Dɛnnda cɔɔmuanndan 11:15 - BII BILA

¹⁵ Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 11:15 Referans Kwoze

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

Dɛnnda cɔɔmuanndan 10:7

maa palɛi nda tuɛinin mì mɛlɛkanɔ ŋɔmmɛwndɔɔ kanndu buloo hɔŋndo-e, dɛnɛ kaamaa Hala-o peelunnin, maa mɛɛ ndóò dimul vanaa ndɔa baalaa yɛ, vanaa-tɛɛngaa-diom Hala-a pɛɛn.

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

Luke 1:33

O vanin masalen tosaa polale Yakɔb len coo le fɛɛn a fɛɛn, masale ndɔle len le nɔnin lamɛɛlu le.»

Fulaa 15:18

Mɛlɛka co masaa le fɛɛn a fɛɛn ni.»

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Dɛnnda cɔɔmuanndan 16:17

Mí mɛlɛkanɔ ŋɔmmɛwndɔɔ cuiŋi ɲɛ va o taala kólaa ndɔɔ nin-ndo o hoeiye nin, mí diom bɛndoo pum soaa o fonda diandaa fulaa o kpeŋɛ lemasaa aa: «I cuu tosan!»

Hebreea 1:8

Kɛ le po ndɔɔ mó dimi aa: «Àá Hala! Masale nɔmnden le co le lɔ́ɔ́-lɔ́ɔ̀. O sandei nin n co vanaa nɔmnda masalen tosaa coo ni.

Misee 4:7

I siinguunin a voosian kan-nda ɲɛ tɔ̀ lo yoomu-o, mì siinguu a co a saŋnannda-a vanaa-mangalaa-isɔaa kpaayaa. O kon ya Mɛlɛka, i tosanin masalen nda coo o pembei Siɔn coo le fɛɛn a fɛɛn.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

Esai 9:7

«Maalii yɔngu cuavaa Yakɔb-a yoongoo, mí yoongu kon del Israɛlla coo.

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Esekiɛl 37:25

A calnin o lɛŋnde ya yɔngu sindɛ Yakɔb vana baala nuu len nin, lɛŋnde fuɲaa ndaa va icali nin-nden pɛɛn. Kandɔɔ a nda pila, cuavaa ndaa a cuavaa ndaa mamaa, a vanin icali o lɛŋnde len nin le fɛɛn a fɛɛn, nduyɛ David vana baala nuu vanin simlacinɔ ndaa le lɔ́ɔ́-lɔ́ɔ̀ ni.

Esai 27:13

Paale len a hɔŋnin bulu bɛndoo, o kon, vanaa va ɲawvo o lɛŋnde Asiri len nin-nda a vanaa va o ɲaanɔnndo nin o lɛŋnde Esipte len nin-nda hunnin, mà hun baŋ vulan Mɛlɛka o labɛngunin o pembii diandɛi coo, Yerusalɛm ciee.

Condii lisai 146:10

Mɛlɛka co masa fɛɛn-fɛɛndo ni. Niaa vanaa co Siɔn-nda, ndu co Hala niaa le lɔ́ɔ́-lɔ́ɔ̀ ni. La lisa ndu!

Condii lisai 110:4

Mɛlɛka cii mɛnan aa: «Nɔm, a vanin vana-solia-lasálàá le fɛɛn a fɛɛn maa Mɛlkisedɛk.» O mangala lɛnin sɔɛi ndɔɛi ken te.

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Condii lisai 2:2

Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Dɛnnda cɔɔmuanndan 9:13

Mí mɛlɛkanɔ ŋɔmpumndɔɔ hɔn buloo. Mí tuɛi diomndo fulaa o kpɛɔn hiɔɔlun co o fonda-loamaa-lasálà n'siani co Hala laci-on tɛɛn,

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Dɛnnda cɔɔmuanndan 8:12

Mí mɛlɛkanɔ hiɔɔlundɔɔ hɔŋ buloo. Mí paalen piɔwvo kundalan tan yáá, kundaa pilɛ piimiaa. Mí paangei piɔwvo kundalan tan yáá, kundaa pilɛ piimiaa, a loeon piɔwvo kundalan tan yáá, kundaa pilɛ piimiaa, mí ɲɛ-tengaa lepalaa baa pilɔɔ o kundala yàálan nin piimiaa, mí i tosan lende a ɲumndan.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Daniɛl 7:22

háá telen Bɛndu Yuu Masindɛ-Sindɔɔ hin le yamɛi kiolɔɔ-o, mó ke vanaa diandaa Ó-Hiow-Ɲɔɔn-Kpow-vo-a di. Mɛɛ telenndo tiiya, mí vanaa diandaa sɔla masalen.

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

Esai 44:23

Niaa co o halataala-a, la dɔwnun ɲaale, kani Mɛlɛka tosa isɔɔ! Niaa co o lɛŋnden bɛngu di-di-a, la deŋi a kɔlkɛndɔɔ! Niaa pembon, la piɔndi a yoondiaala kɔlkɛndɛlan! Niaa bundɛlan bɛɛ, la dɔwnun ɲaale a yɔmii niɛi kpow! Kani Mɛlɛka baŋa polale Yakɔb len. O cɔm biilu ndɔɔ o cuavaa Israɛlla nin.

Luke 15:6

o muungu o ndu lo. O kon kɔɔli, o kɔ veelu caaŋaa ndɔa a vanaa nda cɛɛlan-nda, o dimul nda aa: ‹La mala ya ɲaaloo, kani i saalun saa ni óò lo-o.›

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Condii lisai 82:8

Éé Hala, cɔn ma kelu lɛŋnden iyama, kani vanaa-mangalaa-isɔɔa kpow, kɛ́ nɔmndo nda co ni.›»

Abdia 1:21

Vanaa baŋa vannda-a helnin o pembei Siɔn coo le masalen tosaa o pembii Esau-ve coo. O kon Mɛlɛka vanin masaa kpeekpei.

Matie 24:31

O viamnin mɛlɛkaa ndɔa a diom bulu bɛndoo, mà mɔɔsiaa vanaa o hɛli-a fulaa o kpengun hiɔɔlun ceendo, cɔnɔnndo o halataalaa mɛɛlulan kɔlan tiiyaa háá o mɛɛlulan kpengei pilɛi.»

Dɛnnda kiilaa 4:26

Le yɛɛ masaa lelɛŋnda co yɛ cɔnɔnndo mà va cuungianndo nda simlacia le Mɛlɛka nda Vana o pɔla-o simullo?›

Esekiɛl 47:5

Mó tuu vɛlɛ tiŋndo bandei dunndo vàá pilɛ, mí ca maa o ve lɛ pee pɔmbɔ yáà tiwba taŋɔɔ le, kani mɛnndan maa yingila taw, fɔ mì vanáà del nin a saanaa le man taŋɔɔ. O ve lɛ pee pɔmbɔ vanáà nɔla lɛ taŋɔɔ le.