Dɛnnda cɔɔmuanndan 1:17 - BII BILA

¹⁷ Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Dɛnnda cɔɔmuanndan 1:17 Referans Kwoze

Esai 44:6

Mɛlɛka, masa Israɛlla a vana nda baŋaa soo, Mɛlɛka-Nɔ-Kpaayaa-Kpow-vo dimi aa: «Ya co vana tasoo ni, ya co vɛlɛ vana mɛɛlaa ni, o ya kɔɔli, Hala celen co le!

Dɛnnda cɔɔmuanndan 22:13

Ya co Alfa a Omeka ni, vana tasoo a vana mɛɛlaa, kandɔnndo a mɛɛlulan.

Esai 41:4

Nɛ̀ɛ́-nɛ̀ tosa yɛ dɛnndan ndan? Nɛ̀ɛ́-nɛ̀ tosa yɛ lende? Ndu veelu lambilan kabi o kandɔɔ-o ni. Ya Mɛlɛka ni, ya va o tasoo a lambila taselan ni. Ya koni vanin vɛlɛ a la mɛɛlaalan ni.

Esai 48:12

Niaa cuavaa Yakɔb-a sei, niaa cuavaa Israɛlaa ya veelu-a sei, la yaŋ-ndɔ nillan o sɔɛi nii! Ya ni, ya co vana tasoo ni, ya koni co vɛlɛ vanaa mɛɛlaa ni.

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Esekiɛl 1:28

Mɛɛ ninginangaa fula o yumbuyumboo coo a paale piɔɔlen nuaa yɛ, lende ɲɛ-tengaa ndóò kilan yɛwve ndu balɔɔ sɔ́-o va ni. Biilu Mɛlɛka-o ndóò cɔmnun kon lende kpendekele ni. Mɛɛ ya ce ɲɛ kon, mí del lɛŋ, mí kuumbuu hɔlla lɛŋ. O kon, mí tuɛi diom vanacieo sɔɛi o ya lo.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Daniɛl 10:15

O va ya sɔɔn mun dimullo, mí tundu hɔlla lɛŋ, mí mei kpili, i nɔla sɔɛi le.

Dɛnnda cɔɔmuanndan 1:11

mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Matie 28:4

Mí siòòŋii bɛnduei bii kpalilla, má vow, má muungu maa n'vanvílɛ́i.

Daniɛl 10:12

Mó dimul-la aa: ‹Siòòŋii bíì nɔm te, Daniɛl, kani kabi paale tasele n yiyan le sɔɔn co yɔŋnɔnndo-on sinaa a le tuisinndo tootoo Hala o hɔl-ten, mí Hala tuɛi nɔm diom. Lelan ya hin o nɔm ndo ni.

Fulaa 20:20

Mí Moise mulul nda aa: «La yɔŋ isiòòn te. Le niaa tɔɔndanndo Hala hin ni, haliko mi la nɔ bɛɛle ndɔlen, yɔŋii niaa tosa hakio.»

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Nsaŋ 21:20

Piɛr mulinndo, mó cannun kaandennɔ Yeesu ndóò kaola-o nda kɔɔli, ó va o sɛɛŋan Yeesu o ibuŋ telen nda va ɲɛdiaa icɔllo dioo mi ndóò ɲuna Yeesu-o aa: «Maalii, nɛ̀ɛ́-nɛ̀ mal-lɛnin nɔm vannda o ba?»

Nsaŋ 13:23

Kaandennɔ pilɛ, o Yeesu ndóò kaola taw-vo va ndu Yeesu icali ikɛi,

Habakuk 3:16

Ya, i tuei vooko-vooko kon mí yɔŋnun yoloma-yoloma. Cɔcɔn ɲiiya ya kpà-kpà, mí paalan la sia ya o n'dial, I co ɲiiyaa tuŋ, i co nɔla kpeŋanndo le. I co cumndo háá mì ce paale dɛnɛ palaalen, paale naa n kɔ delnin vanaa co naa delɔɔ coo-a coo len.

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Matie 14:27

Fɔ́ɔ́fɔ̀, mí Yeesu dimul nda aa: «La ɲulul kɔltan, ya ni, siòòŋii bii niaa le!»

Matie 28:5

Kɛ mí mɛlɛkanɔɔ cua sɔɛi, mó dimul vanlaandua aa: «Niaa, siòòŋii bii niaa le. Kani i sina maa Yeesu nda baŋ o yɔm singafilaa coo-o niaa co nuwviaa ni.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Condii lisai 139:5

A cii ya balɔɔ sɔ́, a co ya laci, a co ya kɔɔli, ba nɔmndo co ya coo.

Cɛɛŋɔnnda Yeremi lan 3:57

Paale ya veelu nɔm le ya malaa len, má sɔɔnguu, má dimul-la aa: ‹Yɔŋ isiòòn te.›