Dɛnnda cɔɔmuanndan 1:15 - BII BILA

¹⁵ pelon maa daɲan diw o yin-ndon, diom ndɔɔ maa diom mɛmma bɛndu.

Dɛnnda cɔɔmuanndan 1:15 Referans Kwoze

Esekiɛl 43:2

Mí ca biilu Hala Israɛlla va sɔɔnguuo fulaa a ba paalen le can-ndo. Diom ndɔɔ va maa diom mɛmma bɛndu, mí lɛŋnden le va tengaa a biilu ndɔ kon.

Daniɛl 10:6

Kɔɔle ndɔlen le va maa pow krisolite, hɔlaa ndɔa va maa piɔɔ-volia, hɔlta ndɔlan maa yinnde biyaa. Congúla ndɔlan a pelun ndɔn va n'diandaa maa daɲan kpɔlɔkaa, diom ndɔɔ maa diom sɛ́lɛ́ bɛndu.

Dɛnnda cɔɔmuanndan 14:2

Mí tuɛi diomndo pum o halataala maa diom mɛmma bɛndu, maa piɔndi bɛndu letaŋ. Diom ya va yɛ tueyɔɔ-o, vanáà ca ko bɛɛ aa bangalan vanaa lɔaa labangaa va lɔɔ ni.

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

Condii lisai 93:4

Kɛ nɔm, a hiow diom mɛmma bɛndu kon, a hiow iyokpanyokpaŋii mɛmma ihɛl-lo. Mɛlɛka co coocoo-o nɔ kpaayaa.

Esekiɛl 1:7

Pelun ndan va n'sandaa sanaa-sanaa, bɛngula ndala kɔltan la va maa buukula naw téndé, la va volio ŋɛlɛngi-ŋɛlɛngi maa daɲɛi kpɔlɔkaa.

Esekiɛl 40:3

Mɛɛ o kɔɛ a ya a ba too lon, mí ca langbanɔɔ pum lon, hɔlla va ndu maa idaɲa, kɛi kola keesoo pilɛ a tindaa o pilɛ va ndu o ba le tuuvo, o va isisi o dio kobi kon ikɛi.

Esai 17:13

Vanaa-mangalaa-isɔɔa a co tombolaa, ivóólun-vóólunnde mɛɛ mɛmma bɛnduan ma soli diomndo nuaa yɛ. Kɛ Mɛlɛka vueinun nda ma ɲaanun polon. A sɛŋin mɛɛ hoeyii fula o pembei coo-e saŋ foeende nuaa yɛ, mɛɛ hoeyii felenfelennde saŋ cundoo nuaa yɛ.

Esekiɛl 1:24

Te ndáà va pɛ kɔlan, yáà tuei kumbannda ndalan diom maa mɛɛ mɛmma bɛndu-bɛnduan ma và kuŋndo nuaa yɛ, maa mɛɛ diom Vana-Kpaayaa-Kpow co yɛ. Vanáà tuɛi ko ɲɔɔ sɔɛi ivɔkɔ-vɔkɔɛi aa bɔɔluu vanaa cɔwva ni. Te ndáà sim pɛ, ndáà liima kumbannda ndalan.

Dɛnnda cɔɔmuanndan 10:1

Mí ca mɛlɛkanɔ celen tolɔɔ fulaa o halataala, ndóò nɔ kpaayaa. Yumbuyumboo va ndu o balaa sɔ́. Ninginangaa ndóò kilan ndu yɛwve o lebol pindo, hɔlla va ndu maa lepala, mí pelun ndɔn va maa sungbuma leyin.