Osee 9:15 - BII BILA

¹⁵ «Laasian ndaa kpow co cɔmnɔnndo Kilkal, lon dɛnɛ ndaa kuisin ya o kɔl ni. I solinin nda o ya lo cɛinin le dɛnnda ndala kɔlvesɛilan. I kaola lɛnin nda le, kani simlacia ndaa kpow vanaa nila kalua nda co ni.

Osee 9:15 Referans Kwoze

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Osee 4:15

Éé niaa Israɛlla, la luɛi bɔɔ suundaa! Mbɔ̀ màá Yudaa nda va lɛ lende le! La kɔa o fonda diandaa Kilkal te, la hel Bɛt-Avɛn te. La mɛnan o diola Mɛlɛka yoomaa le!

Esai 1:23

Vanaa lanila kalua simlacia niaa co ni, nda co vuiya simndan kɔɔli le vuilen tosaa ni. Nda kpow a yeema bolofaa luɛyɔɔninndo, a co kiltan ikilikiliei vɔ̀ngɔ̀lan kɔɔli tuŋ! A co isɔɔ le vííya ma tosal nda dɛnɛ sandaa le, a cɛl bɛɛ mì dɛnɛ vanalanɔ pɔnɔ ndɔ vi-o tiiya o nda lo di le yamɛi kiolɔɔ le.

Amɔs 5:5

Kɛ la nuwviaa ya Betɛl te, la kɔa ya nuwviaa Kilkal te, la hiaw Bɛɛr-Seba le ya nuwviaa le. Kani Kilkal biinunnin o cɛlen nin, Betɛl tambunin few-few.

1Samiɛl 7:16

Vɔsi oo vɔsi, ndóò cɛn pɛ, ndóò kɔɛ Betɛl, Kilkal a Mispa le keiyo yaman kiolɔɔ,

Sofoni 3:3

Simlacia co o kobi kalaa nin-nda, maa yàlàá co pɛɛliaa-a nda co ni, vanaa kialaa n'yamaa co lon-nda, maa tunaa yondoa dia icɔl pii-a nda co ni, idii niko a nɔ lɛ ɲɛ nda sɔam te.

Misee 6:5

Vanaa nia sei, la yiyan-ndɔ mɛɛ Balak masaa Moab ndóò tuu le niaa dɛnɛ vɔɔndo tosallo yɛ. La loonun-ndɔ mɛɛ Balaam po Beɔr-o mulul ndu yɛ. O kon kɔɔli, mí ya pila sim niaa laci cɔnɔnndo Sitim háá Kilkal. La co sina o kon maa dɛnɛ sandaa tuŋ ya Mɛlɛka co niaa tosallo ni.›»

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Misee 3:11

Vanaa ndɔa kialaa n'yamaa co luɛyɔɔninndo cɛlɔɔ o yaman nda co kiolɔɔ-o nin. Vanaa-solia-lasálàà ndaa co vannda pɛɛkoo le salaa sɔlaa kínɛí. Vanaa-tɛɛngaa-diom Hala-a ndaa bɛɛ, le volion koni nda co nin sɔɔn vaa siɔdii dimio ni. Nda yɛ, à co cɔnnɔnndo maa le Mɛlɛka nda co ni. A co dimio aa: ‹Mɛlɛka co naa ikɛi, dɛnɛ palaa kɛ́-kɛ̀ tulnin naa coo le.›

Amɔs 5:27

Lelan ya bɛɛ cuanin niaa ni mì yɛɛ niaa o biyɔɔ nin Damas lekɔɔli. Lende Mɛlɛka dimi ni. Diola ndɔlan aa Hala-Kpaayaa-Kpow-vo.»

Amɔs 4:4

«La kɔ Betɛl mì la kɔ tosa hakilan! La kɔ vɛlɛ Kilkal mì la kɔ cɔɔlu hakilan tosa. La soli sálàlan idii oo idii, la yɔngu o-tɔ́ndɔ niaa o vɔsi yàándɔɔ coo.

Osee 9:17

«Hala nuu kɛɛnin nda, kani a bii diom ndɔɔ le. A vanin a laasiannda vanaa-mangalaa-isɔɔa tɛɛn.»

