Osee 7:4 - BII BILA

⁴ Nda kpow vanaa suundaa nda co ni. Maa cɛi loamaa bulu vana loamaa buloo hiw tuuloo-o nda co ni. Kandɔɔ tuma o lindà kpeyanndo-vo, háá mì kpeyan kalaa cuu helɔɔ, vana loamaa buloo tofa lɛ cɛi loamaa buloo le.

Osee 7:4 Referans Kwoze

Yeremi 9:2

«Maa kpaasiaa diɛɛmui ndɛi co ni, o co o dɛnɛ sandaa tosaa nin te nda sul n'masa le, a kafalan kposon nda co masalen tosaa ni. A sina vɛlɛ ya le, hiyanndo tuŋ nda co a dɛnɛ vɔɔndo tosaa ni.» Sɔɛi fula ya Mɛlɛka o sondo-e co ken ni.

Nsaki 4:4

Éé niaa vanaa laasiannda ha! Vɛ̀ɛ̀ la co sina le maa, yeemɛi ceendo ho i siinguu vana yaamɔɔ Hala-o ni? Lelan, vana yeema pɛ le vaa caaŋoo ceendo, ndu siŋnun yaamɔɔ Hala-o.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Osee 4:2

Fɔ mɛɛniaalan, còòlan, vannda diwvo, vuilen a suundaa daama co nin tosanndo o lɛŋnden nden nin ni. Kɔlvesɛiyo co hiovɔɔ laci a kuiyo, a co vanndacieea diwvo a labɛɛla tuŋ-tuŋ.

1Korɛntea 5:6

Kuundian niaa niŋ te. La sínà maa lɛvɛnndo ɲɛ-pɔmbɔ nɔla mò heelu kpeyan buloo.

Yeremi 23:10

«Lɛŋnden le pɛ a vanaa co suundaa-a. Le co o mɔnɛi nin le dangala pɛ len coo lan. Billo vesan o vɔ̀lɛ́la co o lɛŋnden nin-ndan kpede. Le kɔlan dɛnɛ vɔɔndo tosaa nda caa kiltan ni, le dɛnnda niŋ te lan nda fula diallon ni.

Osee 4:10

A vanin dioo, kɛ a venin pum te. A vanin suundaa, kɛ a venin n'cuaw violɔɔ le, kani a mulul-la kɔɔ, ya Mɛlɛka.

Yeremi 9:1

Màá yáà kɔnnun ko o lɛŋnde veselɛilen nin, mì yáà kɔ va o pangala vanaa kelaa pɛngi nin-ndan bɛngu, haliko mi yáà faŋan vanaa nia ikɛi, mì yáà kɔ calnun ndon polon. Kani mɛɛ nda co kpede, vanaa lakafaa nda co ni, vanaa suundaa kposon.