Osee 8:14 - BII BILA

¹⁴ Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Osee 8:14 Referans Kwoze

Tɔŋ miingua 32:18

‹A toɲa, Israɛlla, la kɛɛ Pow Kpova velu niaa-o, la pɔɛɛnun Hala yɔngu niaa yoomoo-o.›

Yeremi 17:27

Kɛ te la yeŋ ya nilan te, te la luei paale pɛngiaalen yii mì la manda len le ya le, te la cua pɛ volɔɔlan o paale len coo, mì la kei a lan o diola Yerusalɛm-ndan, i malnin kobi kalaa yin, mì cɛila ndɔla kɛndɛlan la ŋɔɛ, nduyɛ le ɲumnin te.»

Amɔs 2:5

Lelan, i co yinnden malɔɔ mì le lom tàndá Yuda-o, mì le lom vɛlɛ cɛila lemasalan Yerusalɛm.»

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Amɔs 1:10

Lelan, i co yinnden malɔɔ o kpakila kobio Tir, mì le lom cɛila kɛndɛ-kɛndɛla co lon-ndan.»

Efɛsea 2:10

Kani Hala toosiaa naa ni, o cɔw naa o Krista nin haliko mi n va dɛnnda kɛndɛlan tosaa, dɛnnda kɛndɛla ndóò tuu paandu pá haliko mi n tosa lan-ndan pɛɛn.

Amɔs 1:14

Lelan, i co yinnden malɔɔ o kpakila kobio Raba, mì le lom cɛila lemasala co lon-ndan o vóólun-vóólunn cɔwvo bɛngu, o paale cɔwlen len pilɛ nin. La cuunin ŋɔ o felenfelen leyinndo nin o paale hoeyii fùkù-fùkùlen nin.

Amɔs 1:12

Lelan, i co yinnden malɔɔ mì le lom kobio Teman, mì le lom vɛlɛ cɛila lemasalan Bɔsra.»

Amɔs 1:4

Lelan, i co hunɔɔ yinnden malɔɔ o cɛi lemasa Hasaɛl-lo coo, mì le lom cɛi lemasa Bɛn-Hadad-o!

Osee 2:13

I tɛɛmbuunin kɔlkɛndɛ ndɔɔ, mì kuuna kafola ndɔlan, kɔlkɛndɛ ndɔ paangun sɛnɛiyo, kafola ndɔla paale pɛngiaalan a cuungiannda ndɔla kɔlkɛndɛlan kpow.

Yeremi 23:27

A yeema mi vanaa nia pɔɛɛnun a ya, a lɔma sɔlaama nda co cɔu vellaa-velle-an. Lende koni fuɲaa ndaa mamaa ndáà pɔɛɛnun ya ni, má mulin o Baal lo.

Yeremi 3:21

Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Esai 43:21

O kon, vanaa ya cownun-nda keeliaanin tɔ́ɔ́ nuu a ya lisaa.»

Esai 42:25

Lean Mɛlɛka tuisi kɔl ndɔ tuw bɛndoo Israɛlla coo ni, mó tuisi nda cɔw kàlà-kálàá coo, mí cɔw kon ŋɔaw nda ba-ba fee, kɛ a bii ɲɛ-ɲɛ bila le. Mí kɔltuw ndɔɔ loam nda, kɛ a dow ɲɛ-ɲɛ taasi mà bii ndu o kɔl te.

Esai 42:13

Mɛlɛka co fulaa maa kuubanɔ cɔw, o co diallon fulaa maa vana cɔw, o co deŋio kpélén, o co sɔɛi coo a kɔltuwvo, o cɔm yoomuma ndɔan yaamɔaa ndɔa coo.

Esai 29:23

Kani telen cuavaa nda canin baala bala nilan la tosa-o nda tɛɛn-ndo, a dindinin diola nilan, a kenin ya bɛɛlen, ya co O-Diandaa polale Yakɔb len-ndo, a nɔnin siòòŋii nii, ya Hala cuavaa Israɛlla.

Condii lisai 106:21

Má pɔɛɛnun Hala, vana ciindiaa nda-o, o tosa dɛnndan taw o lɛŋnde Esipte len nin-ndo,

2Dɛnnda lemasalan 27:4

Mó tangul vɛlɛ kobilan o tàndá n'pemboo Yuda nin, mó tangul cɛila mayoomulan a cɛila coocoolan o bundɛlan nin.

2Dɛnnda lemasalan 26:10

Mó tangul vɛlɛ cɛila coocoolan o lɛŋnde veselɛilen nin, mó toaw soonnda mamɛnndan taw, kani ndóò nɔ cɔlua taw o dɛɛlalan nin a o dɛngbɛlan nin. Ndóò nɔ vɛlɛ vanaa vàá a vanaa tɔalaa n'rɛsɛnnda o pembon coo a o tàndá Karmɛl-lo nin, kani ndóò yeema bɔɔ vali yondoo.

1Masaa 16:31

O hini kɔl le hakila o tosa mó vial Yeroboam, po Nebat-o lan te, kɛ mó mulin, mó kɔ yil Yesabɛl, cua Ɛtbaal va masa Sidɔnnda-o o nɔ̀u nin. O va vɛlɛ piɔmndo Baal sooloo.

1Masaa 12:31

Mí Yeroboam tangul cɛila máánndan, mó hɛli vanaa fula o polale Levii len nin te-a vannda tɛɛn, mó siinguu nda vanaa-solia-lasálàá.

2Masaa 18:13

O vɔsi tɔ́ a o hiɔɔlundɔɔ nin o masale Esekia len bɛngu, mí Sennakerib masaa Asiri hinul kobila va o kpakilan nin o tàndá Yuda-o nin-ndan kpow a cɔwvo, mó bii lan.

Condii lisai 95:6

La luɛi mì n tundun, mì n piɛinun, mì n baŋnun vulan Mɛlɛka cɔw naa-o o labɛngunin.

Esai 9:9

‹Kpilikion deli, kɛ n minginin tangul a powta sialaalan. Buumbuue cuu kili, kɛ n co yɔmii Sɛɛdrei mingi o fonda kon.›

Esai 9:10

Lelan, Mɛlɛka cuanin yaamɔaa Resin-nda mà simul nda, o tosanin mì yaamɔaa ndɔa simul ndu.

Yeremi 5:17

Vanaa kan tɛɛmbuunin calta niaalan a ɲɛdiaa niaa. A diwnin poaa a cuavaa laandua niaa, a diwnin cɔlua niaa pɔmbɔa a á bɛndua. A tɛɛmbuunin nakɔla n'rɛsɛnnda niaalan a la n'voosulan. A pesinin kobila mayoomula niaala niaa tiindan ndan a cɔwvo.

Esekiɛl 23:35

Nuaa Maalii, o co Mɛlɛka-o dimi ni aa: «Le tùú n pɔɛɛnun ya-o, le tùú n kɛɛ ya ma mulul-la kɔɔ-o, mɛɛ nɔm bɛɛ sɔla niko sangaa le suunda nɔmndo a le nɔɔlian nɔmndo.»

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.