Filemɔn 1:16 - BII BILA

¹⁶ O co lɛ maa cɛ daama le, kɛ hiovɔɔ o kon coo, maa puapilɛ vana kaola taw-vo o co nin ni. I kaola ndu taw, nduyɛ, i laalan maa nɔm kaolanin ndu vɛlɛ hiovɔɔ o ya coo, a kaolanin ndu o vanacieeyɛi nin, mà kaola ndu vɛlɛ maa puapilɛ nɔmndo o Maalii nin.

Filemɔn 1:16 Referans Kwoze

Kolɔsea 3:22

Niaa cɛa, la bii sɔɔn vanaa niaa bɛndua o falon nin, o dɛnndan kpow nin, o va ko telen nda co niaa hɔlten-ndo daama le, yɔŋii o va maa le vanndacieea hɛnanndo kínɛí niaa co baalaa ni, kɛ o va a kɔlta niaalan kpow le bɛɛle niaa nɔ le Maalii len.

Matie 23:8

Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

1Timote 6:2

Cɛa co vanaa ndaa bɛndua laalan-nda o ba-a bɛnda mà kɛɛ nda bɛɛlen ke le tùú nda co puapilɛa ndaa o laalanndo nin-ndo le. Kɛ o bɛnda mà tosal nda baalaa ɲɛkɛndɛi le tùú nda co vanaa laalaŋaa nda kaola-a o, kani o nda lo tɔnɔ vali nda kon co lakɔ ni. Sɔɔn n nɔ le pɛɛkoo mà sila vannda-on n co mun ni:

1Korɛntea 7:22

Kani vana sɔla pɛ veeloo Mɛlɛka o ba telen o co cɛɔ-vo, o sɔla hɔ́ɔ́yɛi Mɛlɛka o ba. Lende vɛlɛ koni, vana vannun pɛ o hɔ́ɔ́yɛi nin telen o sɔla veeloo-o, mɛɛ cɛ Krista-o o co ni.

Hebreea 3:1

Lelan puapilɛa nia vanaa laalannda, niaa Hala veelu-a, la tofa Yeesu, ndu Hala vem le vaa bolle vanaa-solia-lasálàá ni, o naa n co sɔɛi ndɔɛi dimio-o.

Dɛnnda kiilaa 9:17

O kon, mí Ananias kɔa, mó kɔ luɛi cɛinin, mó handu Sol balan coo, mó dimul ndu aa: «Puapilɛ nuu Sol, Maalii Yeesu vem ya ni, o cɔmnun nɔm o nɛi lɔ́ɔ́ n va hunɔɔ-o, haliko mi hɔlta nɔmndan la kumbin vɛlɛ, mà pɛ a Hala Kɔl-Diandaa.»

1Nsaŋ 5:1

Vana-vana laalan pɛ maa Yeesu co Krista ni, mɛɛ ndu velun o Hala nin, vana-vana kaola pɛ fuɲaa, kaolaa o kaola vɛlɛ cuavaa fuɲa kon velu-a ni.