA

³ I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Dɛnnda cɔɔmuanndan 11:3 Referans Kwoze

Dɛnnda cɔɔmuanndan 12:6

Mí vanalanɔ kalaa ɲaanun o lɛŋnde veselɛilen nin, nɛɛ Hala ndóò toosial ndu fondaa, haliko mi ndóò kɔ va baloo sɔlaa lon o palɛi vàá pilɛ kɛmɛ lediin a belaŋɔmpum (1 260) bɛngu-a.

Dɛnnda cɔɔmuanndan 11:2

Kɛ tongo Cɛi-Hala-o ndu, mɛi ndu lende, tuu ndu le, kani ndu yɔngun vanaa-mangalaa-isɔɔa niɛwnin kobi diandaa o paangon belehiɔɔlu a n'miuun bɛngu-a ni.

Dɛnnda cɔɔmuanndan 13:5

Mí sondoo kennun visi kalaa le yongaa sɔɛi a le sɔɔn tanan dimio a Hala. Mí kpaayaa kennun ndu le masalen tosaa le paangon belehiɔɔlu a n'miun.

Tɔŋ miingua 19:15

«Seile seiyo ndu pilɛ timbi len le tiw le vanndo yaalaa le tɛɛmbuu oo tɛɛmbuu, te kon te le haki oo haki le. Fɔ mi seiya a ŋiɔn, te kon te a yaa a timbi seilen malan yamɛi kialun.

Dɛnnda kiilaa 13:31

Mí vanaa kɔɛ ndu kɔɔli Yerusalɛm fulaa Kalile-a a ca ndu o palɛi bɔɔ-bɔɔ bɛngu. Nda co sisa seyaa ndɔa vannda o hɔl ni.

Dɛnnda kiilaa 1:8

Kɛ la sɔlanin kpaayaa lɔ́ɔ́ Kɔl-Diandaa toalnin niaa coo-o. O kon, la siŋnunnin seyaa nia Yerusalɛm ciee, o tàndá Yuda-o nin a o lɛŋnde Samari len nin kpow, kɔlan tiiyaa háá o lɛŋnden mɛɛlulan.»

Luke 24:48

Niaa co seiya le dɛnndan ndan kpow ni.

Esai 22:12

Lelan, o paale len coo, Maalii, Mɛlɛka-Nɔ-Kpaayaa-Kpow-vo ndóò tosanin mí niáà caŋ, mí mɔnɛi ndíì luɛi niaa, mí niáà sendin tembeltan, mí niáà vownun volɔɔla nɔɔlɛilan.

O Kandɔɔ 37:34

O kon, mó sɛɛsiaa volɔɔla ndɔla cuɛinanndan, mó yiinun volɔɔla biisilan o caŋ, mó caŋ po ndɔɔ taw.

2Korɛntea 13:1

Kɔla yàándɔlan ya co laan ni, le niaa yilɔɔ. O dɛnɛ oo dɛnɛ nin, fɔ mì seiya a ŋiɔn te kon te a yaa a timbi seilen malan sɔɛi ndɔɛi i dimin.

Dɛnnda kiilaa 2:32

Nduyɛ, mí Hala mingi Yeesu ya co hoo sɔɛi ndɔɛi dimio-o yoomu, naa kpow n co lesei.

Nsaŋ 15:27

niaa bɛɛ la timbinin seilen a ya o kɔɔ, kani naa niaa co latulu kabi o tasendɔ ni.»

Matie 18:16

Kɛ te o tui nɔm diom te, veelu vana pilɛ, te kon te vanaa ŋiɔn le sɔɛi kalɛi kpede toosiaa seiya a ŋiɔn, te kon te a yaa o hɔl.

Cɛɛŋɔnnda Yeremi lan 2:10

Kaasoŋaa kɔlkalua co Siɔn-nda co icali lɛŋ, a mei kpili. A cii loolio vownɔn o lebol, má vownun volɔɔla biisilan. Cuaa laandua Yerusalɛm a tundu bolle lɛŋ.

