Osee 8:6 - BII BILA

⁶ Kani Israɛl naw téndé niaa kon fula ni. Vana cɔavaa pum cɔw ndu ni, o co hala le o co le. Lelan, le naw téndé kon Samari pesipesinnin vɔ́-vɔ́.

Osee 8:6 Referans Kwoze

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Habakuk 2:18

La co cilinndon teengiaa, mì la va tuuliaalan toosiaa a mun le vannda còòlan dimullo. Piɔmndo suu le, o kpeŋan a ba ndɔ le, le yɛɛ mì la tiindan ndu? Ɔ́ɔ̀ kpeku piɔmndo solul vana-o?

Osee 10:2

Kɔl ndaa co o piɔvan-ndo, lelan sanga kon co nda tolɔɔ coo ni. Mɛlɛka co fondala-loamaa-lasálàla ndalan pesipesi mò puusiaa powta sálàla ndalan.

Yeremi 50:2

La yondal vanaa-mangalaa-isɔɔa sɔɛi he, la heelu lɛfɛ landaa haliko ma bii bila. La yonda ndi, la vian ɲɛ-ɲɛ le! La dimi aa: «Babilɔn biinun, siɛmbulan la bii piɔmaa ndɔa, mì siòòŋii bɛnduei bii halaa ndɔa fondoa. Siɛmbulan la bii Bɛl, a toɲa, Merodak vi diallon.

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

2Dɛnnda lemasalan 31:1

Kafoo cuvɔɔ, mí Israɛlaa va lon-nda kpow a kɔa o kobila va o tàndá Yuda-o nin-ndan nin, má pesipesi powta sálàlan a sooluula va lon-ndan. Má tɛɛmbuu tombon a máánnda va o lɛŋnde len nin-ndan, a la va o tàndá Bɛnyamɛn-ndo nin-ndan kpow. Má pesipesi vɛlɛ la va o tàndá Efraim-ndo nin a o tàndá Manase-o nin-ndan kpow. O kon kɔɔli, má muungun o kobila ndalan nin, vana-vana o ndu lo.

2Masaa 23:19

Mí Yosia tɛɛmbuu vɛlɛ máánnda masaa Israɛl ndáà tangul o kobilan Samari nin le Mɛlɛka kɔllo tɛɛmbuuo lan kpow, maa mɛɛ ndóò tosa a máánndan Betɛl-lɛ.

2Masaa 23:15

Mí Yosia puusiaa vɛlɛ fonda-loamaa-lasálà va Betɛl-lo, tombii Yeroboam po Nebat-o ndóò tangul-le, Yeroboam kon pɛɛn, o ndóò luei Israɛlla balan o hakio nin-ndo. Mí Yosia loam tombii ken, mó komba fonda-loamaa-lasálà kon, mó loam vɛlɛ yɔm soolaa, mó mingi ɲɛm mun kpow cundoo.

Yeremi 48:13

Siɛmbulan la biinin Moabua le Kɛmɔs hala ndaa, mɛɛ siɛmbulan la bii Israɛlla le hala nda va Betɛl-lo yɛ, o ndáà tiindan a kɔlta ndalan kpow-vo.

Osee 13:2

Háá sisa, a co hiovɔɔ laci a hakilan tosaa, a co volin ndan teengiaa mà va piɔmnda cownɔnndo a mun. Piɔmaa nda pila co cɔvɔɔ-a kpow, vanaa caa cɔwva-a co nda cɔvɔɔ ni. Vannda co dimio a nda o kɔɔ aa: ‹Vanaa co sálàlan solio a vanndacieea-a nɔla ma kɔman piɔmaa co maa navaa téndé-a, mà sɔsa nda sondolan le nda sooloo.›

Osee 14:3

La hun o ndu lo a sɔɔn sondon, la muungu Mɛlɛka o ibuŋ mì la dimul ndu aa: ‹Mal naa haki le tɛɛmbuula naalan kpow. Cɛl naa a kɔlkɛndɔɔ, yɔŋii naa n solul nɔm sálàlan a navaa tovaa, o co fisa mì n sangala nɔm a sondola naalan.

2Dɛnnda lemasalan 13:8

Nihau, la nɔ o lakɔl maa la co masale Mɛlɛka ke poaa David-a len simul? La co sɛ́lɛ́ taw, la nɔ navaa téndéa cɔwnun a sianion-nda, á Yeroboam cow niaa ma va halaa niaa-a o ba.

Misee 1:7

Piɔmaa ndɔa kpow a piɔsinin, mì ɲɛm nda ke ndu-on kpow n ŋɔɛ o yin. I pesinin piɔmaa ndɔa nda sɛl kan-nda, kani a sala suunda ndɔɔ o cuungiaa nda ni. Le sala suunda pilɛ kon koni nda vanin vɛlɛ ni.›»