Osee 9:3

Cuavaa-imamaa Efraim-nda lonin icali o lɛŋnde Mɛlɛka len nin te. À biinin nɛiyo le muungoo Esipte. À kɔ dianin ɲɛm dian nɔɔlɛiyon Asiri.

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 4:9

Kɛ mɛɛ ya tosanin a vanaa tɔ̀a yɛ, lende koni ya tosanin a vanaa-solia-lasálàá ni. I tosanin mì dɛnnda ndalan la mingulun nda pila.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Osee 1:9

Mí Mɛlɛka dimul Osee aa: «Ke ndu diolan aa Lo-Ammi (kon co dimio ni aa «Co-Yungu-Ni-Le»). Kani niaa Israɛlla, la co lɛ yungu ni le, ya bɛɛ, i ve lɛnin ɲɛ-ɲɛ niaa le.»

Osee 1:6

Mí Komɛr cua vɛlɛ folio, mó vialu hɔ́ɔ́ laandoo. Mí Mɛlɛka dimul Osee aa: «Ke ndu diolan aa Lo-Ruhama (kon co dimio ni aa «Kaolan te»). Kani i lonin cuavaa Israɛlla koalaa tuŋ te, i ve lɛnin nda hakio malɔɔ tuŋ te!

Esekiɛl 23:18

Mó soli suunda ndɔɔ ceen vakpa, mó mal tum fondo ndɔɔ ceen kpendekele. Le hee, mí dɛnɛ ndɔɔ fula ya iyeema few-few, mɛɛ dɛnɛ bɛ ndɔ-o fula ya iyeema yɛ.

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Yeremi 11:15

Yɛɛ vana ni ya kaola taw-vo co yɛ hunɔɔ tosa o cɛi nuu nin? O co hiovɔɔ laci tuŋ a dɛnnda vɔɔnndan kuiyo. O nɔ ko o kɔl aa yoei o co baa o ya lo-e a visin sálàn o co ya keo-von n nɔla ndu dɛnɛ palaa cii kuee. O ca kaa ken solinin ndu o dɛnɛ palaa nin ni?

Yeremi 5:5

I co lakɔnnɔn o simlacia lo, mì kɔ soo o nda lo, kani nda sina nɛi Mɛlɛka-o, tɔŋ Hala ndaa pɛɛn.» Kɛ nda bɛɛ ɲɛ pilɔɔ nda co kpow ni! A mal sangala va nda coo lan kpow, má tɛɛmbuu bɛnda va nda tɛɛn nda Hala-a o.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Condii lisai 78:60

Mó faŋan o cɛi o va nin Silo-o nin, cɛi-kola-toandaa o va nin yungu ndɔɔ tɛɛn-ndo.

Yosue 10:43

O kon kɔɔli, mí Yosue nda Israɛlla kpow a muungu o dɔ́ɔ́ngɔ́ɔ̀ nin Kilkal.

Tɔŋ lasálàá 26:30

La nɛinunnin ya háá mì tɛɛmbuu sooluula niaalan, mì pesi máánnda niaala niaa loam ansan coo lan, mì handu niaa a vílɛ́iya o piɔmaa niaa piɔsiɛiya coo.

Dɛnnda kiilaa 5:21

Mí kiila tosa mɛɛ nda dimul nda yɛ. Paalen siɔu dɔ́ɔ́, má kɔa o Cɛi-Hala-o nin, má kandu vannda pɛɛkoo. Mɛɛ bolle vanaa-solia-lasálàá a vanaa va ndu ikɛi-ya hin, má veelu vanaa kialaa n'yamaa lelɛŋnda a simlacia lelɛŋnda Israɛl kpow. Má viam vannda le kɔlan kiilaa kan cuaa o kaasoo le hunɔɔ a nda.

Yeremi 12:8

Polale vanaa nia simul-la mɛɛ yàlàá kungulan o bundɔɔ nin yɛ, a co ya pɛɛliaa coo. Lelan, i yeema lɛ nda le.

Osee 12:2

Cuavaa-imamaa Efraim-nda co kiltan hoeiye kɔɔli, a co hoeyii fula a ba paalen le can-ndo-e kɔlan kɔɔli. Lepalaa-lepala a co còòlan a delɔɔcoo vangalaa. A yii kpemaa a lɛŋnde Asiri len, a co cuɛiyan pisio Esiptea o ba.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!