Dɛnnda cɔɔmuanndan 11:19 - BII BILA

¹⁹ Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.

Dɛnnda cɔɔmuanndan 11:19 Referans Kwoze

Dɛnnda cɔɔmuanndan 16:21

Mí loeon bɛndu-bɛndon can o halataala, mí n deli vanndacieea coo. Mí vannda va sɔɔn tanan dimio a Hala le kpundɛ loeon deliaa kon, kani sangaa pila nda sɔla o dɛnɛ kon nin ni.

Esekiɛl 38:22

I kialunin yamɛi ndɔɛi, mì tuisi ndu nàà n'kɔnyaa coo, mì diw vanaa ndɔa. I tuisinin piɔɔ pɔ̀lɔ̀-pɔ̀lɔ̀ɔ́, loeon delian, yinnden a fungoo ndu pila coo, vanaa ndɔa cɔwva coo a vanaa sɛ́lɛ́ bɛndua vanin a ndu latulu-a kpow coo.

Dɛnnda cɔɔmuanndan 4:5

Mí ɲɔɔ va fulaa o kpɛŋɛ lemasa kalaa maa piɔɔ-volia, a diomndan maa diomnda mataŋ. Fitinalan lapum la va sandei o kpɛŋɛ lemasa kalaa hɔl-ndɔ, lan la co kɔlta ŋɔmmɛwla Hala lan ni.

Dɛnnda cɔɔmuanndan 8:5

O kon mí mɛlɛkanɔɔ cua bonyii fuusɛi ken, mó pei ndi a yinnde o cua o fonda-loamaa-lasálàá len, mó viaw lɛŋ. Mí taŋndan ma piɔndi, mí diomndan la soaa. Mí piɔɔ voli, mí lɛŋnden le ɲiiya.

Esai 30:30

O kon, Mɛlɛka solinin diom ndɔ lemasaa mò deŋi o kɔl ndɔ tuw bɛndoo nin, o cɔmnin ba ndɔ co o bɛɛndianndo le lɔɔ-o, o yelenyelen yinnde bɛndoo nin, o piɔɔ pɔ̀lɔ̀-pɔ̀lɔ̀ɔ́ bɛngu, o hoeyii fùkù-fùkùei nin, o loeon delian kpungban nin.

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Kundalan 10:33

O kon mí Israɛlla faŋan o pembii Mɛlɛka-e, má kɔa palɛi ndii yáá yɛngɛsɛɛ. O palɛi yaii ken bɛngu, kesu kpemaa va kɔlan nda laci le fonda ndáà bɛnda le dɔ́ɔ́ngɔ́ɔ̀ kilaa-o nuwviaa.

Kundalan 4:15

Te Aarɔn nda poaa ndɔa cii pɛ Cɛi-Diandaa a ɲɛm ndɔn laandon simbul lende, telen niaa vanin cɔnɔnndo le kɔlan-ndo, cuavaa-imamaa Kehat-a nda hun cua niko ɲɛla lan le kɔlan a lan. À bɛnda mà pilan ɲɛm diandan mun pila nuaa sakpo le, yɔŋii nda sɔla piɔ́mndo. Vali yɔngun cuavaa-imamaa Kehat-a a cɛi-kola-toandaa-labɔɔŋianndo o kɔɔ-o co kon ni.

Kundalan 4:5

Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo,

Dɛnnda cɔɔmuanndan 16:18

Mí piɔɔ voli, mí taŋndan ma piɔndi, mí lɛŋnden le ɲiiya taw-taw, kabi vanndacieea co o lɛŋnden coo, lɛŋnden le ɲiiya vɔ lende le.

Dɛnnda cɔɔmuanndan 11:13

O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.

Dɛnnda cɔɔmuanndan 8:7

Mí mɛlɛkanɔ tasoo hɔŋ buloo. Mí loeon delian a yinnden le bingulan a koovan, mí ɲɛla lan la toal o lɛŋnden coo. Mí lɛŋnden piɔwvo kundalan tan yáá, o pilɛ ŋɔa, mí yɔmnde piɔwvo kundalan tan yáá, o pilɛ ŋɔa, mí bil oo bil ŋɔa.