SƐBƐ YƆB-O 16:15

I sɔndu bɔlɔɔ le yáw nuu kumbɔɔ a ndu. I co bollen yukpuliaa o cundoo nin.

1Dɛnnda lemasalan 21:16

Mí David heelu hɔlla, mó ca mɛlɛkanɔ Hala-o, o va halataalaa a lɛŋnden tɛɛn, mɔɛi cɔwve va ndu o ba, i ve o boo nin te. Mó muli ndi hɔlla a kpengii kobio Yerusalɛm. O kon, mí David a kaasoŋaa kɔlkalua va a yalala yuululan lekɔɔ-a deli, má kuumbu hɔlla lɛŋ.

Kundalan 11:26

Vanpiaandua pum va nda ŋiɔn, Ɛldad nda Medad. A va o vanaa ndáà hɛli-a tɛɛn, kɛ ndáà kue o cɛi-kola-toandaa-labɔɔŋianndo sondoo le, má lo o dɔ́ɔ́ngɔ́ɔ̀ nin, mí kɔl Hala-o hun toal nda coo nɛɛ nda va kan o dɔ́ɔ́ngɔ́ɔ̀ nin-nda, má can sɔɛi o kpaaya Hala-o bɛngu maa vanaa-tɛɛngaa-diom Hala.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda kiilaa 3:15

Mí la tosa, má dii vana nɔ yoomoo o ba-o, kɛ mí Hala mingi ndu yoomu fulaa vanvílɛ́iya tɛɛn. Naa n co seiya ni.

Daniɛl 12:7

Mí langbanɔ va kon a kola keesoo lekɔɔ-o heelu balan coo, mó mɛnan o diola Vana co yoomu le fɛɛn a fɛɛn-ndo lan, mó dimi aa: ‹Dɛnndan-ndan la viawnin háá le vɔsilan tan yáá a tálá. Lɔ́ɔ́ kpaaya vanaa diandaa cuunin itambu-o, la cuunin ni.›

Tɔŋ miingua 17:6

Kɛ fɔ mì seiya a ŋiɔn, te kon te a yaa a timbi fɔlɔn seilen maa lende o tosa ni, malan niaa dii ndu. Seile vana pilɛ le tiw le vanndo diyɔɔ le.

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

1Korɛntea 12:28

Lelan, o vanaa laalannda tɛɛn, mí Hala kɛsi fɔlɔn kiilaa, diinndɔɔ vanaa-tɛɛngaa-diom Hala-a, yàándɔɔ vanaa pɛɛkaa. O kon kɔɔli, vanaa tosa dɛnnda kaamaalan-nda, o nda kɔɔli, vanaa nɔ kela singiaa lan-nda, vanaa mala vannda-a, simlacia a vanaa sɔaa o sɔɔn mangalan celen nin-nda.

Nsaŋ 3:27

Mí Nsaŋ muli aa: «Vanacieo nɔla ɲɛ-ɲɛ sɔlaa le, te o co mì ɲɛ kon yɔngun ndu fulaa o halataala le.

2Samiɛl 3:31

Mí David dimul Yoab a vanaa va ndu kɔɔli-a kpow aa: «La sɛɛsiaa volɔɔla niaalan, mì la vownun volɔɔla yuululan le Abnɛr caŋndo.» Masaa David pila va kɔlan sángá ndáà heelu Abnɛr coo-o kɔɔli.

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

2Masaa 19:1

Masaa Esekia tueyɔɔ dɔ́ɔ́ kona kon, mó sɛɛsian volɔɔlan lekɔɔ, mó vownun volɔɔla biisilan, mó kɔa o Cɛi-Mɛlɛka-o nin.

Nehemi 9:1

O paale bidiin a lehiɔɔlundɔlen coo o paangii pilɛi ken nin, mí Israɛlla cuungian le sumndo biyɔɔ. Má vownun volɔɔla yuululan, má suinun vɛlɛ loolio o lebol.

