Filemɔn 1:7 - BII BILA

⁷ Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Filemɔn 1:7 Referans Kwoze

2Korɛntea 7:13

Lelan naa n sɔla ɲɔɔloo o dɛnndan ndan kpow nin ni. Handɔɔ o kon coo, mí ɲɔɔ hɛnan naa taw le ɲaale Tite dɔwnun a niaa, mó komal naa a kɔlkɛsiaa le biyɔɔ kɛndɛ niaa kpow bii ndu-o.

1Tesalonikea 3:9

N sínà bɛɛ mɛɛ naa n mel Hala balika le niaa le, kani la yɔngu naa ɲaaloo o lakɔl ndu o hɔl.

2Korɛntea 7:4

I laalan niaa taw, nduyɛ i nɔla mì kelu yongaa a niaa o kɔɔ. I co ɲɔɔloo sɔlaa o sangalan nin kpow, i co a kɔlkɛndɛ bɛndoo.

Filemɔn 1:20

O ya yeema nɔm o ba o Maalii nin-ndo co kon ni, puapilɛ nuu, ɲulul-la kɔllo o Krista nin.

1Tesalonikea 2:19

Kani niaa naa n tiindan ni, o niaa nin naa n dɔawnun ɲaale ni. Telen Maalii Yeesu hunnin-ndo, niaa vanin tɔɔmasele cɔ̀m maa n nɔla-o ni.

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

2Timote 1:16

Màá Mɛlɛka tuinun yungu Onesifɔr-o iɲíí, kani o co ya ɲɔɔloo cuɛi-cuɛi, siɛmbula co ndu vɛlɛ biyɔɔ le co ya co o yɔlɔn-ndo le.

1Tesalonikea 2:13

N co vɛlɛ Hala balikaa mello lɔ́ɔ́-lɔ́ɔ̀, kani la bii sɔɛi ndɔɛi niaa tuei naa o lasondo-e, la bii ndi maa sɔɛi n'vanndaciee le, kɛ mí la bii ndi mɛɛ i co sɔɛi Hala-e lekɛ́ndɛi yɛ, sɔɛi co vanaa laalannda baalaa tosaa nin-nde.

1Tesalonikea 1:3

Nduyɛ, n co loonɔnndo lɔ́ɔ́-lɔ́ɔ̀ a laalan niaa laalan Hala Fuɲa naa-o, o niaa co cɔmndo o dɛnndan nin mì la va baalaa tosaa o kaolaa nin-ndo pɛɛn, a le tiindan kpeekpei niaa tiindan Maalii Yeesu Krista-o.

1Korɛntea 16:18

Kani a ɲulul-la kɔllo má ɲulul kɔlta niaalan. La biilu vanaa vaa lende-a.