Dɛnnda cɔɔmuanndan 1:5 - BII BILA

⁵ a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda cɔɔmuanndan 1:5 Referans Kwoze

Condii lisai 89:27

O veelunin ya mò dimi aa: Nɔm co fuɲa nuu ni, Hala nuu, pow kpova co vana ciindiaa nuu-o.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Dɛnnda cɔɔmuanndan 17:14

A cɔlɔbanin saa téndóó, kɛ mì saa téndé kon nɔla nda, kani ndu co vana bɛndu vanaa bɛndua a masa masaa ni. Vanaa sɔla veeloo-a, a sɔla hɛlio-a a vanaa lo o lediom coo-a vanin latulu a ndu, mì nda bɛɛ nɔla ndu.»

Kolɔsea 1:18

Ndu co diallon bollen ni, kunda vanaa laalannda pɛɛn. O ndu nin yoomu sɛnɛiyo kandun ni, ndu co Po tasoo ni, vana tase muungu yoomu fulaa vanvílɛ́iya tɛɛn-ndo, haliko mo yɔŋnun vana tasoo o nɛilan kpow coo.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

Dɛnnda kiilaa 26:23

Kon co ni maa mɛɛ mì Krista ndóò sanga, mì ndóò yɔŋnun vana tasoo le tendullo fulaa vanvílɛ́iya tɛɛn, mì ndóò dimul Yuifia a vanaa co N'Yuifi le-a sɔɛi ɲɛ-tengaa yɔngu vana cindaa sɔlaa-o.»

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

1Nsaŋ 4:10

Kaola ndɔ kon co yɛ hoo ni aa: o co naa le n kaola Hala le, kɛ ndu kaola naa ni, mó viam Po ndɔɔ, mó yɔŋnun sálàá le hakila naalan faŋaa.

Nsaŋ 18:37

O kon mí Pilate ɲuna ndu aa: «Mɛɛ masaa n co lekɛ́ndɛi ni?» Mí Yeesu muli aa: «Nɔm pila cii dimi, masaa ya co ni. Lelan ya velun ni mí hun o ceendo coo, haliko mi tɛnda seile toɲalen. Vana-vana yeema pɛ toɲaa, ndu bii sɔɛi nii ni.»

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 7:14

Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Matie 28:18

Mí Yeesu sɔɔnguu, mó dimul nda aa: «Kpaayaa kpow yɔngun ya o halataala a o lɛŋnden coo.

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

1Timote 6:15

Kon tosannin telen Vana Duaa, Vana hiow masalen-ndo, Masa hiow masaa kpow-vo, Vana kùndaa hiow vanaa kùndaa kpow-vo kelu-o.

Efɛsea 2:4

Kɛ nduyɛ, vana iɲíí bɛndoo Mɛlɛka co ni. Le tùú o kaola naa taw-vo,

Efɛsea 5:2

Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Daniɛl 7:14

Mí vanabɛnduyɛi, masalen a bɛɛlen le yɔngun ndu. Mí vannda súúlan kpow, vanaa-mangalaa-isɔɔa a vanaa soaa sɔɔn mangalan yɛ́-yɛ́ɔn-nda a tosal ndu baalaa. Vanabɛnduyɛi ndɔɛi co le fɛɛn a fɛɛn, i cuu lɔ́ɔ́-lɔ́ɔ̀ le. Masale ndɔlen le tembunin fɛɛn a fɛɛn te.»

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Esai 55:4

Tofa vɔ: i siinguu ndu seiyo le vanaa súúla celen. I kɛsi ndu maa simlacinɔ le vanaa súúla celen masalen tosaa coo.

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Nsaŋ 15:9

Mɛɛ Pua kaola ya yɛ, lende ya bɛɛ kaola niaa ni. La lo o kaola nuu nin.

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Tɔŋ miingua 7:8

kɛ le tùú Mɛlɛka kaola niaa taw-vo, le tùú o yeema le kpema o yiilu fuɲaa niaa mamaa mó mɛnalan nda-o peeloo-o, lelan o puu niaa Faraɔnnɔɔ, o co masaa Esipte-o o ba a kpaayaa ni, mó soli niaa o celen nin.

