Osee 8:8 - BII BILA

⁸ Vannda cii Israɛlla misimisi. Nihau, a siŋnun maa ɲɛ vana yeema lɛ loo vanaa-mangalaa-isɔɔa tɛɛn.

Osee 8:8 Referans Kwoze

Yeremi 22:28

Vannda co dimio aa: «Mò va maa kpɛɛnɛi piɔlɛyii vana soli lɛ kpeku lei a ɲɛ nɛŋi lɛ mako loo Konia co ni? Le yɛɛ nɛ nda tow yɛ ndu a cuavaa ndɔa o lɛŋnde nda sina le len nin?»

Yeremi 51:34

Nebukanɛsar, masaa Babilɔn cii ya sɔɔsiaa, mó mial, mó mal-la fondo maa hɛngɛi fondo. Mó mial-la maa ɲina, mó pei demboo ca a ɲɛm nin hiow naŋɔɔ-on, o kon kɔɔli, mó mal-la.

Rɔmnda 9:22

Hala yeema le kɔltuw ndɔɔ cɔmndo haliko mi vannda sina kpaaya ndɔɔ. Nduyɛ, biwnɔnndo pila o biwnun a vanaa kɔltuw ndɔɔ va le nda-a ni. Kɛ nduyɛ telenndo ndóò tiiya nin le tambii ndɛi.

Esekiɛl 36:3

lelan tɛɛnguu diom Mɛlɛka-o mà dimi aa: Nuaa Maalii, o co Mɛlɛka-o dimi ni aa: Le tùú vannda yeema ba-ba fee le niaa pembon Israɛl mɛiyo fondo a le niaa hiɔlɔɔ haliko mi la siŋnun le vanaa-mangalaa-isɔɔa-o, le tùú vannda tɛɛndan niaa má ke niaa diomndan-ndo,

Cɛɛŋɔnnda Yeremi lan 2:16

Yaamɔaa nɔmnda kpow a co balɔɔ a nɔm o sondo, mà va huiyon hɔŋndo, mà va nɔm ciŋndon kumbillo a mamɔɔ aa: ‹N cii a ndu, hee naa n va kɔɔli ni, mɛɛ o co nuaa yɛ náà n yeema le ndu cɔu ni!›

Cɛɛŋɔnnda Yeremi lan 2:5

Mí Maalii siŋnun maa yaamɔɔ naa. Mó tɛɛmbuu Israɛlla a cɛila lemasala ndalan kpow, mó tɛɛmbuu kpakila ndalan. Mó kui ŋɔɔcanndan a cɛɛŋɔnndan o Yuda lo cɛinin.

Cɛɛŋɔnnda Yeremi lan 2:2

Mí Mɛlɛka tɛɛmbuu calta Yakɔb lan kpow a kɔltuwvo, o tosa iɲíí le. Mó puusiaa kobila Yudala va o kpakilan nin-ndan. Mó viaw nda lɛŋ, mó soli masalen a simlacia o báà nin.

Yeremi 50:17

Màá saa laasian, mì yàlàá can ndu tovɔɔ-o Israɛlla va ni. O tase de ndu-o yɔŋnun masaa Asiri ni, o ndu kɔɔli, mí Nebukanɛsar masaa Babilɔn hun pesipesi ndu paalan.

Yeremi 48:38

O cɛilan kpede sɛmtɛ o lɛŋnde Moab len nin a o bɛ́ɛ̀lan kpow, condun biision daama vana tuɛi ni. Kani i cii Moab piɔlɔɔ maa kpɛɛnɛi vana nɔ lɛ mako lei.» Sɔɛi fula ya Mɛlɛka o sondo-e co ken ni.

Esai 30:14

O komba pɛ o piɔsi mɛɛ kpɛɛnɛi vana cɔavaa n'kpɛɛnɔɔ piɔsi nuaa yɛ. Ì piɔl pɛ, ì cuinun yukulu, hali tɛndu pɔmbɔɔ le yinnden cuaa lenin o yinndaceele, o sɔ́lan te, o co vɔ bɛɛ le tɛndoo sɔlaa le mɛnndan kɔndɔɔ o kpɛɛnɛi bɛndu-bɛndui mamɛnnde nin te.

2Masaa 18:11

Mí masaa Asiri kɔa a Israɛlla o biyɔɔ nin o lɛŋnde Asiri len nin. Mó yaa nda o tàndá nda veelu aa Halah-o nin, o peo Habɔr kɔngɔ o tàndá Kosan-ndo nin a o kobila Mɛdea nin.

Tɔŋ miingua 28:64

Mɛlɛka saŋnin niaa o vanaa-mangalaa-isɔaa celen tɛɛn, kandɔɔ nɛɛ lɛŋnden le mɛɛlu-a kɔ bii háá nɛɛ le mɛɛlu kpengei pilɛi-ya. Lon niaa sooluunin halaa celen ni, a fuɲaa niaa mamaa a niaa pila sina le-a: halaa lapowva a halaa iyɔmnda.

Tɔŋ miingua 28:25

Mɛlɛka malnin niaa yaamɔaa niaa o ba, mà nɔla niaa. Te la kei pɛ o nɛiyo ndu pilɛ coo le kɔlan nda cɔlɔbaa, la ɲaanunnin nda, mì la sɔɔndian o nɛilan tan ŋɔmmɛw. Dɛnɛ niaa kon lueinin masɛi co o lɛŋnden coo-e kpow siòònde.

Tɔŋ lasálàá 26:33

I saŋnin niaa vanaa-mangalaa-isɔɔa tɛɛn, lɛŋnde niaalen le lonin fondo, mì kobila niaalan la siŋnun pɔmndan.

Yeremi 25:34

La koŋul, niaa simlacia, la mɛli yeelan! La pimbul lɛŋ, niaa vanaa mandaa n'cɔlua. Kani telen nda co niaa bololan kili, mì la saŋnun-ndo tiiya hoo ni. La delnin mì la cuinun maa hɛngɛi báà kala.

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Cɛɛŋɔnnda Yeremi lan 4:2

Cuawva Siɔn a vannun a sɔvɛ maa sianin diandaa, kɛ a muungunin maa kpɛɛnɛi puulu, i vana cɔavaa n'kpɛɛnɔɔ cɔw a laba-e pɛɛn!