Condii lisai 69:11

I co caŋndo, i co sumndo biyɔɔ, le ken nda co ya bɛɛlan tɛɛmbuuo ni.

Yeremi 1:10

I vem nɔm hau o vanaa-mangalaa-isɔɔa lo, mà kuel masɛi, haliko ma suingi, ma koombiaa, ma diw, ma tɛɛmbuu, Kɛ ma cɔw, ma tɔl.»

Esekiɛl 4:6

Lɔ́ɔ́ n ciinin palɛi ken-ndo, a hini vɛlɛ o ba kɛndɔɔ coo, a cua yɔŋ vɔɔn polale Yuda len o palɛi belehiɔɔlu bɛngu. I kilu nɔm paalen lepilɛ le vɔsi oo vɔsi.

Daniɛl 7:25

O diminin sɔɔn vɔɔnndon a Ó-Hiow-Ɲɔɔn-Kpow-vo, mò saangiaa vanaa diandaa Ó-Hiow-Ɲɔɔn-Kpow-vo-a. O tofanin le tɔŋndo a telenndan mangalaa, vanaa diandaa malnunnin ndu o ba le telenndan tan yáá a tálá.

Daniɛl 8:14

Mó mulul-la aa: «Fɔ mì telenndan, icɔl a idii, vàálan tan tiɔn kɛmɛ leyáá la cuu. O kon kɔɔli, cɛi-kola-toandaa diandaa Mɛlɛka-o muungu vɛlɛ o diandaa Mɛlɛka o hɔl.»

Yɔɛl 1:13

«Niaa vanaa-solia-lasálàá, la vownun volɔɔla biisilan mì la caŋ taw. Niaa co sálàlan solio o fonda-loamaa-lasálàá coo-a, la hiiliaa hiko-hiko a caŋndo. Niaa co baalaa tosaa le Hala nuu-a, la hun lɔl a volɔɔla biisilan lekɔɔ. Kani sálà co lɛ hunɔɔ o Cɛi-Hala niaa nin te, sálà mamɔi co lɛ hunɔɔ lenin te.

Yonas 3:5

Mí vannda Ninive laalan diom Hala-o. Má hivi yondaa, mí vana-vana bii sumndo, vanaa bolofaa, vanaa bala fondoa, mí nda kpow a vownun volɔɔla dɛnɛ palaalan.

Yonas 3:8

Naa kpede n bɛnda mì n vownun volɔɔla dɛnɛ palaalan. Mì vana-vana piɛi Hala a kpaaya ndɔɔ kpow, mì vana-vana mangala kela ndɔ vɔɔndo a kɔlvesɛi o co tosaa-o.

Matie 11:21

«Dɛnɛ palaa co le nɔm, nɔm Korasin! Dɛnɛ palaa co le nɔm, nɔm Bɛtsaida! Kani te dɛnnda kaamaala tosan o niaa lo lan láà tosan pɛ Tir a Sidɔn, maa o co lɛhau le ndáà vownun nin volɔɔla biisilan, mì ndáà deli o loolio nin, mì ndáà mangalan te.

Luke 10:13

Dɛnɛ palaa co le nɔm, nɔm kobio Korasin! Dɛnɛ palaa co le nɔm, nɔm kobio Bɛtsaida! Kani dɛnnda kɔndɔfilta tosan o niaa lo lan láà tosan pɛ Tir a Sidɔn, mì vanaa kan ndáà cii nin volɔɔla biisilan vownɔn, mì ndáà cii nin lɔngɔlian o loolio nin.

Dɛnnda cɔɔmuanndan 11:6

A nɔ kpaaya nda kinda halataalaa, haliko piɔɔ sia o palɛi nda co va diom Hala-o tɛɛnguo-e bɛngu loo. A nɔ vɛlɛ o nda mangala mɛnndan koovan, mà tuisi dɛnnda palaala súú-súù ka o lɛŋnden coo telen nda yeema-o-o.