Osee 9:6 - BII BILA

⁶ Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Osee 9:6 Referans Kwoze

Osee 10:8

Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Osee 9:3

Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Osee 8:13

O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Esai 7:23

O palɛi ken nin, fonda oo fonda rɛsɛnndon va pɛ n tɔalaa coo tumndan vàá pilɛ, mì vɔngu fonda kon bɛnda volin latámán vàá pilɛ, fonda kon malnunnin mì hɛɛnndon a siɛmbulle vil lon.

Osee 11:11

A cannin Esipte mà hin a ɲiiyaa maa n'yow. A cannin o lɛŋnde Asiri len nin mà hin a kiltan maa n'poonpoon. O kon, i kɛsinin nda mà cal o cɛila ndalan nin. Ya Mɛlɛka soo lende ni.»

Osee 7:13

Dɛnɛ palaa co nda cum le ɲaanɔn nda ɲaanun ya-o! Mɔnɛi co nda laci le tùú nda simul-la-o! Yáà yeema le nda ciindiaa, kɛ còòlan kposon nda co ya dimullo ni.

Esai 34:13

Yɔɔn vulnin o cɛila lemasala co o lɛŋnde len nin-ndan nin, siɛmbullon a suusiaa lakolaa vulnin o fondala mayoomulan nin, le siŋnunnin bɛ̀mɛ́lta tivolla a calta duaa.

Esai 32:13

Kani yɔɔn a siɛmbullon vulnin mì n tiw o yondola vanaa niaa coo a co cɛila kɔlkɛndɛla kobi connun hoo o ɲaaloo nin-ndo nin kpow.

Esai 27:12

O palɛi ken nin, Mɛlɛka lɔaanin kullon mì n cɛɛlun, kandɔɔ o pee bɛndoo, kɔlan tiiya háá o pee pɔmbɔɔ Esipte, o kon niaa cuavaa Israɛlla, a cɔwviaanin niaa a pilɛn-pilɛnnda!

Esai 19:13

Cuaa lemasaa Soan siŋnun vanaa seemɛiya, cuavaa lemasaa Nɔf luɛi o diɔmii sondo vesɛiye. Vanaa co bolii lapangɛi-ya laasiaa lɛŋnde Esipte len.

Esai 11:11

O palɛi ken nin, Maalii siɛndinin vɛlɛ ba ndɔɔ o diinndɔɔ le vanaa ndɔa tɔ̀a lonin-nda baŋaa, a co a saŋnannda Asiri, Esipte, Patrɔs, Etiopii, Elam, Sinear, Hamat a o tiŋnda co o mɛmma ihɛllan tɛɛn-ndan nin-nda.

Talelan 24:31

Billo vannun lenin nɛɛ-nɛɛ ka, vanáà ci ɲɛ-ɲɛ celen te fɔ yɔɔn. Kunga lapowvo ndu va o delaa.

Condii lisai 107:34

mò mingi lɛŋnde tɔlɔɔlan la naŋ nin-nden lɛŋnde ihɛlten, te vanaa co o lɛŋnden coo-a kela pɛ kela vɔɔnndo pɛɛn.

2Masaa 13:7

Vanaa cɔvaa Mɛlɛka ndóò mel Yoahas daama-a va haa ni: vanaa ɲaanun o soa coo-a n'van beleŋuɛɛnu, ɲɛla ɲaanannda soa nan-ndan tɔ́ a vanaa tosa cɔwvo a n'pelu-a vaalan tɔ́. Kani mí masaa Aram ndóò diw nda taw, mó mingi nda maa cundu vannda kei nɛw a n'pelu-o.

1Samiɛl 13:6

Lɔ́ɔ́ Israɛlla ce maa dɛnɛ palaa co nin hunɔɔ le nda delɔɔ coo-o, mí vannda kɔa vionnɔnndo o powta kpovalan bɛngu, o buululan nin, o bɔɔlan bɛngu, o bóltan nin a o soonndan nin.

Yeremi 2:16

Hali vannda Nɔf a haa Tapanɛs, a co nɔm kpokpoo yunga.

Yeremi 42:22

Mɛɛ la sina niko maa la co cuu o mɔɛi cɔwve bɛngu, a yima fofolan te kon te a nàà n'kɔnyaa o lɛŋnde niaa kɔanin nden calle len nin.»

Yeremi 44:1

Mí Mɛlɛka soaa o Yeremi lo le Yuifia co icali Esipte o kobilan Mikdɔl, Tapanɛs, Nɔf a o tàndàá Patrɔs nin-nda tɛɛngullo. Mí Yeremi dimul nda aa:

Yeremi 46:14

«La yonda sɔɛi he Esipte, mì la tosa mì vannda sina ndi Mikdɔl, Nɔf a Tapanɛs! Mí la dimul nda aa: ‹La bɛɛndian mì la sim yili!› Kani a cii vanaa balu niaa-a bɛlubɛluu a cɔwvo.

Yeremi 46:19

Niaa vannda Esipte sei, telen niaa bɛnda le volɔɔla niaalan dovio le kɔlan o biyɔɔ nin-ndo co hoo ni. Kani kobio Nɔf piɔlnin mò siŋnun pɔmndo, vana venin lenin te.

Esekiɛl 30:13

Nuaa Maalii Hala dimi ni aa: «I tɛɛmbuunin piɔmnda mì ɲumi halaa fondoa co Nɔf-a, simlacinɔ ve lɛnin le lɛŋnde Esipte len te. I sɛŋinin kɔl isiòònndo o lɛŋnde len kpow nin.

Esekiɛl 30:16

I malnin Esipte yin. Vanaa co o kobio Sin nin-nda ɲiiyanin a siòònde. A buuluunin tɛɛngon o kpakila kobio No. Yaamɔɔa biinin kobio Nɔf ipala déŋ.

Osee 2:6

I yeema cuavaa ndɔa le, kani o suundaa nin o velu nda ni.

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Sofoni 1:11

Niaa vanaa co Maktɛs-a, la hiiliaa, kani yulaa niaa kpow co hunɔɔ vu, vanaa co lusul n'volio tuuvo-a kpede a cuunin!

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 44:12

I biinin vanaa tɔ̀a lonin yoomu Yuda-a, a muli hɔlla le kɔlan vionnɔnndo Esipte-a, mí nda kpede a sɔla piɔ́mndo o lɛŋnde len nin o cɔwvo, te kon te a yima fofolan. Kandɔɔ a cuaambɔa kɔ bii a kaasonnda, a delinin o mɔɛi cɔwve bɛngu te kon te ma cuu a yima fofolan. Vannda cuanin nda tɔɔmaseloo le mɛnanndo, te kon te le sɔɔn lasiɛmboo dimio.

Yeremi 44:13

I simulnin vanaa kila caltan Esipte-a, mí tosa a nda mɛɛ ya tosa a vannda Yerusalɛm yɛ, mì cii nda a mɔɛi cɔwve, yima fofolan, te kon te a nàà n'kɔnyaa.