Rɔmnda 8:37

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

Nsaŋ 13:34

I co niaa sila sɛnɛiyo yɔngu: la kaolian vellaa-velle. Maa mɛɛ ya kaola niaa yɛ, niaa bɛɛ la kaolian lende.

Nsaŋ 3:32

a ɲɛ o ce mó tuɛi-yo o kɔɔ o co seilen timbio ni, kɛ vana-vana co seile ndɔlen cɛlɔɔ le.

Nsaŋ 3:11

I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.

Tɔŋ miingua 23:5

Kani telen niaa faŋan Esipte mí la va hunɔɔ-o, a kue niaa bɔŋa nɛi-tɛɛn a ɲɛdiaa a á mamɛn te few. Kɛ má hiaw Balaam po Beɔr-o kɔɔli a volion, má cua ndu Petɔr o lɛŋnde Mesopotamii len nin, má hun a ndu le niaa dangaa dɔvɔɔ.

Daniɛl 2:2

Mó viam vannda le vanaa viamaa yavaa, vanaa soaa a loeon o kɔɔ-a, mandea a vanaa mangalaa súúlan kpow veeloo, haliko mi ndáà hun cɔm ndu lɔma o sɔl-lan. Mɛɛ nda hin, má cɔmnun ndu.

Condii lisai 51:2

Telen David suunda a Bat-Seba mí Natan vana-tɛɛngaa-diom Hala-o komal ndu-o, ndu David soli condei he ni:

Talelan 14:5

Sei toɲaa dimi lacòòvaa le, kɛ sei lacòòvaa ndu còòlan kínɛí o dimi ni.

Matie 20:28

Lende Po vanacieo hin ni. O hín mì vana tosal ndu baala le, kɛ le vannda baalaa tosallo a le yoomu ndɔɔ yɔngoo le vanaa bɔɔ-bɔɔ baŋaa.»

Nsaŋ 3:16

Kani Hala kaola ceendo háá mó yɔngu Po ndɔ pilɔɔ, haliko vana-vana laalan ndu pɛ, o kue o ɲánndávàà le, kɛ o sɔla yoomu fɛɛn-fɛɛndo.

Rɔmnda 3:25

Ndu Hala hɛli le siŋnɔnndo sálà-baŋaa a kooma ndɔan ni. O kon, mí piɔ́m ndɔɔ tosa mí vanaa laalan ndu-a kpow a sɔla malɔɔ lahakio

Hebreea 10:29

Vɛ̀ɛ̀ kpeekpei ɲɔɔ va yɛnin niko le vana pɛɛsa sɔɛi Po Hala-o-a? Vana cì kooma Yeesu baŋa ndu a hakio-an ɲɛ-ɲɛ loo pɛɛn? Hala Kɔl-Diandaa cɔm naa kɛndɛi Hala-e-o o pilan tana lende ni.

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

Dɛnnda cɔɔmuanndan 11:3

I viamnin seyaa nia ŋiɔnda, a vanin a volɔɔla dɛnɛ palaalan lekɔɔ, mà tɛɛnguu diom nda sɔla Hala o ba-o o palɛi vàá pilɛ kɛmɛ lediin belaŋɔmpumii (1 260) ken bɛngu.»

Dɛnnda cɔɔmuanndan 19:11

O kon mí ca halataalaa o kumbianndo, mí so humboo fula. Vana va lecoo-o diolan aa Vana toɲaa a Vana lo o lediom coo-o, o co yamɛi kiolɔɔ o sandei nin, mo va cɔlɔbaa.

Tɔŋ lasálàá 13:58

Te sɔŋ vaa lende fula pɛ o volɔɔ cuɛinanndo coo, o va o volɔɔ toosian a funnden-ndo coo, te kon te o ɲɛ toosian a yáw visio-o coo, mà tɔɔ volɔɔ kon mì sɔŋ kon faŋan, fɔ mà tɔɔ ndu vɛlɛ tɔɔ diinndɔɔ haliko mo siŋnun volɔɔ diandaa.»

Tɔŋ miingua 18:2

Nda sɔlanin kɛ́ layondo puapilɛa ndaa Israɛlla tɛɛn te. Mɛlɛka co kɛ́ ndaa ni maa mɛɛ ndu pila dimul nda yɛ.