Dɛnnda cɔɔmuanndan 1:13 - BII BILA

¹³ ɲɔɔ pum va isisi o ɲɛla-kɛsiaa-lafitinala lan tɛɛn maa vanaciee. Doma va ndu lekɔɔ-o ndóò tol háá o pelon, a yáwle n'sianilen o takpa.

Dɛnnda cɔɔmuanndan 1:13 Referans Kwoze

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Daniɛl 10:16

O kon mí ɲɛ yoomaa va maa vanaciee-o pilan cɔcɔn nun, mí kumbi sondoo le sɔɛi, mí dimul vana va ya isisi laci-o aa: ‹Maalii nuu, i ɲiiya, siòònde bii ya taw le vundule ya ce len-nden. I fula mayoomu few-few.

Dɛnnda cɔɔmuanndan 15:6

Mí mɛlɛkaa ŋɔmmɛvaa dɛnnda palaala ŋɔmmɛwlan la va o laba-a fula o cɛi kon nin, kolala keesela diandaala few-fewlan la va nda lekɔɔ, a yavii n'sianiei nda o latakpa.

Dɛnnda cɔɔmuanndan 14:14

Yáà tofaa, mí ca yumbuyumbu humboo, vanndo va icali o yumbuyumbu kon coo, velanndo ndu a Po vanacieo. Ndóò nɔ mɔsil lemasaa n'sianio o lebol, vɔlɔtɔ luɛyaa va ndu o ba.

Tɔŋ lasálàá 8:7

Mó vow Aarɔn doma lebɛngoo, mó yii ndu yáwlen, mó vow ndu doma bɛndoo, mó vow ndu doma ifalenndo lecoo, mó yii yáwve o doma ifalen kon coo,

Daniɛl 7:9

«I va tofaa tuŋ, mí ca kpɛŋɛla lemasalan lakɛsiaa, mí Bɛndu Yuu Masindɛ-Sindɔɔ hun cal. Volɔɔla va ndu lekɔɔ lan la va lahumbu maa kola fengbɔ. Yiiŋii va ndu o lebol-le va ihumbu maa yiiŋii saa humbu. Kpɛŋɛ lemasaa va o piaa a yelenyelen leyinndo. Bɛngula tiilannda kpɛŋɛ kon la va maa yinnde bɛndu.

Esai 11:5

Dɛnɛ sandaa vanin yáwle ndɔle sayiannden ni, toɲaa vanin yáwle ndɔle kandan o caŋ-nden ni.

Hebreea 4:15

Bolle vanaa-solia-lasálà naa n nɔ-o nɔ ɲíí nɛi. Kani fúú le, o sínà maa n nɔ kpaaya le. Kani ndu bɛɛ mó sɔla tɔɔndanndan o nɛi oo nɛi coo mɛɛ naa n co tɔɔndanndan sɔlaa yɛ, kɛ o tosa haki kɛ́-kɛ̀ le.

Fulaa 39:5

A kola pilɛ nda sɔndu doma ifalenndo-o koni nda sɔndu vɛlɛ yáwle vana kandan o doma kon coo len ni. Má tosa yáwle len a kola nda lɔ a kɛila nda yin a kaan-ndan, a kɛila siaŋala sɔɔtɔtɔlan, a kɛila siaŋala vólotótolan, a kola keese kɛndɛ-kɛndɔɔ a á kɛila n'sianila lan maa mɛɛ Mɛlɛka ndóò dimul Moise yɛ.

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa: