Osee 8:13 - BII BILA

¹³ O co fúú le nda kaola ya sálàlan solullo le, kani nda pila co visin mun dioo ni. Kɛ ya Mɛlɛka, sálàla lan la bii kɔl te. I pɔɛ́ɛ́nùn yɔŋnda ndala vɔɔnndan te, i soaŋnin nda le hakila ndalan. Haa, fɔ mà muungu Esipte!

Osee 8:13 Referans Kwoze

Osee 9:9

La luɛi bɔɔ o laasianndo mɛɛ ɲɔɔ va tosanndo lɔ́ɔ́ kon Kibea yɛ. Mɛlɛka co dɛnnda niaala vɔɔnndan loonɔnndo, mò tuisi nda sangaa coo le hakila ndalan.»

Osee 9:6

Kani má cè niaa kɔnndan le dɛnɛ tambɛi co tosanndo-o. La kɔ cuungiannin Esipte mí kobio Mɛnfis siŋnun sɛila niaalan. Yɔɔn ciinin bolofaa niaa latɔ́ɔ́-tɔ́ɔ́ tɛɛmbuu niaa kɔɔli, siɛmbulle vulnin o cɛila-kolala-toandaala nialan nin.

Amɔs 8:7

Lelan, Mɛlɛka mɛnan a lɛŋnde yungu Yakɔb-o tiindan-nden aa: «Le fɛɛn a fɛɛn, i pɔɛɛnunnin dɛnnda ndalan o pilɛ le.»

Amɔs 5:22

La solul-la nin bɛɛ sálàla loamaalan, la cuunin ya bɛɛ sálàla kpeyanndan, i cɛl-lɛnin ndan te, i yeema lɛ mì ce cɔlua celulaa niaa co kan diyɔɔ le ya sálàla kɔlɲululan solullo-a le.

Osee 11:5

Israɛlla muungu lɛnin Esipte le, kɛ masaa Asiri tosanin masalen nda coo ni, kani a kɛɛ le muungoo ya Mɛlɛka o ibuŋ.

Osee 5:6

A cuanin saa ndaa a navaa ndaa mà kɔɛ Mɛlɛka nuwviaa a nda. Kɛ a seelunnin ndu le, kani o kɔɛ nda levil.

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Esai 1:11

Mɛlɛka ɲuna aa: ‹Kpeku yɛɛ nɛ ya nɔ yɛ a sálàla niaa co lan soli bɛndoo lan? Sálàla loamaala niaa co solio a saa kóndóa lan la fula ya iyeema few-few, I sanga nin a visin macuɛin navaa téndéa. I yeema lɛ kooma navaa tovaa, kooma saa téndéa a kooma cuinaa toovia le.

Tɔŋ miingua 28:68

Mɛlɛka minginin niaa Esipte o dɛ̀ndɛ̀lan nin. La muungunin o nɛi yáà dimul niaa aa la muungu lɛ o nɛi kon too coo. Lon niaa pila yeemanin le pisinndo yaamɔaa niaa o ba le siŋnɔnndo cɛa ndaa a buɛyaa ndaa ni. Kɛ vana-vana venin le niaa piondɔɔ le.»

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

1Korɛntea 11:29

kani vana-vana de pɛ, mò kol, mò sínà diallon mun pɛɛngu le, mɛɛ ndu co dioo a kolɔɔ le ndu pila yaalanndo.

1Korɛntea 11:20

Te la cuungian pɛ, vɛ̀ɛ̀ o co ɲɛdiaa Maalii-o le niaa dia dio kon te?

Osee 12:11

I soo o vanaa-tɛɛngaa-diom Hala-a lo, mí cɔm vannda vunduan taw-taw. I soo o talelan nin a sondola vanaa-tɛɛngaa-diom Hala-a.

Osee 7:16

O va bɛɛ mà va muungu vana o ibuŋ, mɛɛ le vana celen, kɛ o co ya Mɛlɛka o ibuŋ te. Maa kpaasiaa tennda loo nda co ni. Simlacia ndaa delinin mà vi o mɔɛi cɔwve bɛngu le diɛɛmule ndale yeovaalen. Kon tosanin ni mì vannda mam nda o lɛŋnde Esipte len nin!»