Esai 32:19

O va bɛɛ aa mì bundɔɔ siɔŋ o piɔɔ loeon deliaa bɛngu, mì kobio piɔl mò dɔɔnan taw.

Esai 28:2

Kani tofa vɔ, Maalii nɔ langbanɔ mayoomu nɔ kpaayaa-o o ba, kpaaya ndɔɔ co maa piɔɔ loeon deliaa, maa hoeyii fùkù-fùkùi tɛɛmbuu ɲɔɔn-nde, maa piɔɔ hoeyii bɛndu tosa mi mɛnndan ma pɛ o peela pɔmbɔlan, mi ma va ɲindɔɔ taw-ve. O ɲindunin mɔsil lemasa kon lɛŋ dí a kɔltuwvo.

Esekiɛl 13:11

Lelan dimul vanaa co kan kpakio yikpaa-a maa kpaki kon hun kombanin! Piɔɔ bɛndu-bɛndoo sianin. I tuisinin loeon delian mì hoeyii fùkù-fùkùei pesipesi ndu kpede.

Condii lisai 105:32

Mí Mɛlɛka tuisi nda loeon delian coo maa piɔɔ, mí yinnden le tiw o lɛŋnde ndalen coo kpow.

Condii lisai 18:12

Mɛlɛka va o viannan o ɲumma n'kpungban nin maa o cɛi-kola-toandaa nin, mí yumbuyumbu yim-yimndo balu ndu maa mɛmma yingilaa.

Yosue 10:11

Mɛɛ nda va Israɛlla ɲaanɔnndo, cɔnɔnndo Bɛt-Hɔrɔn le tolɔɔ lekɔɔli, mí Mɛlɛka va nda loeon delian mɛlio o lebol háá Aseka, má vu taw. Vanaa loeon mun diw-va ndáà hiow vaa sɛ́lɔ́ɔ́ a vanaa Israɛlla diw a mɔɔn cɔwvon-nda.

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Esekiɛl 13:13

Ɲɛ Maalii Hala dimi-o co hoo ni aa: «I tuisinin hoeyii fùkù-fùkùei o kɔl ni tuwvo nin. O kɔl ni fulaa nin, i tuisinin piɔɔ bɛndu-bɛndoo, mì loeon deli a kɔltuwvo le ɲɛ-ɲɛ yoomaa ciiyo diwvo kpede.

Dɛnnda cɔɔmuanndan 4:1

O kon kɔɔli, mí mɛɛndan, mí ca dioo pum o kumbiaa o halataala. Mí diom ya tuei sɔɛi o tasendɔ o ya lo maa diom bulu-o dimi aa: «Hel nanu, mì cɔm nɔm ɲɛ hun yɔŋnunnin lɔ́ɔ́ lepum-ndo.»

Dɛnnda cɔɔmuanndan 7:15

Lelan nda co o kpɛŋɛ lemasa Hala-o hɔl-ndɔ ni, mà va ndu biiloo paalen a ɲumndan o cɛi ndɔɔ biilaa nin. Vana co o kpɛŋɛ lemasaa nin-ndo co nda cɛi-kola-toandaa ndɔɔ tondɔɔ coo.

Dɛnnda cɔɔmuanndan 12:1

Mí tɔɔmasele bɛndoo pum cɔmnun o halataala: vanalanɔɔ a volɔɔlan lekɔɔ maa lepala, paangei va ndu o pelon bɛngu, ndóò nɔ mɔsil lemasa nɔ loeon tɔ́ a n'miun-ndo o lebol.

Dɛnnda cɔɔmuanndan 16:1

Mí tuɛi diom bɛndoo pum fulaa o Cɛi-Hala-o nin, mó dimul mɛlɛkaa ŋɔmmɛvaa kan aa: «La kɔ cuiŋi ɲɛ co o taalala kólaala ŋɔmmɛwla kɔltuw Hala-o nin-ndan o lɛŋnden coo.»