Osee 9:7 - BII BILA

⁷ Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Osee 9:7 Referans Kwoze

Misee 7:4

Vana hiow vaa fisa o nda tɛɛn-ndo, maa yɔm n'yɔɔn ndu co ni. Vana hiow nda sandei-yo, maa bɔ̀ɔ̀ n'yɔ ndu co ni. Paale dɛnɛ palaale niaalen le tiiya nuaa ni, paale kpalilaa niaa dimi len, vanaa-tɛɛngaa-diom Hala-a pɛɛn. La co nihau a kɔl isiòòndo.

2Masaa 9:11

Mí Yehu fula, mó muungu nɛɛ simlacia vana ndɔ bɛndoo va-a. Má kɔ ɲuna ndu aa: «Vɛ o co sɔɛi vɔɔn te? Yɛɛ nɛ vana seemɛi kon ndóò hin yɛ tosa o nɔm ndo?» Mí Yehu mulul nda aa: «Niaa pila sina langbanɔɔ ho a sɔɔn fula ndu o sondo-on!»

Marke 3:21

Vanayan Yeesu-on tueyɔɔ lende, má hun le ndu cuaa, kani a va dimio aa: «O co lɛhau o ndu pila nin te.»

Esekiɛl 13:3

Ɲɛ Maalii Hala dimi-o co hoo ni aa: Dɛnɛ palaa co le vanaa-tɛɛngaa-diom Hala-a pe lebol te-a, a co delɔɔ yiyannda ndalan kɔɔli hali mà ci ɲɛ-ɲɛ le-a.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 10:15

Ɲɛ fondoo fúú nda co ni, baala n'taaninndo. Telen Mɛlɛka cannin le mɔnɛ soli a nda-o, a co hunɔɔ itambu kpow.

Esai 10:3

Yɛɛ nɛ niaa tosa yɛnin o paale dɛnɛ palaalen coo? Vɛ̀ɛ̀ niaa yɔŋ yɛnin lɔ́ɔ́ dɛnɛ palaa cannin levil mò tol niaa coo-o? O nɛ̀ɛ́-nɛ̀ lo niaa ɲaanun yɛnin le malaa sɔlaa? Nduyɛ nɛ niaa mɛi yɛnin biilu niaa?

2Korɛntea 5:13

Te vanaa seemɛiya naa n co lekɛ́ndɛi ni, mɛɛ le Hala naa n seema lende ni. Kɛ te o va yɛ pɛ maa vanaa sim bolle-a naa n co ni, mɛɛ le niaa naa n co lende ni.

Luke 21:22

Kani palɛi ken Mɛlɛka mingulnin vanaa ndɔa maa ni, haliko mi ɲɛ sɛvan-ndo peelun.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Esekiɛl 13:10

Kani a co vanaa nia laasiaa, hali telen kɔlɲulu co loo, a co vanaa nia dimullo aa kɔlɲuloo co. A co a kɔlkɛndɔɔ o kpaki vanaa nia cɔwvo nin. Tofa vɔ, a co ndu yikpaa.

Yeremi 29:26

Mɛlɛka siinguu nɔm vana-solia-lasálàá o fonda Yehoyada vana-solia-lasálàá-o ni, haliko ma nɔ hɔlten o Cɛi-Hala-o coo le vanaa siingun nda pila vanaa-tɛɛngaa-diom Hala-a. A saalun nda pɛ, a baa nda yɔlɔn, a vow nda cilinndon o labolo.›

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Sofoni 3:4

Vanaa kuundiannda a vanaa yiyaa ladúmbúa vanaa tɛɛngaa-diom-Hala-a ndɔa co ni. Vanaa-solia-lasálàà ndɔa co ɲɛ siŋnun teengen le Hala-o lebɛɛ ke le, a co tɔŋndo tɛɛmbuuo.

