Dɛnnda cɔɔmuanndan 1:11 - BII BILA

¹¹ mo va ya dimullo aa: ‹Sɛva ɲɛ n co cɔw-vo o sɛbɔɔ nin, mà yoo kundala ŋɔmmɛwlan ndan: Efɛs, Smirne, Pɛrkam, Tiatir, Sarde, Filadɛlfii a Laodisee.›

Dɛnnda cɔɔmuanndan 1:11 Referans Kwoze

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Dɛnnda cɔɔmuanndan 1:4

Ya Nsaŋ co vanaa laalaŋaa co o kobila ŋɔmmɛwla co o tàndá Asii-o nin-ndan sɛvallo ni: Màá kɛndɛi a kɔlɲuloo yɔngun niaa fulaa vana co-o, ó va-o a vana co hunɔɔ-o o ba, fulaa kɔlta ŋɔmmɛwla co o kpɛŋɛ ndɔ lemasaa hɔl-ndɔ lan,

Habakuk 2:2

Mì Mɛlɛka mulul-la aa: «Sɛva o ya co nɔm cɔmndo-o, sɛva ndu o pɛngɔn coo le mɛɛ vana tiwba ndu dimio vakpa yɛ.

Yeremi 30:2

«O Mɛlɛka Hala Israɛl-lo dimi-o co hoo ni aa: ‹Sɛva sɔɔn ya dimul nɔm-ndon kpede o sɛbɔɔ nin.›»

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Dɛnnda cɔɔmuanndan 3:7

Sɛval mɛlɛkanɔ vanaa laalannda Filadɛlfii aa: «Ɲɛ vana co O-Diandaa mo nɔ toɲaa-o, vana nɔ kii David-e o ba-o, o kumbi vana-vana kinda loo, o kinda vana-vana kumbi loo co dimio-o co hoo ni aa:

Dɛnnda cɔɔmuanndan 2:18

«Sɛval mɛlɛkanɔ vanaa laalannda Tiatir aa: ‹Ɲɛ Po Hala-o, o nɔ hɔltan maa yinnde biyaa, mì pelon va ndu volio maa n'daɲa-o dimi-o co hoo ni aa:

Dɛnnda cɔɔmuanndan 2:12

«Sɛval mɛlɛkanɔɔ vanaa laalannda Pɛrkam aa: ‹Ɲɛ vana nɔ mɔɛi cɔvii sondola tiɔɔŋii cɛɛŋɛi o ba-o dimi-o co hoo ni aa:

Dɛnnda cɔɔmuanndan 2:8

«Sɛval mɛlɛkanɔ vanaa laalannda Smirne aa: ‹Ɲɛ vana co vana tasoo a vana mɛɛlaa-o, vana ndóò vi mó muungu yoomu-o dimi-o co hoo ni aa:

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Esai 30:8

Lelan Esai, kɔ sɛva sɔɔn o pɛngɛi coo nda Israɛlla o hɔl, sɛva mun o sɛbɔɔ nin haliko mi n va seilen le siɔdii lacio háá le fɛɛn a fɛɛn.

Dɛnnda cɔɔmuanndan 21:5

O kon mí vana va icali o kpɛŋɛ lemasaa coo-o dimi aa: «I co ɲɔɔn kpow mingi n'sɛnɛi.» O kon mó dimi aa: «Sɛva sɔɔn mun, kani sɔɔn vana bɛnda le laalanndo-on a sɔɔn toɲan n co ni.»

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Dɛnnda cɔɔmuanndan 14:13

O kon mí tuɛi diomndo pum fulaa o halataala aa: «Sɛva aa: ‹Dɛnɛ kɛndɔɔ co kandɔn sisa le vanaa vi o Maalii nin-nda!› Kɔl-Diandaa dimi aa: ‹Dɛnɛ kɛndɔɔ co le nda. A sɔlanin pɛngio le baala nda co-o, kani dɛnnda kɛndɛla nda co tosaa lan ka kɔanin nda kɔɔli ni.›»

Dɛnnda cɔɔmuanndan 10:4

Mɛɛ taŋma ŋɔmmɛwma man ma deŋi, i va le ɲɛ ma dimi-o sɛvaa, kɛ mí tuɛi diomndo pum dimio o halataala aa: «Mandan sɔɔn taŋndan man ma dimi-on o kɔl, sɛva mun te.»

