Dɛnnda cɔɔmuanndan 1:18 - BII BILA

¹⁸ I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Dɛnnda cɔɔmuanndan 1:18 Referans Kwoze

Rɔmnda 6:9

Kani n sínà maa tendul Krista tendul hoo mó fula vanvílɛ́iya tɛɛn-ndo, o vi lɛnin te, piɔ́mndo nɔ lɛ kpaaya oo kpaaya ndu coo le.

Hebreea 7:25

Lelan, Yeesu nɔ kpaayaa le vanaa tiindan ndu le sɔɔnguuo Hala ikɛi-ya ciindiaa le fɛɛn a fɛɛn. Kani o co yoomu le lɔ́ɔ́-lɔ́ɔ̀, o tiwba mo va lɔ́ɔ́-lɔ́ɔ̀ Hala ɲɔɔloo le nda.

Condii lisai 68:20

Biiloo co le Mɛlɛka lepalaa-lepala, o co naa kpekulan solio lepalaa-lepala-o. Hala kon co Vana ciindiaa naa ni.

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Esai 22:22

I handunin kii cɛi masaa David-e ndu o congú. O kumbi pɛ, vana-vana kindanin ndu le. O kinda pɛ, vana-vana kumbinin ndu le.

Hebreea 12:2

N tofan Yeesu tuŋ. Ndu o ba laalanndo kandun ni, ndu o ba o mɛɛlu ni. Mó cɛl le vuo o yɔm singafilaa coo, o ci siɛmbula lan ɲɛ-ɲɛ le. Kani o va ɲaale o va hunɔɔ sɔla-o cɔu, nduyɛ sunsun o co icali Hala o ba kɛndɔɔ coo.

Matie 16:19

I kenin nɔm kiin masale halataala len: ɲɛ n yii pɛ o lɛŋnden coo, ndu yiinunnin o halataala, o n timbi pɛ o lɛŋnden coo, ndu timbinnin o halataala.»

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Dɛnnda cɔɔmuanndan 4:9

Telen oo telen ɲaa yoomaa kan va pɛ vana co icali o kpɛŋɛ lemasaa coo-o, o co kon yoomu le fɛɛn a fɛɛn-ndo biiloo, ma va ndu bɛɛlen keo a ndu balikaa mello,

Hebreea 7:16

O siŋnun vana-solia-lasálà a yiyan ivanacieeya le, kɛ a kpaaya yoomu nɔ lamɛɛlu loo.

2Korɛntea 13:4

I co toɲa, maa lɔ́ɔ́ nda baŋ ndu o yɔm singafilaa coo-o, oo nɔ mayoomu le. Kɛ sisa, o co yoomu o kpaaya Hala-o bɛngu. Lende koni naa bɛɛ n co ni, n nɔ mayoomu le, kɛ n co yoomu o ndu nin o kpaaya Hala-o bɛngu.

SƐBƐ YƆB-O 19:25

«Ya ya, i sina maa vana ni baŋaa co yoomu, o mɛɛlulan, ndu cannin ni mò sim o lɛŋnden nden coo.

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Nsaŋ 14:19

O lo ɲɛ-pɔmbɔ, ceendo ci lɛnin ya le, kɛ niaa, la canin ya, kani i co yoomu, niaa bɛɛ la vanin yoomu.

Kolɔsea 3:3

Kani la vi, mí yoomu niaa va o vianaa a Krista latulu o Hala nin.

Condii lisai 18:46

Nda kpow, a fula mayoomu, a co fulaa a ɲiiyaa nɛɛ nda va a viannannda-a.

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.

1Samiɛl 2:6

Mɛlɛka yɔngù piɔ́mndo ni, ndu koni yɔngù yoomoo ni. Ndu tuisi vana ciee-piɔ́m ni, ndu koni soli vɛlɛ vana ciee-piɔ́m ni.

SƐBƐ YƆB-O 38:17

Diola co le luɛyɔɔ ciee-piɔ́m ndan la cɔmnun nin nɔm? Vɛ̀ɛ̀ a ce nin pá diola vunduma piɔ́mndan?

Matie 11:23

Nɔm Kapɛrnaum yɛ, a helnin pá háá o halataala? Kɛì-kɛì bɛɛ! A sɔlanin tuisio háá ciee-piɔ́m. Kani te dɛnnda kaamaala tosan o nɔm ndo lan láà tosan pɛ lɔ́ɔ́ kon Sodɔm, maa kobi kon ndóò va vɔ hau.

Luke 24:5

Mí siòònde bii nda, má tundu hɔlla lɛŋ. Mí vanaa kan ɲuna nda aa: «Le yɛɛ nɛ niaa co yɛ vana co yoomuo nuwviaa vanvílɛ́iya tɛɛn?

Nsaŋ 11:25

Mí Yeesu dimul ndu aa: «Ya co tendul vanvílɛ́iya a yoomoo ni. Vana laalan ya pɛ, o vanin yoomu, hali o vu bɛɛ.

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Dɛnnda cɔɔmuanndan 10:6

mó mɛnan o diola vana co yoomu le fɛɛn a fɛɛn-ndo lan, o cɔw halataalaa a ɲɛm co lenin-ndon, lɛŋnden a ɲɛm co lecoo-on, mɛmma ihɛllan a ɲɛ co lenin-ndo maa o ve lɛnin sɔɛi yom lɔ́ɔ́ le,

Dɛnnda cɔɔmuanndan 15:7

Mí o pilɛ o ɲaa yoomaa hiɔɔlua tɛɛn yɔngu mɛlɛkaa ŋɔmmɛvaa kan taalala kólaala n'sianilan laŋɔmmɛw, la va lapiaalan cá-cá a kɔltuw Hala co yoomu le fɛɛn a fɛɛn-ndo.

Dɛnnda cɔɔmuanndan 20:13

Mí mɛmma ihɛllan ma soli vanvílɛ́yaa va lenin-nda, mí piɔ́m a ciee-piɔ́m-ndo soli vanvílɛ́yaa va lon-nda, mí yamɛi ndɛi kiolu mɛɛ dɛnnda ndalan la va yɛ.