Osee 7:2

Nduyɛ, a co yiyanndo maa i co loonɔn a kɔlvesɛi ndaa kpede le. Sisa, dɛnnda nda co tosaa lan la balu nda nɛɛ-nɛɛ ka, i co dɛnnda ndala lan cɔu.

Osee 4:9

Kɛ mɛɛ ya tosanin a vanaa tɔ̀a yɛ, lende koni ya tosanin a vanaa-solia-lasálàá ni. I tosanin mì dɛnnda ndalan la mingulun nda pila.

Talelan 21:27

Ɲɛ vɔɔn bɛndoo pila sálà vanaa kɔlvesɛiya co ni, kɛ taama-taama, a soli ndu pɛ a yiyan nɔɔlɛiyo.

1Samiɛl 15:22

Mí Samiɛl ɲuna aa: «Vɛ̀ɛ̀ o sálàla loamaalan a o sálàla súú celen ndu solullo nin Mɛlɛka hini kɔl ni baa o sɔɛi ndɔɛi biyɔɔ nin? A toɲa, sɔɛi biyɔɔ hiow naŋɔɔ a sálàlan solio, Sɔɛi biyɔɔ co fisa a cɔlua macuɛiya sálàá solio.

Fulaa 32:34

Lelan, tol ma kɔɛ a vannda ha o fonda ya dimul nɔm le kɔlan a nda-o. Mɛlɛkanɔ nuu vanin kɔlan nɔm laci. Kɛ paale pum, i kɔɔsanin a nda, mì soŋ nda le haki nda tosa-o.»

Fulaa 20:3

Lelan, la bɛnda mi la sooluu halaa celen o ya kɔɔli le.

Luke 12:2

Ɲɛ-ɲɛ co o kumbaa, o fulanin ceen kpendekele. Ɲɛ-ɲɛ co vɛlɛ o vianaa, vannda sinanin ndu.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Yeremi 6:20

Kpeku yɛɛ ya nɔ yɛ a ansan co fulaa Saba-o, te kon te a ɲɛm cun kɛndɛn fula o lɛŋii celen nin pɔ́-pɔ́-on? Sálàla loamaala niaalan la hɛnan ya le, sálàla niaalan la nɛŋi ya kɔl te.»

Esekiɛl 29:16

Cuavaa Israɛlla tiindan ndɛnin nda le fɛɛn a fɛɛn te. Esipte vanin maa ɲɛ loonan haki le pɔwla vanaa nia ndáà pɔw má kɔ sɔɔnun Esiptea o ba lan. O kon, vannda sinanin maa ya co Maalii ni, Mɛlɛka pɛɛn.»

Osee 7:11

Maa poonpoon diɔm nɔ kɔl too cuavaa-imamaa Efraim-nda co ni. A co Esiptea veeloo le nda malaa, a co kɔlan Asiri.

Osee 9:7

Palɛi Mɛlɛka co sangaa tuisi-e tiiya, palɛi konalan la dɔawnunnin-nde pɛɛn. A toɲa, palɛi ken keinin Israɛlla coo. La co dimio aa: ‹Vana-tɛɛngaa-diom Hala-o seema. Vana sɔla Kɔllo-o hiŋnun bollen.› Lende ni, kɛ kon tosan le dɛnɛ vɔɔn niaa bɛndoo a le nɛyɔn bɛndu niaa nɔ-o.

Osee 6:6

Lou o lediom coo hiow ya hɛnan a sálàla n'cɔlulan. Hala sinaa co fisa a sálàla loamaalan solio.»

Amɔs 3:2

‹O yungula co o lɛŋnden coo lan kpow tɛɛn, niaa pilɛ kpé ya hɛli ni. Lelan, i co niaa hunɔɔ kɔɔsɔɔ ɲuna le dɛnnda niaala vɔɔnndan kpow.