Dɛnnda cɔɔmuanndan 1:19

Lelan sɛva ɲɛ n ce-o, o n co cɔu-vo a ɲɛ hun yɔŋnunnin o kon kɔɔli-o.

Dɛnnda cɔɔmuanndan 1:8

Maalii, Hala-Nɔ-Kpaayaa-Kpow-vo dimi aa: «Ya co Alfa a Omeka ni, vana co-o, ó va-o a o co hunɔɔ-o.»

1Timote 1:3

Lɔ́ɔ́ ya va kɔlan Maseduan-ndo, mí sila nɔm le lou Efɛs, haliko ma kpaa vanaa pum, mà pɛngi pɛɛkula lacòòvalan yɔngoo.

Tɔŋ miingua 31:19

Lelan, la sɛva condei he. Nɔm Moise pɛɛku Israɛlla ndi, pɛɛku nda condei he solio haliko mi condii kalɛi va seilen Israɛlla a ya Mɛlɛka tɛɛn.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

1Korɛntea 16:8

Kɛ i lonin Efɛs háá mì kafo koavaa tiiya,

1Korɛntea 15:32

O dimi ivanacieeyaa nin, te vanvílɛ́iya a muungu lɛnin yoomu le, ɔ́ɔ̀ tɔnɔ naa sɔla mí n simul visia yondoa, mí n cɔlɔba nda Efɛs-o? Mɛɛ vanaa pum a dìmì yɛ aa: «N dionnun mì n kolnun, kani n co hunɔɔ vu siɔdii.»

Dɛnnda kiilaa 20:17

Pol lo Milɛt, mó veelu kaasoŋaa kɔlkalua va o kunda vanaa laalannda tɛɛn Efɛs ciee-a.

Dɛnnda kiilaa 18:24

Mí Yuifinɔ pilɛ, diolan Apolɔs, fulaa Alɛksandrii tiiya Efɛs. Ndóò caa sɔɛi taw, ndóò sina vɛlɛ Sɛbɛ-Hala-o ɲɛkɛndɛi.

Dɛnnda kiilaa 16:14

Vanalanɔ pilɛ va nda tɛɛn diolan Lidi, fulaa o kobio Tiatir. Kolala siaŋala volototola báà kalalan ndóò pisi ni, o va Hala piɛiyo. O va naa nilan yaŋɔɔ, mí Mɛlɛka kumbi ndu kɔllo le ɲɛ Pol va dimio-o tueyɔɔ ɲɛkɛndɛi.

Kolɔsea 2:1

I yeema mì la sínà cɔlɔba bɛndu ya co le niaa, le Laodisea a le vanaa sínà vɔ ya bɛɛ le-a-o,

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»

Dɛnnda cɔɔmuanndan 2:1

Sɛval mɛlɛkanɔ vanaa laalannda Efɛs aa: «Ɲɛ vana nɔ loeon ŋɔmmɛwvon o ba ndɔ kɛndɔɔ-o, o co balɔɔ o ɲɛla-kɛsiaa-lafitinala ŋɔmmɛwla n'sianilan tɛɛn-ndo dimi-o co hoo ni aa:

Dɛnnda cɔɔmuanndan 2:24

Kɛ niaa vanaa tɔ̀a kɛ́-kɛ̀ lo Tiatir lá vow n'pelu o pɛɛku kon nin te-a, maa mɛɛ nda pila dimi yɛ, niaa síná yingila dɛnnda Setana lan te-a, i co niaa dimul, i siiluu lɛnin niaa volɔɔla celen te.

Dɛnnda cɔɔmuanndan 3:4

Kɛ nduyɛ, a nɔ vannda pum Sarde, a nɔɔliaa volɔɔla ndala cuɛinanndan te-a. Nda nda, n kɔanin naa ndaa latulu o volɔɔla humbulan nin, kani nda bɛnda le ken ni.

Dɛnnda cɔɔmuanndan 22:10

O kon mó dimul-la aa: «Viaŋ sɔɔn Hala cɔm nɔm mun, mí n va o sɛbɔɔ ho nin-ndon te. Kani telenndo cuu nin sɔɔnguu.

Dɛnnda cɔɔmuanndan 22:16

Ya Yeesu, i vim niaa mɛlɛkanɔ nuu le niaa sɔɔn mun cɔmndo kundala vanaa laalannda tɛɛn. Ya co pulun David-on ni, o polale ndɔlen coo ya fula ni, ya co loei tenga idii-ye ni.»