Osee 8:7 - BII BILA

⁷ Le tùú niaa co hoeiye saŋɔɔ-o, la koawnin felenfelenndo. ‹Malun cuulu yasa lon soli kpeyan te.› Te n soli yɛ pɛ kpeyanndo, mɛɛ mialla dianin kpeyan kon ni.

Osee 8:7 Referans Kwoze

Talelan 22:8

Vana saŋ pɛ dɛnɛ sandaa lepɛŋndo, o kow dɛnɛ palaa. Kani sionnde o tosa dɛnɛ vɔɔndo len le yomnin.

SƐBƐ YƆB-O 4:8

Ya, i dɔw sɔɛi pilɛ taasi: Vanaa váà dɛnɛ vɔɔndo-a, vanaa saŋ pɛ kɔlvesɛiyo-a, nda koaw kɔmnde ɲɛm nda saŋ mún-ndon ni.

Kalatea 6:7

La lúɛì o lapɔw nin te: vana mem Hala le. Ɲɛ vanacieo saŋ-ndo, ndu koni o koaw vɛlɛ ni.

Nahum 1:3

Mɛlɛka biwnùn, kpaaya ndɔɔ co o bɔɔ. O bíì vana tɛɛmbùù dɛnɔɔ-o maa vanaa tɛɛmbúú dɛnɛ loo le. O va pɛ kɔlan felenfelenndo cɛn. Yumbuyumboo co cundu can ndu o pelon bɛngu-o ni.

Osee 7:9

Mialla co kpaaya ndaa ciiyo, kɛ nda pila co o sina nin te. Yuuvɛi bii nda icanya, kɛ a co ndi bila biyɔɔ le.

Osee 2:9

O kon, o vanin kɔlan sámáá ndɔa kɔɔli, kɛ o bendalnin nda le. O nuwviaanin nda, kɛ o seelunnin nda le. Le hee, o diminin aa: ‹I muungu vɔ mì kɔɛnnun o pɔnɔ ni tasoo lo. Kani lɔ́ɔ́ ya va ndu o ba-o yáà hiow va o dɛnɛ kɛndɔɔ nin a sisa.›

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Esai 66:15

Kpókò, kpókò, kpókò! La tofa vɔ Mɛlɛka hunɔɔ sei! La tofa vɔ ndu hunɔɔ o yinnden tɛɛn, ɲɛla ɲaanannda ndɔla soa nan-ndan la co maa hoeyii felenfelen, o co hunɔɔ le kɔl ndɔ tuwvo tuisio a le kɔngɔliannda ndɔlan peeloo a yelenyelen leyinndo.

Esai 17:11

Paale niaa tɔal tɔlɔɔ kon-nden, la ce ndu vulɔɔ, diimandɔɔ idiiyo, la ce kulun niaan mun cuuloo. Kɛ telen niaa bɛnda le kulun mun kovɔɔ-o, ɲɛ cuulu-o foofi, o kon dɛnɛ palaa kon cɛ̀wnun te.

Vana Kɔlkaloo 5:16

Lende o co palɛi ndɔɛi kpow ciiyo o ɲumndan nin ni. Dɛnnda palaalan, sangalan a kɔl tambɛiyo taw co ndu coo ni.

2Masaa 15:29

Telen Peka va o masalen coo Israɛl-lo, mí Tiklat-Pilesɛr, masaa Asiri hun bii Iyon, Abɛl-Bɛt-Maaka, Yanoa, Kedɛs a Hatsɔr. Mó bii tàndá Kalaad-o a tàndàá Kalile kpow, kɔ bii niko a tàndá Nɛftali-o kpow, mó bii vanaa va o kobila lan a o tàndàla lan nin-nda kpow, mó kɔa a nda o biyɔɔ nin o lɛŋnde Asiri len nin.

2Masaa 15:19

Mɛɛ Pul, masaa Asiri luɛi o lɛŋnde Israɛl-ten nin, mí Menahɛm ke ndu volion kilolan vaalan beleyaa, haliko mi ndu Pul ndóò mala ndu, mì masalen léè sim yili ndu o ba.

Tɔŋ miingua 28:33

Vanaa-mangalaa-isɔaa niaa sina le-a dianin tɔlɔɔla niaalan a valta niaalan tɔnɔ. A vanin niaa delɔɔ coo a niaa mɔnɛi lueiyo tuŋ.

Kalatea 6:8

Vana saŋ pɛ le yeemɛi ndɔɛi ndu pila-e, ɲɛ yeemɛi ndɔɛi koam-ndo o koaw ni, piɔ́mndo pɛɛn. Kɛ vana saŋ pɛ le Kɔl-Diandaa, ndu kow o fula o Kɔl-Diandaa nin-ndo, yoomu fɛɛn-fɛɛndo pɛɛn.

Esai 55:2

Le yɛɛ nɛ niaa co yɛ volion pisio le ɲɛdiaa nɔ tɔnɔ loo, mì la va sangaa le ɲɛ pimi vana loo? La yaŋ ya nilan, la yaŋnun, o kon la dianin ɲɛm yeelɛiyon, ɲɔɔ hɛnannin niaa le ɲɛm dian naŋ-ndon dioo.

Cɛɛŋɔnnda Yeremi lan 5:2

Kɛ́ naa kɔɛnnun vanaa celennda o ba, cɛila naalan la cuu lakɔ mialla o ba.

Osee 9:16

Polale Efraim-nden le keŋnun, mí dumbule ndɔlen le vesa. A soli lɛnin n'cuaw le. Taa velu yɛ pɛ cuawva, i yaanin cuavaa nda kaolanin kan-nda ciee-piɔ́m.»

Aasee 1:6

La co saŋɔɔ taw, kɛ la co ɲɛ bɔɔ kovɔɔ le. La co dioo, kɛ la co pum te. La co kolɔɔ, kɛ ma co niaa biyɔɔ le. La co volɔɔlan cuɛinɔnndo, kɛ la co niaa hangul heelu le. Sala vana baalaa co sɔlaa-o co luɛyɔɔ o bɔlɔ buliɛiyo nin.

O Kandɔɔ 41:23

O kon kɔɔli, mí ca vɛlɛ yasala n'malta celen tan ŋɔmmɛw o lan kɔɔli, la va lafoofiɛilan. Mí hoeyii fula a ba paalen le can-ndo-e veesiaa lan kékélé.