Osee 9:10 - BII BILA

¹⁰ «Maa rɛsɛŋun co o lɛŋnde veselɛilen nin-ndon lende ya komal Israɛlla ni, maa voosun tasen voosoo koam-ndon ya ce fuɲaa niaa mamaa ni. Kɛ mɛɛ nda tiiya dɔ́ɔ́ Baal-Peɔr, má luei balan o piɔm nɔɔlɛi kon sooloo, mí nda pila siŋnun ɲɛ vɔɔn bɛndoo ya Mɛlɛka o hɔl maa piɔm ndáà kaola kon sɛnɛi-yo.

Osee 9:10 Referans Kwoze

Osee 4:14

I saangiaanin cuavaa niaa laandua le tùú nda laasian a suunda-o le. I saangiaanin vɛlɛ laandaa poaa nia le tùú nda luɛi suundaa-o le. Kani nda pila vanaa-solia-lasálàá co yifanndo o kolokololan a vanlaandua suunndɛiya le ɲɛm dian sálàn piɔvanndo nda vanlaandua suundɛyaa co kɔlan o cɛila-halala ndalan nin-nda. Maa mɛɛ taloo dimin yɛ aa: ‹Mbɔ̀ vanaa nɔ sinapɛngu le-a nda tambu.›

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Misee 7:1

«Kpòkóó, má cè dɛnɛ palaa le ya sii! I siŋnun maa vana fula a tuma kiandaa kɔmnde levɔɔ, maa vana kɔɛ rɛsɛnndon nuwviaa tuma caanda cìì nin mun kiɔndɔɔ-o. Hali kpɔ̀nyɔ̀ɔ́ pilɛ ve lɛ le dioo le, hali voosun sɛnɛin ya yeema taw-von i pilɛ bɛɛ ve lɛ le.

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Esekiɛl 20:8

Kɛ má luɛi seesiɛi a ya, a cɛl le nilan yaŋɔɔ o diom nuu le. Vana-vana viw ɲɛ nɔɔlɛi ndóò mulul hɔlla-o le, a faŋan piɔmaa Esiptea kɔɔli le. Le hee, mí dimi le kɔl ni tuwvo cuiŋio nda coo, le kɔltuw nuu kpow tuisio nda coo o lɛŋnde Esipte len nin.

Amɔs 4:5

La lom buloo a lɛvɛnndo mì la kɔ soli sálàla niaala malaa balikalan ndon! La yonda mì la heelu diomndo le sálàla niaa kelu a yeemɛi niɛi lan solio. Kani ken niaa yeema ni, niaa cuavaa Israɛlla. Ya Maalii, ya co Mɛlɛka-o soo nuaa ni.

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Yeremi 31:2

O Mɛlɛka dimi-o co hoo ni aa: «I tosal vanaa mɔɛi cɔwve bendu-a kɛndɛi o lɛŋnde veselɛilen nin, lelan pɛngio vanin le Israɛlla.

Yeremi 5:31

Vanaa-tɛɛngaa-diom Hala-a co sɔɛi o diola hala fondoo, vanaa-solia-lasálàá nda co tɔnɔ ndaa nuwviaa tuŋ. Ɲɛ hɛnan yɛ vanaa niaa-o co kon ni. Kɛ nduyɛ o mɛɛlulan, vɛɛ niaa yɔŋ yɛnin?›»

Esai 28:4

Punga bil kɛndɛ-kɛndɛ co volio o cuɛinɔn ndɔɔ coo-o yɛ, punga bil co kon o pembii dɛɛla naŋ tɔlɔɔ-o balu-e coo-o, o vanin maa buumbun keleŋa divɔɔ-on, vana ce mun pɛ, o kɛndu mun, n tiiya dɔ́ɔ́ pɛ ndu o ba, o mɛɛnun, o mel.

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.

Masaa kialaa n'yamaa 6:32

Paale len nda ke Sedeɔn diolan ni aa Yerubaal, má dimi aa: «Baal pila ciŋilan ndu le máán ndɔ o puusiaa-o.»

Tɔŋ miingua 32:17

Má solul ɲinaa vɔɔŋaa co Hala le-a sálàlan, ɲɛm biilan ndáà sina paandu loon, má solul vɛlɛ ɲɛm biilan fula sɛnɛi-yon sálàlan, ò fuɲaa niaa ndáà ve biilu loon.

Tɔŋ miingua 32:10

O komal Israɛlla o tàndá lɛŋnde veselɛiyo nin, o fonda yilili ɲaa biyaa co kuuliaa nin-ndo. Mó cua nda le nda bɛsio, mó pɛɛku nda. Mó manda nda maa hɔlte kúlte ndɔlen.

Tɔŋ miingua 4:3

Niaa pila ce ciŋ a hɔlta niaalan ɲɛ Mɛlɛka Hala niaa tosa a dɛnɛ piɔmndo Baal-Peɔr-o. Mó diw vanaa va hala kon sooloo o niaa tɛɛn-nda.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Condii lisai 115:8

Velanndo nda pila a vanaa cɔw nda-a. Lende koni vanaa co nda tiindanndo-a co vɛlɛ ni.

Yeremi 3:24

Kandɔɔ o felengiyɛi nɛi nin, piɔmaa ndaa cii ɲɛm fuɲaa naa nuwviaa-on dio few: cɔlua pɔmbɔa a cɔlua bɛndua, poaa ndaa a cuavaa ndaa laandua.

Yeremi 24:2

Voosun va o kambɛi tasoo nin-ndon va n kɛndɛ-kɛndɛ maa voosun tasen keleŋa divɔɔ-on. Voosun va o kambɛi diinndɔɔ nin-ndon mun niŋ te, vanáà nɔla mun dio le, kani tambei pila mun óò tambu ni.

Osee 4:18

A cii dɔ́ɔ́ pɛ man kolɔɔ a labɛɛla, a saan suunda nda soolaa n'piɔmndo. Dɛnnda lasiɛmbulan simlacia ndaa yeema ni.

Kundalan 18:13

a ɲɛm tasen nda yɔngunin ya o tɔlɔɔla nda vanin sɔlaa o lɛŋnde len nin-ndan nin-ndon. Vanaa-vanaa va pɛ a diandaa o yungule nɔmnden nin, nda dianin ɲɛm mun ni.

2Masaa 17:11

Lon nda va cuɛima cun kɛndɛan lomɔɔ o tombon ni, mɛɛ vanaa-mangalaa-isɔaa Mɛlɛka ndóò tow nda laci-a va tosaa yɛ. Má tɛɛmbuu Mɛlɛka kɔllo a dɛnnda vɔɔnnda lan.

Condii kɛndɛ-kɛndɛi 3:6

Nɛ̀ɛ́-nɛ̀ co yɛ ho fulaa o lɛŋnde veselɛilen nin mò va heeloo nanu maa tindile ikum? Ó suunun hoo cuɛima cun kɛndɛan, mò cucun ansan a ɲɛm cun kɛndɛn vanaa toosiaa cuɛima cun kɛndɛa coo-o pɛɛn.

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Osee 13:5

I síná niaa o lɛŋnde veselɛilen nin, o lɛŋnde paalen le fùlà taw len nin.