Amɔs 8:2

Mí Mɛlɛka ɲuna ya aa: «Amɔs, yɛɛ nɛ n co yɛ cɔu?» Mí muli aa kambɛiyo ya co cɔu a yɔmii koamɛi diuvɛi lenin ni.» Mí Mɛlɛka dimul-la aa: «Mɛɛlulan la tiiya le vanaa nia, cuavaa Israɛlla pɛɛn, i hiw lɛnin laci a nda hakio malɔɔ le.

Osee 9:8

Kɛ kpalilnɔ co mɛɛndanndo le cuavaa-imamaa Efraim-nda-o, vana-tɛɛngaa-diom Hala-o pɛɛn, o co nda Hala nuu latulu. Nɛɛ-nɛɛ o kɔɛ pɛ, a co ndu yaŋɔɔlan hendullo, a co ndu ciŋilanndo háá o Cɛi-Hala ndɔɔ nin.

Esekiɛl 38:23

Lende ya cɔmnin bɔɔbɔɔyɛi nii a diondɔɔ nuu ni. I cɔmnin vanaa-mangalaa-isɔɔa sɛ́lɛ́a vana ya co-o, o kon má sina maa ya co Mɛlɛka ni.›»

Esekiɛl 25:17

I mingulnin nda màála bɛndula kɔltuwlan. O kon telen ya mingulnin nda màá lende-o, a sinanin maa ya co Mɛlɛka ni.»›

Yeremi 46:21

Vanaa cɔvaa mialaa Esiptea co salaa le cɔwvo tosaa-a co o biilu bɛndu nin. Kɛ hali nda, a kɔannunnin, a ɲaanunnin nda ndaa latulu. Vana-vana simulnin lɔ́ɔ́ paale dɛnɛ palaalen le komal nda-o le, paale ya tuisinin nda sangaa coo len pɛɛn.

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Yeremi 11:23

Vɔsi ya cannin le vannda Anatɔt dɛnɛ palaa tuisio coo-o, vana-vana helunnin o nda tɛɛn te.»

Yeremi 8:11

A co pavii cua nuu pulɔɔ sɔvɛ le, vanaa nia pɛɛn. A co dimio aa: «Kɔlɲuloo, kɔlɲuloo», kɛ kɔlɲulu co le.

Yeremi 6:14

A co boolɔnnda vanaa nia cɛw mɛɛ o bɛnda yɛ le, a co dimio aa: «Kɔlɲuloo! Kɔlɲuloo! Kɛ kɔlɲulu co le.

Esai 44:25

I tɛɛmbuu tɔɔmaselela vanaa-tɛɛngaa-diom halaa lacòòvaa. I hiŋ vanaa dimi siɔdii lacio-a bolle. I ɲindu vanaa kɔlkalua aa makɔɔ, mí siinguu kɔlkalu ndaa diɔmnde.

Esai 34:8

Kani paale mingiaa màálen le co len le Mɛlɛka ni, vɔsi tɛinanndo co kon ni le màá Siɔn-ndo mingio.

Esai 26:11

Òó Mɛlɛka, ba nɔmndo co o heelaa, kɛ nda a co ndu cɔ le. Kɛ a canin dialun fulaan nɔmndon le vanaa nɔmnda, o kon siɛmbulan la toalnin nda. Yinnde n kɛsi le yaamɔaa nɔmnda lomɔɔlen le loamnin nda ma cuulu mungén.

Yeremi 23:13

Mí ca dɛnnda nɛinun ya lan vanaa-tɛɛngaa-diom Hala-a tɛɛn, o diola hala Baal tan nda va sɔɛi ni, mà luei vanaa nia o pɔwlan nin, Israɛlla pɛɛn.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

Esekiɛl 9:10

Lelan ya bɛɛ, i tosanin iɲíí a nda le. I mɛinin vana-vana le, i tuisinin sangala dɛnnda nda tosa lan nda pila coo.»

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 5:9

Polale Efraim-nden le tambunin paale ya tuisinin nda dɛnɛ palaa coo len. Sɔɛi ya co hee Israɛlla dimullo-e hun tosannin lekɛ́ndɛi.