Dɛnnda cɔɔmuanndan 1:10 - BII BILA

¹⁰ Mí Kɔl-Diandaa cua ya o paale Mɛlɛka len coo, mí tuɛinun diom bɛndoo kɔɔli maa diom bulu,

Dɛnnda cɔɔmuanndan 1:10 Referans Kwoze

Dɛnnda cɔɔmuanndan 21:10

Mó kɔa a ya o kɔllo nin o pembii bɛndui vilɛi-vilɛiye pum coo. Mó cɔm ya Kobi diandaa, Yerusalɛm pɛɛn, o va fulaa coocoo o Hala lo.

Dɛnnda cɔɔmuanndan 17:3

O kon mó kɔa a ya o kɔllo nin o lɛŋnde veselɛilen nin. Mí ca vanalanɔɔ pum icali o visi siaŋa sɔɔtɔtɔɔ coo, kɔɔle visi kon le va le pooɲɛilen poosoo a sɔɔn tanan, ndóò nɔ bolle ndii ŋɔmmɛw a leelan tɔ́.

Dɛnnda kiilaa 20:7

O paale tasele lɔ́ɔ́ coo, mí n bɔɔŋian le ɲɛdiaa dioo, mí Pol va sɔɛi o vannda lo. Ndóò yeema le hiovɔɔ diimandɔɔ, mó lo pɛɛkoo háá di-tɛɛndo.

1Korɛntea 16:2

O niaa tɛɛn, vana-vana kɛsi ɲɛ pum landɔ o ndu lo cɛinin mɛɛ o tiw ba yɛ le hunɔɔ a ndu o paale tasele co o lɔ́ɔ́ o lɔ́ɔ́ bɛngu len, haliko la cum telen ya kɔanin-ndo le ɲɛm mun cuungiaa le.

Nsaŋ 20:19

Paale len le va paale taselen o lɔ́ɔ́ kon nin ni, diolan la va lakindaalan nɛɛ kaandennda va-a, kani siòònde va nda a Yuifia. Mí Yeesu hun, mó sim nda tɛɛn, mó dimul nda aa: «Màá la sɔla kɔlɲuloo!»

Matie 22:43

Mí Yeesu ɲuna nda aa: «Le kɔlɔ yɛɛ David veelu yɛ ndu niko o kpaaya Kɔl-Diandaa bɛngu aa: ‹Maalii›? Kani telen pilɛ mó dimi-o aa:

Nsaŋ 20:26

Palɛi ŋɔmaa o kon kɔɔli, kaandeŋaa Yeesu-a va vɛlɛ cɛinin, Tomas va latulu a nda. Mí Yeesu hun, diolan la va la kiindiaa lan, mó sim nda tɛɛn, mó dimul nda aa: «Màá la sɔla kɔlɲuloo!»

Kundalan 24:2

Mɛɛ o tofa, mó ca Israɛlla icali a kundalan o dɔ́ɔ́ngɔ́ɔ̀ nin. O kon, mí Kɔl Hala-o toal ndu coo.

1Korɛntea 12:3

Lelan i yeema mì cɔm niaa maa vana-vana Kɔl Hala-o co pɛ nin, o dimi le aa: «Màá Yeesu dɔwnun danga!» Lende koni, vana-vana tiwba mò dimi le aa: «Yeesu, Maalii o co ni», te Kɔl-Diandaa co ndu nin te.